2011/08/30

2011北海道10天雪地自駕遊(修訂版)D5-8濤沸湖篇




Hello !


上回講到食完午餐後 , 即刻起程往 "濤沸湖" .

好快就到達 , 二級河川濤沸湖 .


通常呢D牌 , 後面都會有野講 , 一於去後面睇睇 .

中呀 , 內容大約係想講 , 呢度十月至四月會有白鳥黎繁殖 . 

見唔見塊牌上面D釘釘 , 我諗係唔俾雀鳥降落 .


觀鳥中心 , 不過冇開檔 .


全名係 : 濤沸湖白鳥公園野鳥觀察舍 .


呢張紙既內容 , 有晒中英日翻譯 , 實睇得明啦 .


除白鳥外 , 仲有其他鳥類 .


第一味 , 海鷗 .


第二味 , 水鴨 .


當然唔小得主角白鳥 , 即係天鵝 .


唔通呢度唔夠凍 ? 湖水多過冰既 ?


其他果D湖 , 晨早就結晒冰 ,

不過咁都好 , 有D湖水 , 個景都靚D .


對面又有一個 "濤沸湖" 招牌 , 一於過去睇睇 .


二級河川浦士別川水系  濤沸湖 .


呢度幾好環境 , 再加埋D鳥類 , 正 .


海鷗 & 天鵝 , 好Friend 咁喎 .


其實我就唔係咁怕 "禽流感" , 所以一於照餵佢地 , 

況且帶咁多餅乾黎 , 唔通自己食晒佢咩 . haha ...


不過驚其他人見到會干預 , 所以要偷偷摸摸咁黎餵 . ^_^ !! 


直至其他人走晒 , 先至傾巢而出咁黎餵 , Yeah !


起初D水鴨唔多食 , 後尾搶住咁黎要 .  ^^


幾咁期待既眼神 .


不過都唔可以餵得咁盡 , 要留番D其他地方 , 

好似過幾日既 "砂湯" , 簡直係 "賓墟" 咁既場面 .


呢張影果陣 , 有隻水鴨飛過 , 成功攝位 . 勁呀 !


影到呢度都差唔多夠皮 .


差D漏佢添 , 講到食餅乾 , 以海鷗最快手 , 

天鵝就最優雅 , 水鴨就最笨 .


Bye Bye !

2011/08/28

2011北海道10天雪地自駕遊(修訂版)D5-7北浜駅篇




Hello !


上回講到在 "藻琴駅" 參觀 , 上番車再行多冇耐 ,

到達下一站 "北浜駅" , 呢度就犀利咯 ,

電影 "非誠勿擾" 都在取過景 .


站內到處貼滿標貼 , 有D似遲過幾日去既 "幸福駅" .


居然連 "星晨旅遊" 都有 , 咁都得 ? 利害 .


除地下之外 , 左右上全方位都有咭片等標貼 .


有個後門 , 可以出去行行 .


北浜駅 , 後門 .  ^_^ !!


可惜時間唔夾 , 見唔到流冰列車 .


行過路軌影相 , 海面未結晒冰 .


遠處黑點係人黎架 , 走到咁出 , 萬一冰面穿窿咪大劑 ?


北浜駅 & 展望台 .


冇車黎緊 , 慢慢行都得過去 .


Genseikaen  ~ 北浜 ~  Mokoto


隔離有個展望台 .


北浜驛展望台 .


影埋呢張上去參觀 .


一齊丫 .


展望台即係展望台 , 景觀完全唔同 .


頭先果個人 , 仲未跌落海咩 ? haha ...


可惜個台就細D , 聽講有旅行團黎呢度 ,

如果成團人上晒黎 , 容乜易責個台倒塌 .  >_< !!


另外可惜部火車未到站 , 聽講會停留一陣 , 

俾人落車影相 , 唔知呢個時間 , 可否混入火車影番幾張 ?


先前果度係 "知床連山" , 並非 "北方四島" .


"北浜駅" 呢Part就攪掂 , 又係時候食午餐 ,

午餐到 , 格仔餅 & 午後の紅茶 .


食完就出發 , 下一站係 "濤沸湖" .


Bye Bye !

2011/08/26

2011北海道10天雪地自駕遊(修訂版)D5-6藻琴駅篇




Hello !


上回講到離開  " ぽぽ260防波堤 " 後 , 向住 "知床" 進發 , 

不過唔係直接去 "知床" , 中間仲有好多地方參觀 , 

就好似呢度咁 , 有個大公仔 , 仲好大個添 .

呢種公仔在 "天都山展望台" 都見過 .  ^^


同D車輛比較 , 先知佢巨型 , 勁呀 !


好宏偉既呢 .


個牌寫住 "鄂霍次克海" .


呢度又係一個冰海 .


D人出晒去離岸遠處地方 , 都行得幾出喎 , 怕唔怕架 ?


一於唔好客氣 , 我都癲埋一份 . haha ...


話就話冰海 , 太出既地方仲係水溝冰 , 唔係太穩陣 .


好似呢度咁 , 跌落去都幾係野 .


都係唔好行咁出 , 安全第一嘛 .


"北方四島 "呀 , 梗係唔係啦 , 係知床連山咋 ,

起初我都以為係 , 不過睇番地圖先知攪錯 .


前面有間 "網走海鮮市場" , 有興趣參觀 "大公仔" 既話 ,

去 "知床" 果陣記得黎番趟呀 .


影齊相 , 繼續出發 .


行多一陣 , 經過 "藻琴駅" .


果陣差唔多12點 , 過多陣先食飯 .


由呢度去 "釧路" , 大人3150Yen


順便去埋 "藻琴湖" 睇睇 , 不過又係結晒冰 , 冇野睇 .


Bye Bye !