2012/12/27

2012北海道10天霧地自駕遊(修訂版)遊後檢討篇




Hello !


大家好 ! "2012北海道10天霧地自駕遊" 網誌 ,

上篇經已大結局 , 雖然中間經歷過悲壯既 "刪相事件" ,

不過大家依然不離不棄 , 嚮度要講聲多謝支持 !

而今次呢篇 , 黎番個遊後檢討 , 回顧今次既行程 , 有邊一段比較難忘 .

首先講今次自駕既重點 , 今次租部Toyota Axio 8日7夜 .

租金 53602Yen , 全程入油 19531Yen , 高速公路費 6200Yen ,

泊車費 2010Yen , 加埋都幾貴架 , 如果多D人攤分就平D ,

可惜我份人一向獨行慣 , 好難搵到適合人選 .

~~~~~~~~~~~~~~~~~~~~~~~~~~~~~~~~~~~~~~~~~

之後輪到難忘事 , 通宵車呢一段實在令人回味無窮 .

"北海道" 呢個地方 , 日頭都已經冇乜車 , 夜晚就更甚 , 

行了好耐都係無人地帶 , 特別係由 "知床斜里" 

入 "知床" 中途果條大直路 , 任你飛車之餘 , 又聽到車外陣陣風聲 , 

真係好刺激架 , 仲有再入多小小 , 馬路兩旁有D鹿有時橫過馬路 , 

果陣車速又要相對減慢 , 總之萬事執生啦 .  ^^

不過該篇網誌刊登之後 , 好多Blog友話危險 , 擔心我出事 , 

嚮度再次感激各界既關心 , 但我又唔可以保証唔會再試通宵車 , 

總之就多謝大家關心啦 .

~~~~~~~~~~~~~~~~~~~~~~~~~~~~~~~~~~~~~~~

另外講失敗經歷 , 又係同通宵車有關 , 

就係參觀完 "水中展望船" 之後 , 應該連隨去埋 "神威岬" , 

但果陣又驚參觀埋唔知要幾耐時間 , 皆因搵料時睇地圖 , 

覺得由 "積丹半島" 去 "知床" , 係一段極之遠既路程 , 

所以攪到連 "神威岬" 都過門不入 , 依家再睇 "3J家庭" D相 , 

果度真係靚到冇朋友 , 早知果陣就谷盡都去埋啦 , 失策 !

