2010/09/29

2010北海道10天自駕遊(修訂版)D6-3三本杉岩篇




Hello !


上回講到在 "道の駅" てっくいランド大成 , 參觀完畢之後 , 

沿住山路繼續北上 ,    又越過高山又越過谷 , 

終於去番連接海邊既 "229國道" ,

而第一個景點就係 "立象山展望台" .


下面有D風車 , 叫做 : 風海鳥 . (我鍾意呢個名)


有晒圖解架 . (不過睇唔明)   =_= !!


有兩支在海果度 , 地面就有七支 .


呢張清楚D .


下面有舊石在岸邊 , 不過佢唔係主角 .


轉過右手邊睇 , 一陣又有得沿岸黎行 .


部車就擺下面 .


呢D屋仔好似係青年中心 , 不過果陣唔見有人入住 , 

基本上由山下上到黎 , 一個人都未見過 , 可能季節唔合時掛 ?


既然呢舊石唔係主角 , 咁邊個先至係 ?


之唔係佢地囉 .


佢地叫做 : 三本杉岩 .

兩舊在海中央 , 另一舊就偏遠小小 , 加埋總共3舊 .


加埋稱之為 "三本杉岩" , 先黎呢兩舊打孖上 .


另一舊在右邊 , 偏離小小 .


呢個角度可以影齊 , Yeah !


遠處呢舊石 , 變得無人問津 .


無厘頭有兩舊石在海中 , 另一舊分開 , 都咪話唔特別 .


呢舊成個 "核彈頭" 咁款 . haha ...


有D海鷗在上面築巢 .


再黎張大合照都差唔多 .


攪掂走得 , 準備入隧道 , 準備開燈 .


路面維修 , 得番一條行車線 , 要勞煩D工人截停D車就一就 ,

不過好快攪掂 , 唔駛等幾耐 , 放心 .


Bye Bye !

2010/09/27

2010北海道10天自駕遊(修訂版)D6-2爬頭篇




Hello !


上回講到參觀緊道の駅 "元和台229" 展望台 . 

而之前所講印象深刻既插曲 , 亦係由呢度開始 .

話說果度 (228 & 229國道) 絕大部份係單線雙程行車 , 

如果中間橙色線 , 即係不准爬頭 , 好似下圖咁有條橙色線 , 

如果車轆轆上去 , 部車會震 , 因為佢係凹凹凸凸 .


而當時最前有一部小型貨車 , 後面有兩部私家車 , 

我排第四 , 排頭位部小型貨車 , 速度比較慢 , 

結果後面出現小型車龍 , 直至到離開橙色線 , 先至可以爬頭 .

果陣我心諗 : 一有機會 , 前面果兩部車一定會爬頭 , 

結果未到可以爬頭地帶 , 部小型貨車經已到步 , 

前面果兩部車果然好似 "脫韁野馬" 咁 , 有咁盡踩咁盡 ,

登時淨得我一架車排頭位 , 年少輕狂的我 , haha ...

又豈要甘心成為馬路上的負擔 , 加上練習了幾日 , 

對公路上最佳行車線都叫做有D眉目 , 所以一踩油就跟住佢地一齊上 , 

而前車們都非常強駻 , 跟住佢地 , 一D都唔容易 , 

轉灣幾乎要使出 "落坑走法" 先至跟得上 . (頭文字D咩 ?)

果一段路玩得非常高興 , 唔知佢地知唔知道我以佢地為假想敵呢 ?

最後結論係 , 未出發之前 , 我都諗住唔好超速 , 就算超速都只係超小小 , 

但原來超速都要講氣氛 , 一齊超速真係好過癮架 , 

大吉利是就算俾人捉到 , 我有作客優惠 , 應該拆得掂掛 ?

最緊要唔好同佢講日文 , 乜都講英文 , 可能可以大走佢 .  ^_^ !!

玩了個零鐘 , 都要搵個地方擺低部車休息陣 , 影影相 .


落車伸一伸對腳都要掛 .


呢度係一個石灘 .


