2011/11/29

2011北海道10天雪地自駕遊(修訂版)D9-5"道の駅"ウトナイ湖篇




Hello !


上回講到食完 "北寄貝" 午餐 , 

都係時候返 "札幌" 還車 , 不過途經一個 "道の駅" ,

呢度點都要入去參觀 , 點解呢 ? 因為第一次自駕遊 , 

就在呢度發生件瘀事 , 今次返黎懷緬一番 .

大把位 , 擺到衰衰咁都得 .


道の駅 ウトナイ湖 , 以下係呢度既簡介 .

動植物 , 野鳥の宝庫が目の前に広がるニュースポッ ト


今次有個驚喜發現 , 原來後面係個湖 .


入去咯 .


好多土產禮品 .


左邊係民族服裝 ? 

唔覺唔覺 , 果陣已經P.M.2:30


蓋章處 .


出去外面湖邊 .


左邊 "道の駅" , 右邊 ウトナイ湖 .


大部份都結晒冰 .


有堆水鳥在地上 .


仲有幾隻天鵝 .


圍晒攔入唔到去 , D相係透明圍欄網黎影 .


所以張張相都係盡Zoom .


另一邊係雀鳥館 , 入館無料 , 不過D雪好深 , 唔過去咯 .


都差唔多 , 過番停車場果邊 .


隔離線有部 Axio , 白色車真係唔襟污糟 .


上高速快好多 , 時間就係錢 .


行左線往 "札幌" .


直去就係 , 好快就要同部車講 Bye Bye .


小小塞車 , 在所難免 , "札幌" 嘛 .


轉埋個灣就係 .


今次全程總共行了1803公里 .


Bye Bye !

2011/11/27

2011北海道10天雪地自駕遊(修訂版)D9-4マルトマ食堂篇




Hello !


上回講到由 "十勝川溫泉" 往 "苫小牧" .

幾經艱辛終於到達 , 正式係由朝早行到中午呀 .

既然係中午 , 節目當然就係食午餐啦 , 苫小牧マルトマ食堂 , 

上次Miss左 , 今次一於唔留手 , 以大編幅報導呢間食堂 .

正門 , 入去轉右就係 .


襯未有伙記招呼 , 影住相先 .


全方位黎影 , 天花板都唔放過 .  ^_^ !!


好多明星簽名 , TVB和味無窮都有介紹過呢度 .


影完上半場 , 睇睇個餐牌 , 食完再影 .


睇字就不如睇圖 , "按圖索驥" 嘛 .


話咁快就到 , 生北寄貝丼800Yen , 個湯送既 .


北寄貝刺身400Yen .


食完 , 仲係一米不留果隻添 , 最遺憾係唔可以叫啤酒 .


之後再叫D乜野呢 ? 睇睇個餐牌先 .  ^^


襯未製作中 , 再四圍影過 .


黎多張天花板 , 我鍾意呀 .


除簽名之外 , 仲有相片 .


北寄貝雪糕250Yen . 好味 .


埋單合計1450Yen .


呢味魚車好有 "築地" Feel .


OK上車 .


前面係Toyota租車 , 苫小牧分店 Tel : 0144-36-0100


100Yen壽司店 , 咁似 "元氣壽司" 個嘜頭 ?


連場火拼之後 , 剩番一格油 , 捱唔捱得到返 "札幌" 架  ?

都係搵間油站入2000Yen油 , 還車時入滿 .


邊行邊停 ,  勁冇癮 . =_= !!


洋服の青山 , 每次見到都諗起 "豬腩變王子" . XD


Bye Bye !

2011/11/25

2011北海道10天雪地自駕遊(修訂版)D9-3"道の駅"樹海ロード日高篇




Hello !


上回講到介紹完RAV4 , 乜都唔駛講 , 即刻出發 .

目的地 "札幌" , 不過先要去 "苫小牧" 食 "北寄貝" 午餐 .


前面果部係RAV4 J , 唔通係mini版 ?


前面轉右丫 , 唔該 . (帶廣工業團地)


一片康莊大道仲要冇雪 , 唔好客氣 , 踩盡佢 .


部車好好飛 , 100km都係等閒事 .


不過行山路就要稍為收斂 .


又越過高山又越過谷 . ^_^ !!


仲要入隧道 .


呢段叫做 "三国の沢覆道" 全長1102m .


行了大約兩個鐘 , 入 "道の" 鬆一鬆 .  ^^


呢個 "道之駅" 叫做 : 樹海ロード日高 .


充滿 "歐陸式" .


HIDAKA 日高 , 周邊地圖一張 .


當然唔小得商店 & 洗手間 .


蓋章處 .


離開 "道の駅" 之後 , 再行多個半鐘 ,

到達一個休息站 , 呢度淨得洗手間同埋汽水機 .


終於到達市區 , 叫做有番D人氣 , 

前面果部 Sienta 細細部 , 個款幾得意 . 


差唔多到喇 , 由 "十勝川溫泉" 去到 "苫小牧" ,

呢程車足足4個小時零15分鐘 , (計埋休息位)

不過點都唔及 "札幌" 去 "稚內" 咁辣 .


マルトマ食堂 , 上次都想黎幫襯 , 不過搵唔到 .  =_= !!


食堂外面有個停車場 , 可以擺好多部車 .


唔駛等位 , 一齊入去咯 .


Bye Bye !