2015/01/25

2015 旅遊資訊 (一)




Hello ! 


闊別了一個星期才更新網誌 , 呢樣野在以前甚小發生 , 

不過鬼叫家陣D電視 & 網劇鬼咁精彩咩 , 仲有足球呢 , 

所以只能每周更新一次咁大把 , 認真無奈 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

既然時間咁寶貴 , 當然係講D有興趣既野啦 .  ^_^ !!

依家係一月尾 , 距離出發日大約有10幾個星期 , 就算每周講一日行程 , 

都仲有時間剩 , 襯今日有興緻 , 不如就講第二日既行程咯 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

未開始之前 , 先叉開一陣 , 首先講一講Blog友 Fung Mandy 既九州之旅 .

唔講唔知 , 原來 九州 果邊既景點 , 絕對不下於 北海道 , 

就好似 日南海岸 (復活島巨像) ~ 鬼の洗濯板 (有好多檔) ~ 鵜戶神宮 ~

 日向岬 . 馬ヶ背 ~ 高千穂峡 ~ 仲有各式各樣既地獄 等等 .......

攪到我都有D想轉場去 九州 玩番趟先呀 haha ... 

總之鍾意海景既 , 可謂不愁寂寞 , 基本上整個 日本 既海景都好正 , 

正式係有排都唔駛去其他國家 , 淨係 日本 都夠玩足成世人 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

不過既然落實左 Plan C , 就無謂轉來轉去 , 果度遲D先諗佢 .

依家就講第二日 , 攞左車之後既行程 , 只係預算景點 , 未必真係去得晒 , 

我份人一向眼闊肚窄 , 已經過公認既事 .  >_< !!

首先由 札幌 去 苫小牧 果個マルトマ食堂 , 跟住去隔離 フェリーターミナル

參觀佢果個碼頭 , 果度就係往 八戶 大船既碼頭 , 叫做探下路 , 

睇下遲D用唔用得著 . 再之後就係 道の駅ウトナイ湖 , 果度太過多回憶 , 非去不可 .

攪掂就輪到 苫東柏原展望台 , 下Part係 道の駅四季の館 . 

之後係 判官岬 , 張相在網上班返黎 , 好難得架 .


落番下面就係 新冠道の駅 ~ うま俱樂部 ~ アイヌ民族資料館 ~ 

真歌公園 ~ 真歌燈塔 ~ 道の駅みついし ~ 馬事資料館 ~ 親子岩 ~ 

エンルム岬 ~ 風の館 ~ 最後就係入住 襟裳岬 附近既旅館 .

再講多一次 , 以上既景點只係預算 , 未必真係去得齊 . 

Bye  Bye !

P.S. : 又要去搵下一日既景點 .  ^^

2015/01/11

實用工具




Hello !


上回講到身體有小許不適 , 經過調息之後 , 經已無恙 . 

首先報個平安 , 免得大家掛心 , 多謝各界關心 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

未開始之前 , 先跟進番上果篇 , 在休息期間 , 特登上 Youtube

睇左兩集 杜如風 既 流行東京 , 風格上同 流行首爾 一樣咁大癲大肺 .

只不過數年前俾人感覺似 啊sa , 依家就似 蘭子 , 

再加上在免費台播放 , 觀眾反應最直接 , 鍾意既就捧上天 , 

唔鍾意就踩到變地底泥 , 我就冇乜所謂既 , 即睇如儀 , 

最多Mute左把聲 , 齋睇字幕 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好喇 ~ 輪到正題 , 今次介紹呢樣 實用工具 , 同去 北海道 有關 .

每次去 日本 ,  我都會帶埋 溫/濕度計 , 基本上在酒店房裡面 , 

濕度長期都係百份之45左右 , 本地人就唔知 , 香港人就肯定覺得好乾 .

即使在床頭放杯水 , 甚至浴缸放灘水 , 都係杯水車薪 .  >_< !!

今次介紹呢個產品就犀利喇 , 既唔阻訂之餘 , 仲有實際用途 .

就係呢個迷你加濕器 , 尋日在 鴨記 買 , 價值 $47.00

仲有好多款同類產品 , 價錢都係差唔多 , 任君選擇 .  ^^


拆開包裝 , 主機一個 ~ USB線一條 ~ 類似衛生棉條兩條 .


將衛生棉條直插入主機裡面 . (記得隊到盡頭連接點)


個主機係萬能Key , 可以套落唔同裝水樽上 , 

今次求其搵到可樂杯黎測試 , 跟住在主機插上USB線 .


一插電就黎料 . (請打橫睇)


黎多個角度 .


出蒸氣量一般OK啦 , 如果想勁D , 可以買貴小小 , 

大約 $150.00 左右 , 蒸氣量就勁好多 , 不過呢D野都係做下樣 , 

細細個幾得意 , 適合酒店床頭使用 . 

如果真係要勁補濕 , 唯有等返到香港先慢慢執既唶 .

咁一杯水可以用幾耐呢 ? 暫時只係測試中 , 仲未知道 ??

