普及社區檢測計劃

Hello !

大家好 ! 今日星期日 , 在家閒來無事 , 不如就整番篇網誌 , 

講乜野好呢 ? 就講近排最熱門既話題 : 普及社區檢測計劃 !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

自願性全民檢測呢樣野 , 有人就好樂意 , 有人就死都唔制 , 

所謂人各有志 , 冇得逼既 , 就搵我既角度黎講 , 身為社會既一員 , 

點都要為社會做番D野 , 人地千里迢迢落黎香港仗義幫拖 , 錢又唔收你 , 

只係抽你小小時間 , 如果咁都托手掙 , 未免太過拒人於千里之外 .

 另外有D人認為 , 唔Check就好地地 , 大吉利是係隱形患者既話 , 

冚家都要受隔離 , 手停口停之下 , 飯都可能冇得食 .  >_< !!

之但係諗遠小小 , 萬一真係隱形患者 , 自己去到邊就傳到邊 , 疫情沒完沒了 ,

令到無數家庭手停口停 , 咁樣罪孽咪更加深重 , 況且在呢個疫情裡面 , 

我都算係受害者 , 雖然大把人慘過我 , 但係坐石山崩 , 點都要及早解決佢 .

希望香港早日康復 , 更加想世界早日康復 , 一切如常 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

於是乎較早時間在網上預約 , 盡快去做檢測 , 好話唔好聽 , 

未做檢測之前 , 都俾班友嚇鬼 , 佢地話支野隊到好入 , 好似扣喉咁 , 

咳到啊媽都唔認得 , 食完飯千祈唔好去咁話喎 ... 

真係唔知就嚇死 , 知道就笑死 , 入到去裡面 , 流程簡單過簡單 ,

可能醫療人員手勢專業 , 丁點不適點冇 , 話都冇咁快就攪掂 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

檢測翌日既黃昏時份 , 收到佢既短訊通知 , 確認為陰性 , 

一早在意料之內 , 我對自己既身體狀況 , 可謂信心十足 . haha ...

就係呢個短訊 . Yeah !!

順便一提 , 走果陣佢送左包口罩作為回禮 .

加埋之前果包未用 , 屋企有兩包存貨 .

其實點止兩包 , 早日行街見到 , 又忍唔住手入貨 .

加埋既總存量 , 若以每日一個咁計 , 起碼可以用一年 , 

都未計可以清洗既政府同心口罩 , 好似話就黎又有得送 .

希望及早可以唔戴口罩生活啦 .

今日講住咁多先 , 第日再見 .

Bye Bye !