( P.S. : 其實唔去係正確既 , 皆因明年再度光臨 "神威岬" , 

參觀果度需時起碼個多小時 , 實在唔適宜在趕時間中參觀 .)

~~~~~~~~~~~~~~~~~~~~~~~~~~~~~~~~~~~~~~~~~~~~

下一單 : 大霧 ~ 雖然天氣既野無人知 , 不過大霧真係好影響心情 .

好多海邊既 "XX岬" , 只能夠聽到海浪聲 , 

唔能夠睇到全景 , 真係好唔高興  .  >_< !!

而難忘事仲有 , 就係參觀左當地好多 "北方四島" 資料館 .

尤其係家陣 "釣魚台" 事件攪到慶合合 , 人地 "俄羅斯" & "南韓" 都做左野 , 

"中國" 幾時先肯出招呢 ? 呢D野始終都唔應該由民間發起 , 

理應由政府做野 , "美國" 都係靠嚇既唶 , 

我就死唔信佢夠膽真係出兵還拖 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~

回顧就寫到呢度 , 都係時候展望下次行程 , 

下次既出門 , 希望於 "英超" & "歐聯" 收咧之後 , 

而地點將會係 "青森" , 但係我又想去埋 "北海道" , 

究竟點樣先可以將呢兩個地方串連埋一齊呢 ?難道要放下身段黎個 JR之旅 ? 

但在 "日本" 冇車既話就等於冇左對腳 , 所以呢個問題 , 

將會係我呢9個月既任務 , 而最佳偷師既地方 , 

莫過於大家既網誌 , 有時間將會慢慢探訪你地 .

Bye Bye !

P.S. : 明年既行程 , 就係乘渡輪連人帶車來串連 "青森" 與 "北海道" ,

網誌亦經已完成 , 再一次多謝各界支持 .

2012/12/25

2012北海道10天霧地自駕遊(修訂版)D10-3回到香港篇




Hello !


上回講到參觀機場各大店舖 , 呢篇繼續 .

文教堂 , 村上春樹 , 好出名既呢 .


都係時候入閘 , 檢查手提行李 .


Gate 6 , ANA2154 成田 , 14:35 起飛 .


襯候上機 , 食番D野先 , 

飯團一舊 , 咬左啖先影 .  ^_^ !!


食完再四圍參觀 , ANA紀念品部 .


"阿寒湖" 毛毛球 ?


福原愛 , 唔知 "奧運" 點成績呢 ?


飛機準備中 ...


話時話 , 如果一個人去 "北海道" 既話 , 

ANA可以話係最適合 , 其他航空公司多數都唔做單身客 , 

間間都話 "二人成行" , 激死人 .


終於等到上機 .


大約一小時多DD , 到達 "成田" , 落機要坐接駁巴士 .


有位坐 . Yeah .


往 "國際線" 等轉機返 "香港" , 又有書店逛 .


Wow ~ 咁激 !


18:20 機 , 正式係有排hea . (D舖頭同上年都冇乜點變)


TAX FREE TOY BOX , 呢D舖頭好好行 .


高達 , 上年都有放嚮度 , 唔知明年又點呢 ?

P.S. : 下年 (2013) 依然屹立不倒 . haha ...


I LOVE JAPAN T恤 .  ^o^ ~


招財貓 .


藥店 .


波衫呀 ! 不過太貴咯 , 真係唔捨得買 .


都係買D食得既比較實際 .


KID'S PARK , 夠晒周到 .


不斷向前行 , 反正大把時間 .


Tokyo Food Bar , 唔食住咯 , 等上機先食飛機餐 .


Dior .


Cartier .


最後衝刺 , 買盒 "大福" .


同埋 "博多長濱拉麵" , 早已經食晒咯 .


就係呢部ANA , 又係準備中 ...


磨到人都傻埋 , 上機當堂醒晒 , NH911香港18:20


排隊喇喂 .


呢D通道位 , 我就至鍾意 , 即使去洗手間都唔駛過五關 , 斬六將 .

仲可以隨時行出黎鬆鬆腳 .  ^_^ !!


飛機餐 , 唔錯架 . (可能因為肚餓啦)


隔離位冇人坐 , 放晒D雜物過去都得 .


睇電影 , 好似係 "開心魔法" .


睇睇下都到步 , 落機過關拎行李 .


亦代表呢個行程 , 圓滿結束 !

搭 "機鐵" 出 "青衣" 再轉 "的士" , 返到屋企 , 舒服晒 .

Bye Bye ! 

下篇寫埋個總結先至叫做大功告成 .

2012/12/23

2012北海道10天霧地自駕遊(修訂版)D10-2新千歲機場篇




Hello !


上回講到坐巴士往 "新千歲機場" , 呢篇繼續 .

坐巴士需時1小時30分鐘多DD , (頭段比較塞車)

所以如果有心坐巴士既話 , 記得預鬆D時間 .

到步之後 , 當然要四圍參觀啦 . 

天花板 , 好有型呀 .


一如以往 , 呢個機場好多野賣 .


賣乜野既呢 ? 真係唔知喎 .


白之戀人 , 早以經入晒貨 , 連朱古力奶都入埋 .  ^^


大堂除賣野之外 , 部份地方仲變身成各式玩樂攤位 ,

呢邊攪邊科 ? 幫恐龍上色 ?


呢邊扭蛋 , 正喎 , 我鍾意 . haha ...


呢邊就變身 "波波池" & 彈床滑梯 .


波波池 , 勁呀 .


呢邊仲勁 , 叮噹呀 , 誰都喜歡你 , 小貓也自豪 ...

(我都係鍾意舊式叫法多D , 多拉A夢 , 怪怪地咁)


好多Fans架 .

 聽講機場有佢個場館 , 可惜返到香港先知 , 走寶 !


係咁咦參觀一陣 , 搵番ANA , 交低件寄倉行李再行過 .


排隊檢查行李 .


OK ~ 攪掂 , 寄倉行李直接運到香港 , 中途唔駛拎番 .

過番商舖果邊 , 中途見到 , 鬼呀 ~ 

佢叫做 "蜜瓜熊" , 係唔知乜野產品既代言人 , 

講真 ~ 外貌真係不敢恭圍 .


不過又好受小朋友歡迎 , 咁先吹漲 .


夜晚黑見到佢 , 真係俾佢嚇親 .  XD


不斷有小朋友同佢合照 .


好多Fans既呢 .


笑得幾咁高興 .  ^_^ !!


一齊影啦 .


突然有玻璃低落地下既聲 , 攪乜鬼呢 ?

原來打爛左支酒 , 霎時間酒香四溢 , 其實係咪 "苦肉計" 搏宣傳架 ?

D酒真係好香 , 攪到我都想幫襯 , 不過拎入境又唔知駛唔駛報關 ?

所以打消左呢個念頭 !


繼續四圍參觀 .


KUMA , 咁都得 ?


Calbee , 個公仔好得意呀 .


見到都想笑 , 唔知係咪薯仔呢 ?


卡樂B薯片 ?


隔離有隊排 .


Bye Bye !