2017/12/17

2018四國遊 (行程量度中)




Hello !


如是者又過左兩個禮拜 , 今日有D特別 ,

特別方面在於氣溫 , 係入冬以來最凍既一日 , 尋晚又夜左瞓 ,

今朝要早起身都不知幾辛苦 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

要早起身既理由 , 就係飲早茶 , 如果唔係約好左 , 真係鏟都唔願起身呀 .

又係一連串既蝦餃 ~ 燒賣 ~ 鳳爪及山竹牛肉 , 睇埋份報紙再傾陣偈之後各有各散 .

自己埋位啦 , 唔駛客氣 .  haha ...



散水後經過兩個道館 , 見到有 固拉多 , 順手打番兩場 ,

一場捉到一場俾佢走甩 , 感覺上比 鳳王 難捉 .  ^_^ !!

最後就返屋企繼續度行程 , 行程方面都失左小小預算 ,

之前咪話想繞住 四國 一周咁都黎行既 , 計過數 ~ 如果咁樣行 ,

我去既日數就剛剛好攪掂 , 之但係內陸果D就要下次咯 .

好似祖谷溪流 ~ 大小步危 ~ 金刀比羅宮等等 ...

唔緊要啦 , 今年唔去下年攪番掂啫 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

話時話 ~ 今日係12月17日 , 換句話講 , 仲有兩個月左右就出發 ,

依家攪掂既野 , 只得機票 ~ Book車 ~ 換日圓 , 其他既仍在進行中 .

下周聖誕節有幾日假期 , 可以慢慢度掂佢 ,

只要搵齊酒店既話 , 行程都仲有時間 .

好 ~ 講住咁多先 .

Bye Bye !

P.S. : 西布朗剛剛追番一球 , 依家79分鐘 , 曼聯贏2:1



2 則留言:

  1. 收到你個生日留言啦 謝謝你丫 我都等緊參加你個PARTY 咖

    你都好過我 我除左機票外 咩都未攪 連行程都未決定好 重諗緊去完網走後 去吾去稚內 聖誕假都要參考下你之前既行程先

    回覆刪除
  2. 大家都係呢個月生日 , 順手有照嘛 . haha ...
    嘩 ~ 乜都未攪 ? 咁就要認真D喇 , 歡迎光臨參觀搵料 . Yeah !!

    回覆刪除

歡迎光臨 , 如果時間許可 , 請留番個言丫 ~