2017/11/20

2018四國遊 (行程大方向)




Hello !


光陰似箭 , 話咁快又兩個星期冇同大家見面 ...

咁又唔係限定兩個星期至出一篇既 , 有時間就盡量寫啦 , 不過呢排較為忙 .

未開始之前 , 先交待D野 , 留言位置方面 , 已經解封左 , 

如果有時間 , 歡迎留番個言 .  ^_^ !!

不過Pokemon go宣傳及 比特幣 就唔好黎咯 , 俾個面 ~ 就咁算喇 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

至於今次想講既係 , 機票價位方面 , 可以話係高處未算高 ,

淨係去果程機 , 同我見到既最低位 , 貴左足足1000元 , 好彩叫做Book左咋 ,

否則又要再貴 , 再遲D會唔會更加貴呢 ? 真係要拭目以待 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住就講正題 , 行程大方向 , 之前咪話今次將會去 四國 既 . 

諗住照番用 (北海道) 方式黎行 , 即係沿住海邊繞場一周 , 

東南西北四個岬都去勻 , 再搭D其他野 , 暫定係咁啦 .

四國果度有度好 , 就係可以一鋪過行晒一周 , 如果係北海道 , 

好小人會一次行程裡面繞場一周 , 起碼都會分兩至三次 , 甚至四次 .

依家先黎介紹一下 , 佢東南西北四個岬 , 叫做乜野名 .

最東端係 : 蒲生田岬 .    最南端係 : 足摺岬 .

最西端係 : 佐田岬 .         最北端係 : 竹居岬 .

就係咁樣喇 , 之後再在天書及其他Blog友度搵料 , 搭夠呢個行程 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後想講酒店方面 , 最尾果晚通常都會住 難波 , 跟住翌日搭鐵路出機場 .

不過想入住果間 , 晨咁早就Full左 , 其他果D唔係冇位就係超貴 .

依家諗緊住唔住 難波 呢 ? 仲未諗到呀 .

好 ~ 呢篇講住咁多先 , 有進一步消息再通知大家 .

Bye Bye !

P.S. : 在網上搵張最北端 竹居岬 既相黎頂住癮先 .  ^_^ !!




24 則留言:

  1. 我個司機成日話想再去四國, 等你完成旅程後再來參考吓先 :P
    去開四國, 記得預留時間去埋兔島同貓島喎!

    回覆刪除
    回覆
    1. 依稀記得你地曾經去過 大步危 ~ 祖谷等地方 , 想食過翻尋味 , 正喎 . ^^
      至於貓島 , 多數都會去 , 兔島仍在考慮中 .

      刪除
    2. 日本好多地方都值得一去再去, 而四國就更加令人回味無窮

      刪除
    3. 係架 ~ 所以日本呢度 , 可以係話百去不厭 . Yeah !!

      刪除
    4. 太多地方想去, 但又無咁多銀両同假期, 真係要等到退休先可以完夢

      刪除
    5. 或者努力搵多D , 一年去多幾趟 . haha ...

      刪除
  2. 要繞場一周,如果係我要玩起碼兩個星期,所以都係要退休先可以XD

    回覆刪除
    回覆
    1. 的我都只係去D皮毛地方咋 , 要深度遊 , 都係要等退休 . haha ...

      刪除
    2. E, 卒之可以留言
      繞埸一周係咪好似行哂88間廟?

      刪除
    3. 88間行晒 ? 唔會玩到咁大 > XD
      不過第一間靈山寺倒有興趣 .

      刪除
    4. t : 之前留言果度俾D 宣傳留言 攪到一鑊粥 , 所以停左一排 , 依家恢復正常 . ^^

      刪除
    5. 如果小姐唔租車徒步行嗮四國, 呢個旅程一定好感人 :D

      刪除
    6. 步行嗮四國 , 駛唔駛一年呢 ?
      呢個旅程唔止感人 , 直情係要命呀 . haha...

      刪除
  3. 四國去過一次,不過仲未玩哂,原本plan咗今年再去,但最後去唔成,希望明年可以去到

    回覆刪除
    回覆
    1. 果度雖然冇北海道咁大 , 不過玩一次點都唔夠 , 一於明年再去啦 . Yeah !!

      刪除
    2. 我新年願望係希望唔駛再去四國
      XD

      刪除
    3. 唔駛再去四國 ? 此話怎解 ? 唔通你去過好多次 , 多到唔想再去 ? ^_^ !!

      刪除
    4. J少會唔會喺四國娶咗妾 :D

      刪除
    5. 都有可能喎 , 點解諗唔到呢 ? XD

      刪除
  4. 我還沒有去過四國.
    期待你完成遊記後再來參考!

    回覆刪除
    回覆
    1. 我都未去過 , 一於做開荒牛啦 . haha ...
      (大把Blog友去過啦 , 點都唔算開荒牛既) XD
      多謝支持 !!

      刪除
  5. 好耐無上來 哈老
    四國我也未去過 , 正丫 金刀比羅宮 大小步危 睇旅行書見過 風景應該不錯

    唉 我遲左出手買北海道機票(香港航空) 比一個星期之前貴左800 現在要49XX

    回覆刪除
    回覆
    1. Hello ! 你講果幾度應該都會去 .
      其實香港航空同唔同香港快運 ? 機票呢家野 , 見平就要入貨 , 我買果陣都貴左幾舊水 .
      下月生日再好好同你慶祝 . Yeah !!

      刪除

歡迎光臨 , 如果時間許可 , 請留番個言丫 ~