2014/12/04

行程Plan B




Hello !


上回講到 Plan A 知床 果頭既復仇之旅優點與缺點 . 

今次輪到講 Plan B , 由於仲係好雛形 , 只能夠略略咁分析行程路線 .

雖然係咁 , 不過連名都幫佢改埋 , 叫做 :和歌山 ~ 鹿 ~ 兔 ~ 貓之旅 , 

係咪好勁呢 ? 睇埋個行程再俾D意見丫 .  ^_^ !!

講番今次靈感來自 Shirley姐 , 之但係 3J家庭 都功不可沒 , 

佢地原來早在2006年已經遊覽 和歌山 , 正式係前輩 , 

尊稱佢做日本旅遊字典都不為過 , 一句講晒 , 勁 !

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好喇 ~ 依家講個行程 , 預算為十一日 , 首先去到 大阪關西機場 , 

跟住向 和歌山 方向行 , 又係沿住海邊黎玩 , 途中既景點包括有 :

三段壁 ~ 千畳敷 ~ 円月島 ~ とれとれ市場 ~ 黒潮市場 ... (排名不分先後)

攪掂晒附近呢Part , 繼續沿住海邊行 , 就會見到 串本 呢個地方 , 

當中既 潮岬 , 係 本州最南端 . 如果係呢度常客 , 應該知道我就至鍾意D最乜最物 , 

果D海景零舍正 . 跟住就兜番上去 , 呢度就堅喇 , 叫做 : 太地町 .

D人平時話 海豚 係人類朋友 , 開晒水族館黎訓練 , 表面上 Friend 過打 Band , 

果度一到一月份 , 有個殺豚節目 , 班友在岸邊圍個圈 , 

再上小艇圍插D 海豚 , 攪到整個海邊都係 血染的風采 , 

今程好想去事發地點 , 感覺番當日既氣氛 , 唔好睇日本人客客氣氣咁 , 

佢地都有殘暴既一面 , 可怕 !

攪掂完沿岸再上 , 仲有好多景點等住參觀 , 好似 那智瀑布 ~

徐福公園 ... (由於實在太多 , 加上仍在搵料中 , 所以未能盡錄)

再上就係 三重縣 既 鳥羽 , 呢個時候若然繼續上 , 就係 名古屋 .

不過呢程唔打算去果度 , 所以就轉去 奈良 , 有個叫做 : 東大寺 既地方 ,

睇 Youtube 短片話果度有好多鹿 , 同 知床 D鹿最大分別就係任摸唔嬲 ,

去到又係玩餐飽 , 玩到唔捨得走果隻 .  ^_^ !!

再之後就係行程重點 , 仲記唔記得早排有個兔島 ,

話有位美少女被群兔圍攻拎野食 , 果度叫做 : 大久野島 .

我好想去果度呀 , 不過真係要慢慢搵料 .

再黎呢個直情係重中之重 , 行遠小小到達 愛媛縣 , 有一個貓島 ,

正確名稱叫做 : 青島 , 島上D貓多到數唔晒 ,

我更想去果度呀 . (比去兔島更加想)

所以呢個貓島 , 係呢個行程既主要目標 , 希望搵得到啦 .

再之後都接近尾聲 , 如果有時間 , 仲想參觀 德島漩渦 ,

睇過Blog友既網誌 , 好勁架 .

最後係返回 大阪 再番 香港 , 行程路線係咁上下 .

Bye Bye !



P.S. : 仲未講呢個Plan B 既優點與缺點 , 優點就係四月左右 , 

只要冇雪就可以出門 , 靈活過Plan A 好多 .

缺點就係搵料搵到黐線都似 , 就好似自駕遊定JR遊好呢 ?

JR PASS 係乜野黎 ? 資料完全係零 , 就算自駕遊 , 

全部景點MC都要搵過晒 , 都幾係野 .

就係Plan A & Plan B , 在腦海中不斷遊走 , 今日想呢樣 , 

聽日想果樣 , 真係有排煩 . haha ...

30 則留言:

  1. man wai, 你條路線唔係好妥喎~
    跨境兼跨縣, 11天去唔到啦~
    貓島在四國北面, 大久野島在廣島縣對出喎 @@

    回覆刪除
    回覆
    1. 貓島在四國西面,之前快過頭打錯

      刪除
    2. 我去果個貓島在 愛媛縣 , 叫做 青島 ,並不是 四國 果個 , 日本都有好多個貓島 ,
      仙台 有個 田代島 , 福岡縣 又有 , 正式係總有一個在左近 . ^^

      刪除
    3. 由關西空港去到貓島 , 行IC只需5個小時 , 十一日綽綽有餘 . ^^

      刪除
    4. 愛媛縣, 香川縣, 德島縣, 高知縣就在四國島內
      愛媛縣位於四國西面

      刪除
    5. 哦 ~ 原來係咁 , 我對果邊完全唔熟 . ?? haha ...