Bye Bye !

2015/01/09

流行首爾 --- 杜如風




Hello !


平時甚小在呢個時間出Blog , 點解呢 ?

當然大有因由啦 , 話說尋晚深夜開始有輕微肚痾 , 

諗住訓一覺就冇事 , 點知返到公司 , 情況不特止冇改變之餘 , 

更有加劇趨勢 , 繼續在公司磨都係盞攪 , 不如回家休息好過 .

賣左盒 正露丸 & 寶礦力 , 要黎補充水份 .  =_= !!


訓又唔訓得咁多 , 不如寫番篇網誌 .  ^^

寫乜野主題呢 ? 就寫近排人氣急升既 杜如風 啦 .  XD


首先申報利益 , 佢既節目之前我從未睇過 , 只係知道有呢個人 .

報導話佢今次做主持有5宗罪 .

第一 : 自大自戀 , 經常曬命話自己有1000對鞋之類 .

第二 : 經常動作多多 , 講野時郁身郁勢 , 好似High左野咁 .

第三 : 炫富之餘 , 並向觀眾灌輸消費享樂主義 , 好似洗腦咁 .

第四 : 說話技巧差 , 講野講到一舊舊 , 令觀眾睇得辛苦 .

第五 : 肥腫難分 , 仲有個小肚腩 , 塊面膠膠地 .


我個人認為 , 基本上除左第四樣之外 , 其他都唔算離譜 , 

唔知佢D對白係跟稿講還是自己設計 , 至於曬命 & 動作多多 , 

呢D純屬個人喜好 , 好難改既 , 最後肥腫難分 , 所謂歲月摧人 ,

呢樣野都好無奈 , 唔通次次都搵D十八廿二既靚模黎做主持咩 ?

所以網民話想腰斬佢 , 相信恐怕不易 , 唯有唔鍾意就咪睇啦 .

明珠台D劇都唔錯架 , 好似 : 閃電俠 ~ 24 ~ 心計 ~ 法妻 , 我集集都有追 .


講開歲月摧人 , 近排睇到個廣告 , 叫做 : 美臀娃娃 .

好似好正咁喎 , 唔知賣幾多錢呢 ? 如果唔太貴既話 , 我都想整番部 , 

年紀大 ~ 都好難好似後生咁堅廷 , 都係時候要做番D野 . haha ...

Bye Bye !

講住咁多先 , 繼續休息 ....... (希望聽日可以好番晒啦)

2015/01/06

一年容易又日本一 (2015)




Hello ! 


唔知大家仲記唔記得 , 上年既今日 , 又係寫日本一 .


今年既日本一 , 奪標者又係上年果位 喜代村集團社長 "木村清" .

唔睇番都唔知 , 原來2013年果次既日本一 , 要成1366萬港幣成交 .

上年已經大跌價54萬港幣就攪掂 , 估唔到今年更加跌至29萬港幣 ,

都唔駛2013年果次既尾數 , 都咪話唔誇張 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講開吞拿魚 , 不期然會諗起 大間 , 上次去到果度 , 

一心想試佢既 大拖羅丼 , 點知冇貨得番個中拖羅 , 雖然都好好食 , 

不過始終都覺得遺憾 , 唔知幾時先至有機會再去 大間 ,

一嚐佢既 大拖羅丼 呢 . Yeah ~ 


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

近況方面都冇乜野講 , 繼續搵料 .  

Bye Bye !

P.S. : 根據上年資料 , 下篇主題應該係 : 內地人搶奪日本福袋 .

又睇下係唔係 ? 

2015/01/04

Plan C 跑出 , Yeah !!




Hello ! 


踏入2015年 , 雖然仲有排先至出發 , 

不過搵料方面都不敢怠慢 , 經過多日黎既研究 , 暫時跑出既係 Plan C , 

程度都有成 80% . (唔敢講到百份百 , 始終都要留番條後路走棧)

餘下既 Plan 或者下次再下次先至諗佢 , 依家集中火力研發Plan C先 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

呢個Plan C 同第一次發表時 , 有小許差別 , 只係線路方向既問題唶 .

依家再介紹一下重新修訂既路線 , 淨係講個大方向 , 遲D再補細節 .

首先第一日 , 香港 ~ 成田 ~ 新千歲機場 ~ 札幌 ~ 拉麵 . (改不了)

第二日攞車即向 襟裳岬 方向進發 . 夜晚都係住果頭既旅館 .

第三日向 釧路市 行 , 中途都係睇海邊景 , 夜晚住 釧路 既酒店 .

第四日要攪掂 阿寒湖 ~ 屈斜路湖 & 摩周湖一帶 , 夜晚住是但一度 , 

不過我諗都係住 屈斜路湖 附近成數高D .  ^^

第五日就過 知床 果邊 , 希望可以睇到高清既 知床峠 啦 .  

(下面既 根室 , 呢Part 都唔招惹佢住 , 5月中 ~ 我諗都仲係好大霧)  >_< !!

