2010/11/29

2010北海道10天自駕遊(修訂版)D8-9根室花札幌店篇




Hello !


上回講到在 "石狩太美駅" , 參觀完畢之後 , 

即刻起程往 "札幌" 京王酒店 Check in . 今明兩晚既酒店 ,  

都係連機票既套餐 , 去到接近 "札幌" 地段 , 就開始塞車 .


今次租車由機場出發 , 首站去 "苫小牧" ,

除 "函館" 比較多車之外 , 其餘都冇乜車可言 , 可以話係一帆風順 , 

第一次遇到塞車 , 真係有D唔習慣 .  >_< !! 


見唔見 "倒後鏡" 既倒影 ?


有部警車跟在後面 , 雖然自己身冇屎 ,

不過俾佢在後面隊住 , 始終都有D周身唔聚財既感覺 ,

但係塞到實 , 想突圍都唔係咁容易 .


邊行邊停 , 真係心都煩埋 .  ^^


終於捱到返酒店 , 個GPS只係帶到你去酒店附近 , 

要自己兜個圈先至搵到個停車場入口 , 

拎張 "駐車券" 入閘 .


上到停車場1/F ~ 2/F ~ 3/F都冇位 ,

要上到4/F先至有位泊 . (6/F果個露天位 , 係俾有關係既人泊)

拎齊行李搭特別電梯往大堂 Check in .


俾果張A4酒店紙佢 , 又係填張表格 , 佢有車仔幫客人搬行李上房 .

仲有 : 最重要係俾張泊車飛佢過機 , 打印之後 ,

就可以泊到你 Check out 都係 1000Yen .

中途可以無限次出入 .


可以泊到 5月16日正午12:00 為止 , 

不過我聽晚就要還車 , 所以只係泊佢係一晚咁多 .


上到房之後 , 擺低行李就要出去食飯 , 間房遲D慢慢介紹 ,

首先落酒店地庫參觀 Toyota租車間鋪 .


雖然唔係呢度還車 , 不過熟定路 , 下次可能用得著 .


然後向 "札幌駅" 行 , 經過機場巴士站 , 記低D班次 .


有部警車泊嚮度 , 好Cute呀 .

不過俾佢在後面隊住 , 就唔係幾過癮囉 .


終於黎到 "札幌駅" , 闊別一年再黎 , 又有一番感受 .


大舊石既用途 , 原來係要黎當坐位 . haha ...


由於套餐酒店唔包晚餐 , 所以要食自己 , 

一諗起食晚餐 , 就諗起呢度 .


90幾間選擇 , 花多眼亂 .


不過其實一早鎖定果間咯 .


邊一間呢 ? 之唔係 "根室花" 囉 , 點解 ?


因為我係一個非常念舊既人嘛 .  ^_^ !!

  
所以一於死人尋舊路 . Yeah !

咁耐冇黎 , 依然咁多人排隊 , 好野自然受歡迎就係咁解 .


等佢35分鐘先至入到場 , 正式係等到心痛 .


外籍人士都黎幫襯 , 真識貨 .


有小小肚餓 , 唔好客氣 , 開餐喇喂 .


"北寄貝" 中午先食過 , 一於N歌 .


又點小得甘蝦呢 .


D紫菜好脆 , 正 .


咁高興 , 一於飲大佢 !


實在太正 .

  
中場休息 , 觀察環境先 .


果陣氣氛都好正 , D師父久唔久就 "we娃鬼叫" , 

但係又唔知佢講乜 ? 咁先至攪鬼 .  ^_^ !!


食埋下半場 , 好飽呀 , 埋單丫 , 唔該 .


Bye Bye !

2010/11/27

2010北海道10天自駕遊(修訂版)D8-8石狩太美駅篇




Hello !


上回講到在 "小樽運河" 影相 , 

之後行去 "水晶音樂城" 果邊參觀 , 到咁上下 , 

飲番個下午茶 , 地下賣手信 , 上面係 Coffee Shop .


中間寫住 : 這裡的杯子是出售專用 , 

要飲咖啡請到 2~3 樓的咖啡館 . 

( 點解睇得明咁堅 ? 因為有中文嘛 .  ^^ )


咁就一於上去睇 , 果然有咖啡 ~ 蛋糕 ~ 杯 .


呢邊有得添飲 , 正喎 .


呢度寫住 : 本店採自助式 , 請到櫃檯點飲料 ,

請把托盤歸回櫃檯 , 垃圾請丟入垃圾筒 , 謝謝合作 .


記得洗乾淨個杯至拎走呀 , Yeah .


一於搵個靚位坐 .  ^_^ !!


可以望到對面 , 好好景架 .


食完之後再到處行 , 呢個係蒸氣鐘黎 ,

到時到候就會響 , 可惜時間唔夾 .  =_= !!


頭先就係睇呢D野 , 不過呢度大家仲熟過我 , 

所以D相只係點到即止 , 即係一張起二張止 .


揀好呢邊埋單計數 .


都差唔多夠鐘取車 , 慢慢行番去 "小樽駅" 果頭 .


一邊行 , 一邊影 , 藍天白雲既感覺 , 真係好正 .


果日都唔算好多人 .


今次見唔到 "香港團" .

  
北之漁場 , 呢度都有分店 ? ( 同 "場外市場" 果間有冇關係呢 ? )


對面係 "玻璃館" , D野好靚 .


經過 "小樽運河" 既分支 .


再一次經過 "手宮線跡地" . ( 唔知通到去邊度? )


見到 "中央巴士" 站 , 就差唔多到步 .


停車場埋單 600Yen .

話說今次既行程 , 由開始至到依家都好順利 ,

不過之後呢個景點 , 就有D就失望 .

離開 "小樽" 地帶 , 去到果個叫做 サッポロさとらんど牧場 , 

睇過佢地既網頁介紹 , 又動物又農作物 , 一家大細去玩 , 

都不知幾咁高興 , 點知去到果度 , 地方係夠晒大呀 , 

不過鬼影都唔多隻 , 先日以為避開 "果園" 好醒目 , 

原來 5 月頭去 "北海道" , 除果園之外 , 牧場都未開波 .


唯有參觀下一站 , 係一個JR駅 , 叫做 "石狩太美駅" .


係一個開放式車站 .


可以出月台影相 , 扮等車 .


呢條JR線 , 叫做 : "學園都市線" .


攪掂埋呢度 , 都係時間返 "札幌" .


Bye Bye !