2016/03/31

2016北海道雪駕遊D3-10 あっけし望洋台篇




Hello !


上回講完個 蝦碌事件 , 呢篇返回行程 ...

食完藥回過氣後 , 繼續往 厚岸 方向行 , 由 釧路湿原駅 往 厚岸 , 

需時 1小時15分鐘左右 , 影呢張相果陣係 13:40 , 

真係要快手D至得 , 只怪在 釧路湿原駅 玩耐左 .


中途經過呢度 , 就算幾趕都要落車影番幾張 . 

呢度叫做 : 小師馬商  TOMORO FARM .


叫得做馬商 , 當然有馬啦 .


黑 ~ 白 ~ 啡 , 乜色都有 .  ^^


咦 ~ 開緊餐喎 .


都係唔騷擾佢喇 , 影埋呢張算數 .


隔離有D野 , 乜東東呢 ?


原來係仙鶴神針 , 得一隻既 ? 


上車後一口氣揸到目的地 , 就係 : あっけし望洋台 .

講起呢個望洋台就犀利喇 , 佢就係當年(2012)霧駕遊既其中一個景點 , 

當日四周一片迷霧 , 都唔知原來個海岸係咁正既 .

今次2016黎到 , 有雪但冇霧 , 視野一片開揚 , 乜仇都報晒 .

想睇番果陣點迷霧法 ? 請Click入呢度 .  ^_^ !!

花瓣型涼亭 , 係呢度既標誌 .


前面木屋係洗手間 .


各位觀眾 : あっけし望洋台 , 好似有D背光 .


再黎多次 , あっけし望洋台 !!


木牌後面寫住 : 昭和56年 . (D字好細隻)  XD


觀光十景 -- 8 , 當日完全睇唔到個海 .


既然咁高興 , 黎多張添 . 觀光十景 -- 8


右邊係津波避難場所 , 唔駛驚 , 驚就兩份 . haha ...

(後面地勢都唔算高 , 大吉利是有海嘯黎既話 , 只能等死)


輪到主角(海景)出場 , 老規矩 ~ 先黎左邊 .


再黎中間 .


最後係右邊 .


跟住係Zoom鏡既左邊 .


Zoom鏡既中間 .

(睇番Google地圖 , 遠處果個應該係大黑島)


Zoom鏡既右邊 .


停車場有大貨車一輛 .


案內地圖一大張 .


呢度已經係厚岸地帶 , 當然同牡蠣有莫大既關係啦 .


下篇去到高潮位 ,到達厚岸道の駅 , 

去得果度 , 只有一個目的 , 就係食蠔 (即係牡蠣) , 

究竟食左D乜 , 下篇開估 . Yeah ~ ^_^ ~

Bye Bye !



2016/03/30

2016北海道雪駕遊D3-9 第一單蝦碌事件篇




Hello !


上回講到參觀完 釧路湿原駅 , 正在開車往下一站 ...

而呢篇主要講既係 蝦碌事件 , 唔計最尾果日遺失相機果單 ,

今次全程一共發生過3單蝦碌事件 , 淨係D3呢日都發生左兩單 , 

呢3單野 , 如果處理得好 , 好輕易就擺平 , 但若然處理得唔好 , 

可以好大鑊 , 今程叫做大話夾好彩 , 冇事發生 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

依家先講第一單 , 就要由離開 釧路湿原駅 講起 ...

果陣正要往下一個景點 , 途中突然感到好眼瞓 , 仲係好嚴重果隻 ,

試過開大聲D個 mp3機 , 不過唔多得 , 又試過跟住音樂大聲唱歌 , 

亦都冇乜料到 , 更甚至試過搣大脾 , 通通都冇用 , 仲係好眼瞓喎 .

(依家寫網誌未必感受到當日眼瞓既程度 , 果陣真係好眼瞓架)

於是乎想搵個路壆停一停 , 但係一時之間又冇 , 只係得單程路 , 

後面又有車隊住 , 有時唔駛停就周圍都係路壆 , 就係咁邪 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

捱左一陣終於搵到個路邊凹位 , 於是乎扭埋路邊停一停 , 心諗 : 

係咪真係攰得咁交關呀 , 好丫 ~ 就試下瞌一瞌 , 又睇下係咪真係瞓得著 ?