第六日攪掂完 知床五湖 之後 , 向 網走 方向行 , 夜晚在 網走 搵間旅館落腳 .

第七日向 紋別 方向行 , 沿海邊北上 , 夜晚入住 枝幸温泉ホテルニュー幸林 .

第八日都係沿海邊北上 , 經過 稚內 , 攪掂完就南下 , 夜晚住 羽幌町 是但一間旅館 .

第九日去 二世古 還是返 札幌 ? 暫時都未諗到 .

第十日如果尋日返 札幌 , 咁呢日自然係返 香港 .

呢一刻就諗同咁多 , 遲D仲會小修小改 , 不過方向就唔會太變 .

好 ~ 夠鐘食晚飯 , 今日講住咁多先 .

Bye Bye !

2015/01/01

新年快樂 之 自駕履歷討論篇




Hello ! 


今日係2015年1月1日 , 首先祝大家新年快樂 , 身體健康 , 

萬事勝意 , 花開富貴 , 如意吉祥 , 恭喜發財 ... ( 變左農歷年 ?? )

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日假期 , 都冇乜既定主題 , 求其乜野都講D , 不過都係離唔開旅行一事 .

踏入2015 , 正常情況之下 , 即係仲有5個多月後先至出門 .

搵料方面暫時都未駛太過積極 , 始終都未落實用邊個 Plan 嘛 .

講開又講 ~ 本來好大程度使用既Plan D , 呢刻有點回軟跡象 , 

升得較快既係Plan C , 點解會咁呢 ? 

之唔係因為重溫Blog 友既 稚內 景點囉 .  ^_^ !!

呢排既情緒相當之唔穩定 , 意向隨時逆轉 , 今日諗到乜 , 

聽日又唔同晒 , 打後呢幾個月相信都會係咁上下 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外近排又同Blog 友討論開自駕履歷表 , 我份履歷主要都係在日本 .

唔講都唔知原來都幾豐富下 , 主要包括有 : 初次自駕 . 

即係首次自駕遊 , 由於係雪藏牌 , 所以乜都戰戰競競 , 經常質疑識唔識用GPS , 

點樣入油 , 夜晚泊邊度 , 泊位又唔記得幾時扭軑 , 總之乜都驚餐死 , 

都攪出唔小 蝦碌事件 , 好彩有驚無險 , 依家諗番起都得啖笑 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住下一年 , 膽粗粗學人地雪駕 , 第一日攞車就由 札幌 直踩上 稚內 , 

車程約莫6粒鐘(正常天氣) , 加埋玩左幾個景點 , 正式係由朝楂到晚 , 

好彩趕及在天黑前駛回酒店 , 仲有係頭幾日都冇乜車在前面 , 

所以與前車保持距離呢Part唔係咁上心 , 試過差D同前面車尾Kiss

好彩都係有驚無險 , 否則份履歷就花晒咯 . haha ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

再跟住下一年 , 今次體驗既就係 霧駕 , 其實都係逼於無奈 , 

呢種經驗唔要就罷 .  >_< !!  果次係2012年4月尾 , 戇居居唔知 根室 果頭勁大霧 , 

去到乜野景點都係迷離境界咁款 , 連我最鍾意既海邊景點 , 

都只係聽到海浪聲 , 失望到想跳埋落涯邊算數 . haha ...

最近睇番 Blog 友網誌 , 見到同一個景點 , 唔同月份可以咁差天共地 , 

更加後悔難返 , 要報仇又要 9-10月出門 , 唯有擱置住佢先啦 . 

不過霧駕呢家野 , 都幾唔知點講 , 一般都有十零廿尺位走棧 , 

試過有一次大霧到離晒大譜 , 再向前行好有可能會有危險 , 

唯有拿淋掉頭 , 就算掉緊頭都驚有對頭車黎緊 , 可想而知有幾離譜 .

而在同一次行程 , 前段仲有通宵駕駛 & 車內露宿 , 

呢種經驗都幾過癮 , 不過試一次就夠晒皮咯 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而2013年果次船駕 , (即係連人帶車過大海) 亦係一次相當唔錯既經驗 .

跟住D大型貨櫃車深夜過海 , 雖然船費貴左D , 不過勝在好玩 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後係啱啱呢次蚊駕遊 , 唔知稱唔稱得上經驗 ? 

平時多數沿海邊行 , 今次主要行內陸 , 成個車頭部份黐滿晒昆蟲屍體 , 

正式係生平僅見 , 一劈劈咁 ~ 都咪話唔核突 , 洗完車好快又黎過 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而點解Plan C 突然會意向回升 ? 其實同佢都有莫大既關係 .


早排上 Toyota 租車網上搵車 , 見到呢款86 MT版 於2月就會推出 .

我最想在我自駕遊履歷上面 , 寫有MT(棍波) , 咁先至夠圓滿 .

所以Plan C 既取向 , 忽然上升好幾個百份點 .  ^_^ !!

最後係最唔想有既履歷就係 醉駕 & 藥駕 , 大吉利是千祈唔好制呀 .

今日講住咁多先 . 

Bye Bye !