      刪除
    6. 冇乜所謂啦 , 攪得掂就算 . ^^

      刪除
  2. 06年我都去過和歌山,不過係跟團,三段壁 ~ 千畳敷 ~ 串本~黒潮市場~那智瀑布~鳥羽 都去過,返嚟呢團友個個都話把鬼,所以呢頭應該唔會再去 -_-#
    兔島同德島漩渦就有興趣^^
    原來你連JR Pass都唔知係乜 @@

    回覆刪除
    回覆
    1. 團友個個都話把鬼? 唔係化, 我呢條線分別去咗2次喎!?

      刪除
    2. 班後生唔鍾意睇海岸掛><

      刪除
    3. 可能跟團景點太大路, 其實和歌山個動物園 同 太地町個海豚館都唔錯架~

      刪除
    4. 太地町好可怕,友季不安中
      利申:睇過血色海灣

      刪除
    5. Maggie, Kaykie : 可能太家追求既野唔同啦 , 所謂鹹魚青菜 , 各有所愛 .
      若然係後生仔 , 叫佢睇海岸岩石 , 不如殺左佢好過 . Shopping 電玩就差唔多 . haha ...
      不過報團前唔係對果度有些小了解既咩 ?
      至於 JR PASS 由於次次都係自駕遊 , 所以冇去了解係乜野一回事 ? 點樣用既呢 ??

      刪除
    6. Fung Mandy : 你都好似去過果邊 , 有時間都要去你度取經 . ^^

      刪除
    7. 友季 : 冇辦法啦 , 呢個世界就係咁 , 就正如豬 ~ 牛 ~ 羊 ~ 雞 , 唔通佢地自殺咩 ?
      去到屠場咪又係殺無赦 , 所謂眼不見為乾淨 . =_= !!

      刪除
    8. man wai, round 2 我寫到一半都無, 可能你玩完返黎我都未完成 :P

      刪除
    9. 係喎 , 得5篇咋 , 只係去到 真珠島 . 想抄橋都唔得添 , 努力呀 , 加油呀 . haha ...

      刪除
    10. 駛乜客氣 , 大家互相支持 , 取長補短 , 互補不足 . ^_^ !!

      刪除
  3. 2005 年初去過和歌山, 坐巴士冇揸車, 景點距離頗遠, 巴士班次疏, 時間花在等巴士, 去唔到幾多地方.

    回覆刪除
    回覆
    1. Nerissa : 我都係咁諗 , 如果坐巴士 , 可能花晒D時間等車 , 點都係自駕遊實際D . ^^

      刪除
  4. 和歌山係老公响日本第二次揸車,當時係夏天,沿著海邊揸車玩都唔錯 (揸車會方便D),成日望到海幾舒服,景點就好個人,有人覺得好玩,有人又會覺得搵笨,主要睇你有無興趣

    我睇你去北海道某D地方,可能都有人覺得悶,anyway,最緊要自己喜歡,反正你一個人,去到拓心口都係自己一個

    我都算去過日本唔少地方,有D地方真係幾搵笨,睇見都幾把鬼,不過有時未去過未見過係唔死心

    我去過一次和歌山都夠了,應該都唔會有第二次

    回覆刪除
    回覆
    1. 3J 家庭 : 海邊呢家野就開正我果瓣 , 想覺得悶都難 , 尤其係三段壁 , 千疊岩 , 簡直係正到冇朋友 . ^^
      咦 ~ 都有好幾位Blog友覺得 和歌山 , 冇翻單 , 咁樣講我仲有興趣 , 睇下佢有幾咁龍潭虎穴 . haha ...
      唔知呢 ? 可能大部份景點都係自己發掘 , 至今都未有景點覺得拓心 . XD
      多謝你既寶貴意見 . THX !

      刪除
    2. 觀海係勝於睇山架,觀海則意溢於海,因為大海之闊可以溶入於山,海可以匯合百川,所以情滿於山意溢於海,山意會滿,但海之意境遼闊,懂得觀賞海的人,胸襟廣闊。(>‿◠)✌

      刪除
    3. 友季 : 駛唔駛咁好文采呀 , 睇到我忽然覺得自己好勁 . haha ...
      我鍾意觀海只係隨心而發 , 因為即使在駕駛中 , 只要在岸邊 , 依然可以觀賞 . (不過要小心楂車)
      至於觀山唔係唔好 , 不過就要行餐飽之餘 , 仲好睇天氣點開 , 稍為差D天氣都可能報銷行程 .
      不過百貨合百客 , 觀山本身都有好高既意境 . ^_< !!

      刪除
  5. 我舊年有去白濱﹐去哂三段壁 ~千畳敷 ~ 円月島 ~ とれとれ市場
    去呢度自駕好D﹐我等巴士等到傻

    回覆刪除
    回覆
    1. 睇黎好多Blog友都認為自駕好過 JR 駁巴士 , 多謝大家既意見 . ^_^ !!
      不過講係咁講唶 , 我呢類自駕友 , 又點會頂得順等車搬行李丫 .

      刪除
  6. 11日呀! 嘩! 可以玩好多地方啊! 沿海路線, 啱晒你呀! 睇見你plan得咁開心, 連我都好似有份去咁呀!

    回覆刪除
    回覆
    1. 在Plan既過程中 , 11日只係覺得好短 , 唔多夠喉 . haha ...

      刪除

歡迎光臨 , 如果時間許可 , 請留番個言丫 ~