跟住合理雙眼放鬆 , 哈 ~ 真係瞓得著喎 , 記得當時真係入睡左 , 

只不過係好短時間 , 簡單D講即係中一中果隻 , 就係呢中一中出事 , 

因為剛醒來果一剎那 , 意識仍然以為自己在馬路揸緊車剛醒來 ,

即時話 死 ~ 死 ~ 死 !! 希望重新控制番部車 , 回過神來之後 , 

原來係在馬路邊 , 正式係自己嚇自己 , 全個過程可能只係在一兩秒之間 , 

但已經夠嚇得心膽俱裂 , 跟手檢查下自己有乜唔妥 ?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

發現除左有小小頭痛之外 , 兩邊鼻孔各塞了二份之一 ,

再加上車窗全關 , 極之有可能係氧氣不足 , 因此而勁眼瞓 .

咁點算好呢 ? 在冇辦法之下 , 唯有食番粒 EVE 頭痛藥啦 .

幸運地 ~ 隔一陣就冇晒頭痛之餘 , 打後仲鬼打都冇咁精神 . 

EVE頭痛丸 , 正式係救命神藥呀 . (唔係賣廣告) haha ...

今次旅程都有買番盒補倉 , 經過多次驗証 , 食完唔攰 , 

唔會構成藥駕 , 放心 !


以上既情況 , 希望字裡行間大家會明白我寫乜啦 ?

我文字表達能力始終有限 .  XD

第一單蝦碌事件就擺平左 , 黃昏時候又發生另一單 , 

追睇落去就會知發生乜野事 . 

Bye Bye !



2016/03/29

2016北海道雪駕遊D3-8 釧路湿原駅篇




Hello !


上回講到參觀完 細岡展望台 ...

如果係第一次黎既話 , 多數都會參觀埋 釧路湿原駅 , 

我當然都唔會例外啦 , 呢篇就解決埋呢個駅佢 .  ^^

湿原駅 225M .


釧路湿原駅 , 正常應該照住個箭咀行 .


不過當日我認定左停車場附近果度就係 釧路湿原駅 , 即係相中最遠果度 .

結果攪錯左 , 原來果度只係咖啡店 & 民宿 .


正式係行錯路 , 差錯步 . (向左跟番條火車軌行就OK)


其實又唔算錯既 , 只不過係兜左個圈唶 .


行鐵路軌都幾考功夫 , 在路軌上行 , 幾步就跌番落黎 ,

行雪地又凹凸不平 , 又要回頭望有冇火車從後偷襲 , 都幾狼狽架 . 

(四周又唔係嘈 , 如果真係有火車到站 , 應該會聽到)


行左幾分鐘 , 終於望見家鄉 . haha ...


前面就係喇 , 搵個位上番岸先啦 .


原來線路內立入禁止 , 冇辦法啦 , 我都唔想 .  XD


D鏡係咪要黎俾車長睇乘客上晒車未 ?


唔通佢就係 SL濕原列車 ?


小心列車到站 & 線路內立入禁止 .


釧路湿原 , 上下係咩野站呢 ? 要上網搵翻譯至識 .


名所案內 , 有好多動物 & 植物 .


由於只係順便參觀呢個站 , 所以冇配合列車埋站時間 .


遲D 北浜駅 果度就有備而來 , 有列車睇 . (預告)


釧路湿原駅 . 三角形頂部 , 相信都係為卸雪而設 .


裡面又係全木製 .


牆上有張壁畫 , 其實係一張簡單既案內圖 .


另一邊有坐位 & 圓檯 .


天花吊燈 .


後門 ~ 出入關門 . (否則走晒D冷氣入去)


參觀完畢 , 釧路湿原駅 .


由呢度上番去駐車場 , 唔駛再行路軌 .


好似好耐冇上載過短片 , 呢段係離開 細岡展望台 駐車場 .


Bye Bye !