Letv Box

Hello !

唔知大家覺唔覺 , 呢排比較少更新個網誌 , 

因為好鬼忙囉 , 除左搵旅遊料之外 , (基本上已經搵齊)

就係煲劇 , 加上早前買左個 Letv Box , 更加係忙上加忙 .

首先介紹一下個盒先啦 , 價值港幣 $399.00

打開個盒 , 裡面有主機盒仔一個 & VIP咭一張 .

挖晒D野出黎 , 裡面仲有火牛一個 , 

遙控器 ~ 電芯 ~ HDMI線 ~ 類似說明書等等 ...

盒仔就細細個 , 遙控器得幾粒掣 , 簡簡單單 .

駁好線之後 , 再跟住佢黎個簡單設定就OK .

總共9個步驟 , 非常容易 .

進入版面 , 好多節目可以選擇 .

節目不斷增加 , 如果都嫌小 , 仲可以安裝外掛程式 , 

好似 : VST全聚合 ~ 魔力視頻 ~ HDP直播之類 . 莫講話仲要返工 , 

就算即刻退休都唔夠時間睇晒佢D節目 .  haha ...

(如果在腦場買機 , 佢會幫你安裝外掛程式 , 唔駛自己黎)

之前煲完佢自家制節目 : 拐個皇帝回現代 , 

依家煲緊 : 來自未來的史密特 .  ^^

至於旅行方面 , 已經講無可講 , 等出發啦 . Yeah !!

Bye Bye !

從未曝光的蝦碌事件

Hello !

正所謂 : 唔聲唔聲嚇你一驚 , 就係咁解釋 , 

上年(2015)整個12月都冇乜點凍過 , 以為就咁就過左個冬季 , 

點知今日凍到啊媽都唔認得 , 大帽山結霜 , 深圳又話落雪 , 

今鋪真係一次過番晒黎 , 黎個北海道出發前天氣預演 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

由於實在太凍 , 乜野戶外活動都要暫停 , 閒來在家中 , 

唔係煲劇就係執屋 , 在執電腦時 , 搵到段舊短片 , 

睇完之後令我諗起好耐之前與Blog友們既一番對話 ...

首先係2015年7月1日 , 當時 Nerissa (大小姐) 一個人出走東北回來 , 

我問 : 點解唔試下自駕遊 , 有部車可以去多好多地方 , Free好多喎 . 

佢答 : 我D咁 "藤雞" 既人好難揸車架 , 我係果D如果揸住架車俾人

過頭仲要俾人話 "死八婆" 學乜人揸車 .   XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外就係 Shirley姐 , 在2015年12月2日 既對話 .

我問 : 有冇諗住考番個牌呀 ? 你地幾個人既話 , 有部車仲可以攤分成本 ,  

唔駛好似我咁 , 一個人硬食租車 & 油費 .

佢答 : 吓 ! 我左右不分 , 睇倒後鏡會頭暈 , 我揸車會好大鑊咖 !

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今次係想講 , 唔好睇我好似好勁咁 , 揸住部車四圍去 , 

其實我都經過好多失敗既所謂 "蝦碌事件" , 不過只要唔係離晒譜 , 

得啖笑就算 , 最多下次醒目D , 唔好再犯同樣既錯就OK . 

講左咁耐 , 係咪想睇下段片呢 ? 擺左上Youtube喇 .

應該係上次2014年果次自駕遊剛出車時發生 , 

事發時間係 1:59 , 開頭果D只係當風景咁睇 .

睇完之後 , 大家應該會覺得 , man wai 手車咁屎都自駕遊 , 

我都勁過佢多多聲啦 . haha ...

Bye Bye !

根室 ~ 明日之後

Hello !

尋晚Blog友 友季姐 send左段短片link俾我 , 

唔睇就尤自可 , 一睇當堂被嚇窒 , 片裡面既 根室 , 

變左電影 明日之後 咁既款 , 唔講仲以為播錯 北極 既片段 .

咁樣既環境 , 唔好話旅遊 , 只要能夠由A酒店去到B酒店 , 

已經叫做執番身彩 , Blog友 t先生 好似仍然被困在 中標津町 , 

今日唔知點環境 ? 實在令人擔心不已 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

根室 果度正受住超級寒流襲擊 , 其實唔止 根室 , 

全球好多地方都受到寒流所侵襲 , 就連 香港 都唔倖免 , 

下周又話落雪又話盛 , 都唔知真定假 ? 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

兩個多禮拜之後 , 就係出發之日 , 怎麼辦好呢 ? 

尋晚我都有諗過重新編排過行程 , 諗住去D簡簡單單既地方 , 

好似 : 千歲 ~ 登別 ~ 室蘭 ~ 洞爺湖 ~ 二世古 ~ 余市 ~ 小樽 ~ 札幌 ......

只要取消原本所訂酒店 , 重新再訂上述地方即可 , 

之但係果D地方既酒店房間早已經爆滿 , 所以無計可施 , 

唯有照原定行程硬食 , 希望寒流盡早消散啦 , 

否則真係不知點算好 ? 上篇咪話隱憂篇既 , 

同呢D比較 , 強國人騷擾只屬碎料咋 .

