2016/02/24

2016北海道雪駕遊D1-4 Rera outlet 篇




Hello !


上回講到到達 新千歲機場 , 好快就拎埋件行李 ...

向住租車公司方向行 , 中途見到其他店舖 , 包括有 :

MOS BURGER .


LAWSON便利店 .


連吉野家都有 ? 夠晒大眾化 .  ^^


影完相繼續向前行 , 直至黎到呢度 , 見到一排過租車公司 .


Toyota 都有兩間 , 不過今次唔係幫襯佢 .


而係隔離既日產 NISSAN .


呢間機場店只係做個簡單登記 , 並唔係正式 , 

所以只係拎預約A4紙 , 同埋國際牌俾佢係咁咦望一望就得 .

(聽講有D租車公司要求埋香港車牌 , 如果要既話我都有帶出黎)

睇完之後俾左份北海道行車地圖同埋個12號牌仔我 , 

叫我過對面坐一陣 , 佢幫我Call接送車黎 .


OTS 冬季好似唔做外國人生意 , 之前網誌都有講過 , 

公司策略係咁都冇辦法 , 所謂食小多覺訓 , 就係咁解 .  =_= !!


幾分鐘後 , 接送車就到 , 成部大巴車到黎 , 咁勁 !

(臨急臨忙 , 對唔到焦 , 攪到鬆郁矇)  XD


不過只係得我一個乘客 , 似乎有D浪費 . 

另外果張號碼咭 , 並唔係乘車券 , 上車唔駛俾司機 .


而係要黎咁樣用 : 如果好多人同時到達 , 

呢個就係掛號牌仔 , 叫你個號碼果陣先至輪到你 .


幾分鐘車程就到 , (好似近過 Toyota 果次)

得我一個人 , 到達後自然招呼我先啦 , 今次就要拎齊所需文件 .

包括 : 護照 ~ 國際牌 ~ 信用咭之類 , (香港車牌唔需要)

經過一講解 , 即係果D唔好超速 ~ 唔好亂泊車 ~ 唔好醉駕 , 與及保險細則 , 

電油叫做 Regular , 入滿先至好還車 , 由於我唔係在機場還車 , 

所以仲要講埋還車地點及電話 , 跟手簽埋咭就可以出去驗車 .

同佢一齊行個圈 , 有乜野花痕都指晒出黎等佢記低 , 

(有D太過濕碎佢話唔駛咯喎 , 我個人認為 , 除非刮到好明顯既花痕

或者炒到部車都開唔到 , 否則小小地既傷痕佢都唔會太介意)

最後等佢講解點樣用個GPS就可以正式出發 , 雖然GPS萬變不離其宗 , 

不過由佢示範使用一次 , 點都定檔好多 , 仲有就係收音機 , 

幾乎次次出車部收音機都係開住 , 我會叫佢幫我熄左佢 .  ^^

今次租左乜野車呢 ? 早前已經開左估 , 就係 ELGRAND .

不過其他車款都唔錯架 , 就好似呢部 : NOTE .


同埋呢部 . (唔知叫做乜野名 ? )

經 t先生解答 , 原來佢叫做 : X-TRAIL .


CUBE , 呢部經常出現在沖繩 .


七人車SERENA都係一個唔錯既選擇 .


ELGRAND 到 , 不過唔係呢部 , 我租果部係黑色 .

部車遲D再黎個詳細分析 , 依家攪掂個行程先 , 免得越攪越晏 .


出車果陣非常之唔習慣 , 話晒都放低左一年有多 , 

雖然係自動波車 , 不過軑位 ~ 油門&煞掣 , 全部都在水準之下 , 

好彩唔需要太耐就熟習番晒 .  ^_< !!

第一個景點就係 Rera , 因為夠晒近 , 就在租車公司隔離咁滯 .


呢度睇Blog友網誌就見得多 , 自己就未黎過 .  XD


都幾多野賣架 , 如果有心行 , 預佢一日左右啦 . haha ...


好多國際品牌呢度都有 .


案內地圖 .


發車時刻表 .


繼續參觀 .


