2014/11/28

2014北海道11天自駕遊 後記篇




Hello !


剛剛寫完整個行程 , 橫掂有時間 , 不如寫埋個後記 .

今次既遊記都算堅喇 , 由6月頭寫到11月尾 , 幾近6個月咁滯 , 

雖然唔係日日寫 , 不過出勤率都好高架 . 

打後既日子都可以休息一下 . 咁又唔駛驚冇野做咁寂寞喎 , 

因為有好幾位Blog友既遊記要煲 , 所以有排都唔得閒至真 .

當中以 Maggie & Kaykie 同埋 Fung Mandy 兩位既遊記 , 

值得高度關注 , 因為好有可能成為我下一次旅遊既目標 .

還記得2012年果次霧駕遊嘛 ? 果次大霧到呢 , 正式係唔好提 .

而且果次既尾段 , D相又係失落左 , 所謂新仇舊恨 , 希望能夠一鋪清 .

另外我又有一個新行程構思緊 , 果度係邊度 , 下篇先至詳談 .

所以下年唔係開呢瓣就係開果瓣 , 兩個地方都在研究中 .

咦 ~ 好似同後記有D離題 , 不過算啦 , 就搵呢D黎當後記啦 .

OK ~ 又要去煲網誌 , 星期日再見 .

Bye Bye !








22 則留言:

  1. 多謝賞面~~ ^^
    期待你下篇有關新行程構思既預告~~

    回覆刪除
    回覆
    1. 多謝賞面 x2
      我明年都有3個plan,有2個已經成事,而家又要寫遊記,又要plan行程,好鬼忙呀^^

      刪除
    2. 唔駛多謝 , 你應得既 , 實在太精彩 ,
      尤其係大雪山旭岳果個姿見の池 , 我十分嚮往去果度 . ^^
      禮拜日啦 , 得閒寫番篇邊兩個構思 , 多謝支持 .

      刪除
    3. Maggie, Kaykie : 都係唔駛多謝 , 你應得既 , 實在太精彩 . ^^
      Plan遊記真係好忙架 , 不過又好過癮 , Yeah !!
      我一年只可以去一次咋 , 超羨慕你呀 . ^^

      刪除
    4. Maggie, 真羨慕你呀, 我明年可能得一個檔期咋,
      依家都構思梗...
      man wai, Maggie 大家加油呀~~ ^^

      刪除
    5. Fung Mandy : 係啦 , 我都唔知幾想一年可以有兩個檔期 , 可惜實在無暇 . =_= !!
      好 ~ 大家都努力 , 加油 !!

      刪除
    6. 趁行得走得又夾到時間就要去多幾轉,再老啲就冇氣力行喇^^

      刪除
    7. Maggie, Kaykie : 講漏咁D , 就係要有無限金錢支持 . ^_< !!

      刪除
  2. man姐個blog
    一個字㊣
    友季bb 一鍵留㊔!♨

    回覆刪除
    回覆
    1. 咦 ~ 友季妹 , 好耐冇見 , 仲以為妳已經忘記左呢度添 . haha ...
      別來無恙嘛 . ^^

      刪除
    2. 潛咗咁耐水,只因 ipad 好難打字,不過都有做CDROM,見到man姐的努力有咁多人捧場,
      都鄧你開心。
      友季潛水其間一時衝動,走咗去東京,買咗間連租約的房子收租,想用來作退休保障,
      唔知有冇投資錯誤,不過一定平過t先生架Porsche。
      現在plan緊明年的北海道雪駕,明年會帶兩對相識超過10年的couple過去,希望唔反面收場。
      man姐構思完個新行程,一定要擺上來比大家參考參考。多謝manwai姐。

      刪除
    3. 承蒙各界好友賞面 , 多謝支持 . ^_^ !!
      Wow ~ 做日本業主喎 , 恭喜晒 . ( 我對外地投資一竅不通 , 好難評論是否值得 , 不過俾我感覺係 : 好勁呀 ! )
      兩對couple ? 咁咪最小都五個人 , 只要互諒互讓 , 唔係咁易反面既 . (我就話一定要一個人出門唶)
      好呀 ~ 就聽晚擺上黎等大家參詳一下 , 俾D意見 . ^^
      打後就輪到我做唯讀光碟咯 . haha ... (不過有好題材都會寫番一兩篇既)

      刪除
    4. 友季小姐懂得設資是上策, 不過希望你是近月才入手就更加正, 長遠來看, 有物業在手是好的, 記起上世紀七八十年代, 東京中心區樓價是世界數一數二

      刪除
    5. 依家D日圓真係好抵買 , 同早幾年一算真係差天共地 , 祝大家都好運 . ^^

      刪除
    6. manwai姐:不是最小五個人,係最多五個人,友季諗住一架七人車,果兩對couple從未試過自由行,佢地知道友季上次單人北海道自駕,覺得相當危險,所以係都要話下次一齊,友季都覺得好無奈。 ^_^ !!
      友季好羡慕t先生可以擁有波子,不過友季是實際型,覺得波子落地只會貶值,房子如果租得出的話可以不停有收入。
      依家日圓貶值對我不利,以後去日本都不用兌換日圓了,祝大家都好運。

      刪除
    7. 七人車好丫 , 夠晒寬敞 . ^^
      佢地未試過自由行 , 咁有冇車牌 ? 你一個楂晒咪好攰 ? 如果有人分擔 , 會舒服好多 .
      我係行外人 , 都覺得樓房實際D . 不過若然D錢多到駛唔晒 , 不妨買部車玩下 .
      日圓聽講仲有得跌 , 都係果句啦 , 祝大家都好運 .

      刪除
    8. 果兩對couple的先生都是巨人來,size係兩個友季,七人車可能好迫唔知行李點放,佢地有一個人有車牌,不過係零雪駕經驗,友季就响 queenstown 試過超慢速<40雪駕。
      實不相瞞,友季到依家都覺得仲係行外人,日圓仲有得跌,咪嚇我啦 /˚,˚\

      刪除
    9. 巨人 ? 七人車都嫌細 ? 咁都得 ? 唔駛兩部車掛 ?
      慢慢楂應該OK既 , 最緊要唔好跟車太貼 .
      至於日圓再跌咯喎 , 都係聽番黎唶 , 不可盡信 .

      刪除
  3. 我個遊記都啱啱完成,有時間過嚟睇睇,雖然有D地方你會覺得陌生,就當係認識多D日本其他地方,特別係群馬縣嗰部份可能你會有興趣

    回覆刪除
    回覆
    1. 我久唔久都會上你處拜訪 , 睇到 榛名山 , 秋名86 發源地喎 , 梗係要支持啦 .
      你果度直情係日本旅遊字典 , 睇晒你個網誌都等如去勻整個日本 . ^^

      刪除
    2. 唔好咁講,我只係喜歡今次去吓依度,下次去吓嗰度咁,日本咁大,我都仲未去勻架...XD

      刪除
    3. 已經好勁架喇 , 我玩黎玩去都係北海道 . XD
      不過下次想轉一轉場 . 真係要睇下點先 .

      刪除

歡迎光臨 , 如果時間許可 , 請留番個言丫 ~