Bye Bye !

送上電影 明日之後 劇照一張 . 唉 ...

國際車牌2016

Hello !

依家距離農曆年出發日仲有3個星期多DD , 

申請國際牌都差唔多時候 , 日前寄表格去運輸署辦理 , 

今日剛剛收到掛號信 , 拆開封信裡面有 : 

車牌一個 , 收據一張 , 地址確認信一封 .

打開黎睇 , 次次都係果D野 , 內容一樣 .

相片一張 . (今次搵 宇都宮しをん 黎做代表)

由2010年開始 , 一共申請過7次 . (不過上年2015冇出門)

另外講埋租車方面 , 因為Toyota今年冇做30% ,

所以唔再幫襯 新札幌 , 決定轉投 たびらい .

 而 たびらい , 問過好多Blog友 , 反應都好正面 , 

所以一於幫襯佢 , 冇辦法啦 , 始終價錢都好重要 .

至於租邊款車 , 亦都揀好 , 仲Book埋添 .  ^^

不過今年想玩神秘 , 等返黎寫遊記先至開估 ,

各位如果有興趣 , 可以參加呢個競猜遊戲 , 估中冇獎 .  XD

Bye Bye !

2016 行程初盤 (第十&十一日行程)

Hello !

又一個星期日 , 呢個 "2016行程初盤篇" 都攪左好耐 , 

係時候解決埋佢 , 今次連寫兩日 , 跟住就 ... 搵第二D野黎寫囉 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

連接番上篇第九日晚在 ANA酒店 , 第十日一起身 , 

食埋個早餐就出新千歲機場 , 搭內陸機落大阪 , 好話唔好聽 , 

大阪呢度我都係第一次黎 , 睇資料好似係搭 南海電鐵 往市區 ,

(由關西空港往難波 , 需時約莫40分鐘 , 票價 1130Yen)

由於人生路不熟 , 去到酒店我諗都要P.M.5:00

酒店已經搵到 , 仲Book埋添 , 叫做 : 御筋堂ホテル

放下行李 , 仲有訂方去架 , 就係 道頓堀 果個 固力果廣告牌 , 

果度睇人地就睇得多 , 點都要自己去番趟既 .  ^_^ !!

跟住既節目就係行街睇下有冇乜野買 , 搵到好地方就食埋飯 , 

輪到今日既重頭戲 , 就係 : 完湯源郷 太平のゆ なんば店

果度又係D天然溫泉之類既地方 , 只要俾左入場費 , 就可以任你浸餐飽 , 

而且規模絕不下於 北海道 桑園果間 , 營業至凌晨1時 , 真係點玩都得 .

地址係 : 大阪市浪速区敷津東2丁目2-8 , 相信唔會太難搵 .

玩完返酒店 , 第十日完 ! 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第十一日 , 呢晚要返香港 , 得早上時間可以自由活動 ,

呢日早餐冇預訂 , 而係出去 黑門市場 度食自己 . Yeah !!

食完之後去 海遊館 , 當日由於冇車 , 所以仲諗緊點樣可以去得到 ?

其實去果度只為兩個地方 , 一係海遊館參觀 , 二係摩天輪 .

聽講 環球影城 就在附近 , 不過今次都唔會去咯 , 

就當今次係 大阪 探路 , 遲D先至轉場遊覽佢啦 .

到時到候就返酒店拎埋D行李出機場 , 

返到香港正式結束呢十一日既行程 .

希望事事順利啦 . 

Bye Bye ! 

2016 行程初盤 (第九日行程)

Hello !

又黎行程初盤 , 黎到第九日 , 已經接近行程尾聲 ,

上回講到在 旭岳万世閣ホテルベアモンテ , 

食完早餐就出門 , 如果上日未去搭吊車既話 , 

今日第一個景點就係佢 , Check過佢網頁 , 話冬季照常營業 , 

不過上到上面唔知有乜野睇呢 ? 果D小池相信都結晒冰咯 .

攪掂呢度之後落山 , 下一站就係報復戰 : 首先係報上次失咭之仇 ,  

旭山動物園 , 其次就係旭川拉麵村 , 由於參觀需時 , 

攪掂晒之後 , 相信已經係下午 , 即刻往札幌還車 , 

還車之後往酒店 Check in , 放下行李又要出發 , 

目的地就係 桑園 果個天然溫泉 , 呢度就犀利喇 , 

上次玩過覺得好正 , 除左入場費街坊價之外 , 連晚餐都係街坊價 , 

正式係抵食夾大件 , 浸溫泉浸到散晒再黎杯啤酒 + 晚餐 , 

真係爽到冇朋友 , 依家諗起都覺得正 .   ^_^ !!

之後就返酒店 , 正式結束第九日既行程 . 

(如果仲有時間既話 , 可以去大通公園參觀雪祭 , 睇心情啦)

酒店一早已經搵到 , 仲Book埋添 , 就係 : 札幌全日空ホテル

Bye Bye !