休息區 , 大紅燈籠高高掛 , 充滿中式氣氛 .


LAOX 免稅店 .


波鞋比香港平DD , 其實我都冇乜野買 , 至在參觀 .


當時係中午12時左右 , 早上6時淨係食左件三文治 , 

當然唔夠啦 , 係時候搵食 .


呢邊有水牌 .


中西式任揀 .


FOOD FOREST , 係佢喇 .


食左D乜野呢 ? 下篇話你知 .

Bye Bye !



20 則留言:

  1. 我古你食拉麵凍凍地食番個熱湯既拉麵好爽YY 咖 哈哈

    多口一問你個個好似系棍波牌, 我之前去 李X 駕駛學院到問棍波輕型VAN 而家要成九千五左右 上 50堂呢

    回覆刪除
    回覆
    1. 重有一個小問題想請教下, 經過自己呢次冬季之旅我已經吾太鐘意夏天天熱去日本了, 下個目標想去北海道滑雪
      聽講北海道二世古滑雪十分有名, 你有無試過呢.

      刪除
    2. 中呀 ~ 正係食拉麵 , 果然係知我者 , 莫若你小頭兄 . haha ...
      我果個係棍波牌 , 不過在北海道 , 好難租到棍波車 , 尤其依家雪地 , 就算有我都唔係咁想租 .
      9500左右上50堂 , 好貴既呢 , 我果陣幾多錢就唔記得 , 不過點都唔駛呢個價位 . =_= !!

      刪除
    3. 請教就唔敢講 , 大家研究下囉 , 由於駕駛比較方便 , 我就比較鍾意夏天出門 , 不過冇辦法咋 .
      至於滑雪 , 就唔係我杯茶 , 二世古都有去過 , 不過唔係滑雪場果邊 .
      你是否董得滑雪呢 ? 我就完全唔識 .

      刪除
  2. 我上次北海道自駕又係呢度攞車^^

    回覆刪除
    回覆
    1. 係咪日產呀 ? 係就多數係呢度 . ^^

      刪除
    2. 係呀,果次租咗部Note。下個月就租Honda,唔知攞車遠唔遠。

      刪除
    3. 有接送車 , 唔會幾遠既唶 , 定D黎喎 . haha ...

      刪除
  3. 師姐一個人去租大車?

    回覆刪除
    回覆
    1. 係呀 ~ 雖然一個人去 , 不過今次租左部七人車 , 點解會租呢部 ? 遲D會詳細講解 . ^^

      刪除
  4. 黑色果架係 X-TRAIL, 上個月尾外生喺東京租過, 你租果架 ELGRAND 係咪八人 2.4 車?
    租大車係咪想做埋 uber ^^

    回覆刪除
    回覆
    1. 果然係 X-TRAIL , t先生真係見多識廣 , 佩服 .
      淨係知叫 ELGRAND 咋 , 點樣分七人定八人 ? 遲D會詳細介紹 , 不如由你黎分辯 . ^^
      租大車唔係想做 uber , 只係想穩陣D唶 .

      刪除
    2. 如果中間果排坐到三個咪八人車, 如果係 2400cc 咁大架車尤其係扭力就麻麻地

      刪除
    3. 秋天租佢有著數, 真係慳埋租酒店

      刪除
    4. 中間果行一排過 , 我諗坐到3個掛 ?

      刪除
    5. 在車裡訓埋 , 咁咪小左晚溫泉浸 ? XD

      刪除
  5. 我都想知點解租大車。上次我去呢個outlets時又唔覺好多野買喎,唔通我太小時間停留係度

    回覆刪除
    回覆
    1. 其實租大車既主因係感覺上穩陣D , 同埋我想試駕七人車 , 就係咁簡單 . XD
      如果俾多D時間行下佢 , 會覺得幾多野睇架 .

      刪除
  6. 三井好行過Rera,我鍾意三井多D

    回覆刪除
    回覆
    1. 原來就在北廣島 , 唔講都唔知有呢個Outlet . XD

      刪除

歡迎光臨 , 如果時間許可 , 請留番個言丫 ~