2010北海道10天自駕遊(修訂版)D4-10明治館篇A

Hello !

上回講到參觀完 "西波止場" 及 "金森倉庫" 後 ,

正想去 "明治館" 之際 , 途中經過一條河道 , 

有隻觀光快艇泊嚮度 , 隻船幾有型 .

在 "函館" 範圍沿海邊兜一個圈 , 船程約15分鐘 .

大人每位1000Yen , 小童500Yen .

想乘坐就呢度買飛 .

隔離上船 .

上橋度影清楚D , 分別有兩隻艇 .

呢度衝出去 , 充滿 "盜墓者3" 遊戲Feel .  ^^

當日都冇乜人經過果度 , 所以 "水靜鵝飛" , 

我都冇幫襯到 , 影幾張相就算 .

影完相就過隔離繼續參觀 .

明治館 , 入去咯 .

呢度比剛才 "金森倉庫" 更加有 "小樽" Feel .

可以話係翻版咁滯 . (不過唔知幾個翻邊個 ? )

如果淨係睇相 , 仲以為去在 "小樽" 添 . haha ...

講開又講 , 過幾日都會去 "小樽" .

參觀完畢 , 過隔離 "函館美食俱樂部" .

係由好多間食店所組成 , 可謂各具特色 .

裡面有個 "足湯" .

"足湯" .

外型成隻船咁既款 .

D水 "泥黃色" 咁 , 我就唔夠膽浸 .  =_= !!

都係返酒店先浸 , 比較放心D .

行兩行又到午餐時間 , 見到間拉麵店 ,

一場黎到 "函館" 點都要試呢度既鹽味拉麵 , 就呢間啦 .

一位丫 , 唔該 .

睇睇個餐牌 , 就叫個 : "味彩鹽拉麵" .

話咁快就到 , 襯熱食 , 唔客氣喇 . Yeah !

盛惠1050Yen .

Bye Bye !

2010北海道10天自駕遊(修訂版)D4-9西波止場篇

Hello !

上回講到參觀完教堂及 "八幡坂" 之後 , 

落下面搵個停車場泊車 , 擺好部車之後 , 行去隔離 "西波止場" , 

所謂 : "西波止場" 意思即係西面既防波堤 , 呢度分兩層 , 

樓下係賣野既地方 , 樓上就係 "海鮮俱樂部" .

睇睇個地圖 , 呢度分別有 "西波止場" , 

"金森倉庫" 與及 "明治館" .

"金森倉庫" 就在斜對面 .

2樓 "海鮮俱樂部" , 冇開門喎 ?

D海鮮好吸引呀 .

咁就落番樓下睇睇 , 果然係好多野賣 .

有海產 , 有冰鮮等乾濕貨 .

白之戀人 & 六花亭等等 ...

乜野黎既呢 ? 唔記得咯 .

呢度都幾大間架 .

參觀完畢 , 出去海皮果邊望海 .

紅色既漁船 .

藍色靚D .

對面就係 "西波止場美術館" . (不過冇去參觀)

直望果度咪頭先既 "八幡坂 " 囉 , 係咪好近呢 .

行出小小睇 , 有D雕像 , 好有藝術細胞喎 .

影埋呢張就過隔離 .

金森倉庫 .

都係一個賣野既地方 , 有D "小樽" Feel .

大魷魚呀 .  ^^

呢度賣乜野呢 ?

木造既天花 , 都幾有特色 .

睇完就去下一站 "明治館" , 中途見到有隻快艇 , 

並唔係裝飾 , 可以乘坐架 .

Bye Bye !

2010北海道10天自駕遊(修訂版)D4-8函館八幡坂篇

Hello !

上回講到在 "立待岬" 果度吹海風 , 之後輪到下一站 .

呢個係 "叮叮" 既另一邊總站 , 叫做 : "函館どつく前駅" .

(司機由6改為5 , 唔知乜野意思呢?)

往 "湯の川" .

出發 .Yeah !

之後我都要出發 , 過隔離 "元町公園" .

呢個公園面向海皮 , 幾好景架 .

Wow , 係咪用 "大力金剛指" 刻出黎架 ? haha ...

再下一站係參觀教堂 , 呢度都有好幾間 .

呢間叫做 "舊函館區公會堂" .

充滿歐洲風味 .

唔知 "日本" 多唔多人信教既呢 ?

鏡頭一轉 , 隔一條街 , 睇番D地道野 , 神社 .

叫做 "船魂神社" .

又去番睇教堂 .

雖然呢間色水冇咁搶眼 , 不過就充滿教堂 Feel .

轉個灣駛入呢條街 , 呢度相當出名 .

叫做 "八幡坂" , 好多旅遊書都有介紹 .

有Blog友話呢度有 "三藩市" Feel 喎 .

大家點睇呀 ? 我就未去過 "三藩市" , 所以冇得比較 .

直望盡頭隻船就係頭先參觀過既 "摩周丸" .

扮乘客黎影相 . (後面乘客位我都只係坐過一次)

GPS個三角箭咀指向海邊 .

咁就直向海邊度行 , 果度叫做 "西波子場" .

擺好部車先啦 , 呢度大把位泊車 .

Bye Bye !