仲有舊 "寂寂無名" 既海邊大石 .


冇乜水既 , 唔通潮退 ?


行前D又一舊石 .


果日有D微雨 , 一落雨部車就好易污糟辣撻 .


一粒粒黑點 , 遲D都要洗洗佢 .


行多陣 , 又一個 "道の駅" . (冇乜車 , 點泊都得)


呢個 "道の駅" , 叫做 : てっくいランド大成


喂 ~ 喂 , 有冇人呀 ?


連收銀機都冇人 , 對呢度既治安咁有把握 ?


好彩冇乜野幫襯 , 出番黎睇睇個地圖先 .


講番之後呢段路 , 離開 "道の駅" 之後 , 冇得沿住海邊行 ,

要行中間山路 , 即係下圖果條紅色線 .

果段山路 , 行好耐都唔見一架車 , 包括埋對頭車 , 

果一刻真係唔知去左乜野鬼地方 , 正式係搵隻鬼黎睇都冇 , 

估唔到連馬路都有得包場 , 真係咁都得 ?

而正因為冇得行沿海路 , 所以連 "北海道最西面" 

既 "尾花岬" 都冇機會去 , 激死人呀 .


繼續行 , 又見風車山 , 不過冇落車影相 , 尋日都睇夠啦 .  ^^


Bye Bye !

2010/09/25

2010北海道10天自駕遊(修訂版)D6-1館の岬篇




Hello !


上回講到睇完 "英超" 煞科 (錄播) , 之後去浸溫泉 .

踏入第六日 , 在出面個水龍頭度梳洗一番 ,  幸好當時冇人 ,

可以順勢執番D眼耳口鼻 , 否則嚇親人就唔係幾好啦 .

攪掂就去食早餐 , 呢度亦係尋晚晚餐既地方 .


今次食一 Set過 , 仲好 ~ 唔駛揀 .

冰水 ~ 鮮奶 ~ 咖啡 , 呢個陣式既話 , 多數都揀鮮奶 , 

餐後先至飲咖啡 .  ^^

食完早餐 , 最正就係飲咖啡 .


食完返房執野鬆人 , 又攪掂一晚 . 

室內氣溫23.3度 , 相對濕度百份之43 .

執齊野去櫃檯Check out , 一泊二食 , 盛惠 8400Yen .

加尋晚啤酒 420Yen , 合計 8820Yen .

記得在後面著番對鞋 .


出番門口停車場 , 其他車都走晒 , 得番我果部 .


第六日開始 , 之前行了 614.1 公里 , A.M.8:17 出發 .


出番大路 , 分零鐘就到第一個景點 .


叫做 : "館之岬" .


呢度D岬 , 唔係個個都可以落車影相 , 

好多都唔可以停車 , (有D甚至連招牌都冇個 , Miss左都唔知) 

既然呢度有位泊車 , 咁就影多幾張相啦 .

  
黎張近既 , 一陣入隧道 , 呢一帶好多隧道 ,

有長有短 , 不過有個共通點 , 就係光線不足之餘 , 

仲比較窄 , 所以要小心D .


轉過左手邊 , 順便影埋個海灘 .


夠晒一望無際 .


今次係沿住229國道北上 , 呢條國道好長 ,

一直殺上遲D去既 "積丹半島" 果頭 , 勁 ! 不過依家先去下一個景點 , 

大約10分鐘車程就到一個 "道の駅" 叫做 : ルート229元和台


得個洗手間 & 舖頭仔 .


檜山道立自然公園 .


睇睇地圖 , 依家都仲係 "乙部町" 範圍裡面 .


呢張詳細D .


隔離有個 "展望台" . (唔知呢個叫乜野名堂?)


之前咪話沿岸有好多奇形怪石既 , 呢度就有一舊 .


Zoom近佢黎睇真D .


再Zoom近多D , 似乜野 ? 我覺得似啊媽咩住個仔囉 .


睇埋右手邊 , 遠處就係 "穴澗岬" .


睇唔清楚 ? 拉近D .


Bye Bye !