2008/06/29

2008東京5天自由行(修訂版)D3-3




Hello ! 


上回講到在 "壽司大" & "大和壽司" 出面附近參觀 , 

睇完佢地排隊排到幾咁開巷 , 之後搭地鐵去 "東京鐵塔" ...

一上地面就見到 , 冇得收埋 , 唔駛四圍搵 .


雖然見得到 , 不過都仲有一段路行 , 上埋條斜路就到塔底 . (請打橫睇)


襯行緊果陣 , 叉開一講講其他野 , 在我硬碟圖片庫裡面 , 

見到呢段新聞 . 果陣都仲係講緊起呢個 "東京晴空塔" Tokyo Sky Tree , 

結果話咁快就攪掂 , 於 2012年5月22日 開放 , 不過開放初期 , 

暫時只係做番當地人生意 , 唔知依家做外國人未呢 ? 

有機會我都想參觀呢個 "東京" 新地標 ~ 


番黎依家呢個鐵塔 , 去到塔底果度買飛入場 , 入場費 820Yen .


仲有一張 , 係上更高層既地方 , 不過要俾多 600Yen .


好 ~ 入場搭電梯 , 上到去即刻影相 .


都唔知邊D係 Zoom 近鏡 , 邊D係就咁影 , 自己分啦 , haha ...


四邊環繞咁影 , 有冇邊D地方認得架 ? 


咦 ~ 右下角果D建築物 , 夠晒古色古鄉喎 .


遠處果度認得呀 , 應該係 "彩虹橋" .


Zoom近D睇過 , 左上角係 "富士電視台" .   ^_^ !! 


仲有紀念品買 , "東京鐵塔" 模型 , 有大有細 .


繼續參觀 .


望落都幾高喎 .


我至鍾意由高地望落地下呢種 Feel .


所以今次 "東京鐵塔" 既行程 , 我想左好耐架 , Yeah .


如果由新既 "晴空塔" 望落黎 , 豈非更高 ? 


正呀 .


有冇人知道果度 (晴空塔) 既入場費係幾多呢 ?


我諗要過多幾年之後 , 等人潮冷卻 , 先至參觀得舒服D , 

鋪鋪玩迫爆 , 咪攪 .


影埋呢張都差唔多咯 .


電梯 .


頭先更上一層樓既入口 .


行上一層再搭電梯 .


呢度係玻璃底 , 要黎嚇人既地方 .


有D畏高添 , haha ...


影齊晒相落番地下 , 呢D旅遊景點 , 點可以冇禮品部架 .


連 "水族館" 都有 , 認真唔簡單 .


參觀埋先過 "水族館" 紀念品部 .


出番黎地面 , 呢度係塔底 .


好宏偉既呢 .


終於完成呢個參觀 "東京鐵塔" 既心願 .

下一站去 : 六本木 .

Bye Bye ! 

2008/06/27

2008東京5天自由行(修訂版)D3-2




Hello !


 上回講到去到果間排隊排餐飽既 "壽司大" 

食左個靚靚 "旬魚" 壽司套餐 , 之後馬上埋單 , 

好讓其他同好可以早D入坐 , 而我則無所事事 , 四圍影相 .

今次呢篇網誌 , 最主要係想講 "壽司大" 門外 "賓墟" 咁既場面 , 

相片可謂雜亂無章 , 總之就排名不分先後咁啦 . 

當時大約係早上九點幾 , 依然人頭湧湧 .


"壽司大" 隔離果間係咖啡店黎架 , 可惜我平時甚小飲咖啡 , 

(食完酒店早餐除外) 否則可以嗒番杯先走 .  ^_^ !!


"大和" 壽司 , 場面都唔簡單架 , 同 "壽司大" 齊名既 , 

就只有呢間 "大和" 壽司 , 利害 .


八千代 , 食乜野既呢 ? 


隔離再隔離果間 , 完全冇人問津 .  >_< !! 


再睇番 "大和" 壽司 .


同 "壽司大" 一樣大收旺場 .


另外佢地既對面都係舖頭 , 不過果陣冇乜為意係乜東東 ?


匠丼 ~ 呢間係食 "海鮮丼" , 不過一樣冇乜人氣 .


排到過隔離舖 ?


壽司處 . 


繼續排 .


海鮮丼 , 大江戶 .


米花 , 好似係賣 "鰻魚" , 有冇記錯呢 ? 


咦 ~ "鮨文" 都唔簡單喎 .


壽司市場 .


呢邊冇乜人氣咯 .


除左食之外 , 衫褲都有架 , T恤OK嘛 ?


就連書籍都有 , 唔通係烹飪書 ?


魚生刀 ? 好多款式喎 .


可惜我對烹飪一竅不通 , 否則可以買番把 . 


返番頭先 "鮨文" 再影過 .


"大和" 人潮仲未散 . (梗係啦 ~ 兜個圈返黎 , 邊有咁快呀)


好似比頭先更加多人排添 .


差唔多要走 , 離開核心區域 , 冇晒人潮咯 ~ 


剛才果D店舖 , 右手邊果度既裡面 .


Wow ~ 鏟車 , 充滿魚市場 Feel .


見到呢D發泡膠盒 , 令我諗起包裝好既 "北海道長腳蟹" .


垃圾車都乾淨過人 , 唔似得 "香港" 果D臭到冤呀 . haha ...


唔單止咁 , 就連貨車都型仔過人 , 勁呀 .


向番車站果邊行 .


頭先就係由呢個 "築地市場駅" 度上黎 .


搭3個站就到 "赤羽橋駅" , 盛惠 170Yen .


一出地面就見到佢 , "東京鐵塔" 我的母親父親 .


Bye Bye !