2016/08/22

近況 ...




Hello !


2016年度旅遊網誌 , 早幾日前經已圓滿結束 .

唔覺唔覺寫左足足6個月 , 認真夠晒長篇大論 , 首先要多謝大家支持 .

其次係網誌內容 , 唔知大家鍾意依家咁既詳細版本 ? 

定抑或係簡化版本呢 ? 呢樣我一直都好好奇 , 希望了解大家既睇法 .

如果唔係太難 , 希望能夠留個言 , 睇下大家點睇 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住輪到講番主題 , 今次主題叫做 近況 , 近排有兩件事忙緊 ,

第一件係玩 Pokemon Go , 呢樣野就犀利咯 , 幾近佔據晒我所有時間 , 

由佢登陸香港開始 (大約係7月尾左右) 就日打夜打 , 

食飯時間就不在話下啦 , 有時仲會蛇出公司打 , 總之就見野就捉 , 

捉到一定數量就用 幸運蛋 黎進化 , 至到依家剛剛到達26Level , 

我既目標係30Level , 再高就好難可以到達 , 而我經常去既熱門地方就係摩士公園 , 

果度櫻花樹長開 , 係一個理想既捉野地方 , 如果大家去到大叫 man wai , 

話唔定有人會回應架 . haha ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而第二件事就係部電腦 , 依家用緊果部電腦 , 用左接近6個年頭 , 

雖然仲用得 , 不過每次開機後 , 都會彈出呢度唔妥 , 果度唔妥 , 

需要重新設定才可繼續使用 , 如果係較早時間 , 只要重新裝window就OK .

但係今時今日用window XP , 呢度又唔受 , 果度又唔受 , 

好似脫晒節咁 , 所以的起心肝裝過部機 , 襯住今個電腦節 , 

睇下有乜好野啦 , 按照以往既 電腦節 , 優惠既多數都係個Mon

同埋USB手指之類 , 其他只不過係氣氛好D , 個個都諗住買平野 , 

熱熱鬧鬧咁樣 , 呢幾日我都有去睇過 , 搵左D資料返黎參考 .

包括大公司 Centralfield 既推介 ~


同埋其他公司都會研究


諗住出番部唔好太渣 , 亦都唔駛太過高檔 , 

因為無論幾貴幾新 , 過幾年都會變明日黃花 , 所以取其中庸之道 , 

比最差既好DD就夠 ,  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

近況就係忙以上果兩件事 , 如果有新消息 , 再向大家通報 .

Bye Bye !



2016/08/18

2016大阪兩日兩夜自由行 D3-1 晨早機回港篇(完)




Hello !


上回講到在酒店附近食早壽司再食拉麵 ...

行到夠晒皮就返回酒店 , 睇多陣電視就瞓覺 , 聽朝要晨早起身 .

~ 第二日完 ~

~~~~~~~~~~~~~~~~~~~~~~~~~~~~~~~~~~~~~~~~~~~~~

一直瞓到五點鐘 , 鬧鐘響起 , 今日搭晨早機 , 起身喇喂 .

梳洗過後執齊野鬆人 , 基本上都冇乜野執 , 乜都隊晒落個背囊就OK .

落到樓下 Check out , 再一次同呢間 御堂筋ホテル 講再見 .

影呢張相既時間係A.M.5:18 , 仲未天光喎 , 

正式係 : 條街黑咪蚊 , 條街黑咪蚊 , 條街黑到鬼都怕 . haha ...


轉出大街有番D燈光 , 咁都定D , 容乜易俾人 老笠 .  XD


乜日本既AV舖通宵營業既咩 ? 咁體貼 .  ^^


同上次一樣 , 過條大馬路 , 直去 南海難波駅 .


上一層自動樓梯就係 機場線 .


前面就係 售票處 .


唔駛睇喇 , 關西空港丫 .


盛惠 920Yen .


入閘後 , 睇睇個水牌 , 05:30急行 , 6號月台上車 .


仲有小小時間剩 , 依家黎個 案情重組 , 上次就係在9號月台上車 .


去到前面櫃檯俾車票佢睇 , 佢話要補飛 .


跟住在牆上綠色部機度入錢 , 點知部車個勢好似即將開出 , 

情急之下 , 忘記相機放在個篋上面 , 就咁拎左個篋就上車 , 

於是部相機就留在部機隔離 , 終於真相大白 .


案情重組完畢 , 過番去6號月台上車 .


雖然唔算爆滿 , 都叫做有D乘客 , 求其搵個位坐低 .


大部份乘客都在休息 , 其中一位有D特別 , 點特別法呢 ?


就係呢位 , 拎住把 東洋刀 搭車 , 乜大阪D治安真係咁差 ?

家陣拍 城寨英雄 咩 ? haha ...


又係半小時多D既車程 , 到達 關西空港 .


出閘中 ...


尋日朝就係在前面間房領取相機 .


呢邊係 Terminal 1 .


T2 就在右手邊 .


即係 日航酒店 果邊 .


再見喇 JR線 .


呢邊又係啦 , 再見喇 南海線 .


直行通道前往 T2 .


兜完一輪仲要搭接駁巴士 .


好快就有一班車 . 


唔覺唔覺已經天光 .


到達T2範圍 .


辦理完Check out 手續 , 到呢邊入閘 , T2呢邊都冇乜好行 .


上面張相係國內線 , 呢邊先至係國際線 .


一口氣趕到黎機場 , 話時話 ~ 早餐都未食 , 就呢間啦 , 其實都冇乜選擇可言 .


早餐到 ~ 連埋下面杯奶茶 , 合計594Yen .


奶茶 ~ 始終都係茶餐廳既好飲 .  =_= !!


邊食邊等候 . 


等了又等之後 , 上機喇喂 , 要行出跑道上機 , 堅呀 . 


歡迎乘搭 Peach 航空 .


紫色既配搭 , 我鍾意 .  ^_^ !!


飛行中 ...


話都冇咁快就抵達 赤鱲角 香港國際機場 .

部機停在山卡啦位 , 要搭列車往入境果度 .


等候行李領取中 , 都冇寄艙行李 , 等乜鬼喎 . 


唔駛等行李就咁走原來咁爽 , 痛快 !


等機鐵果陣 , 只不過係中午12:20 , 本來揀夜機返都得 , (仲多日玩添)

不過攪到夜一夜先到家中 , 聽朝返工未必回復到最佳狀態 .


下一站 ~ 青衣 .


日間搭機鐵返市區 , 真係冇乜幾可 .


到達 青衣站 , 時間係 12:43 .


好喇 ~ 今次行程就黎到呢一度 , 大家分道揚鑣啦 .


三日兩夜既 大阪 領取相機之旅就到呢度 .

如果想睇旅遊網誌 , 最快都要明年2月 , 後會有期 .

Bye Bye !



2016/08/17

2016大阪兩日兩夜自由行 D2-3 市場ずし中央店篇




Hello !


上回講到由朝浸到晚 , 終於都要離開 , 正式係盡興而回 .

落到樓下 , 見到 通天閣 著晒燈 , 好靚呀 . (呢張我鍾意)


跟住在四圍行 , 到處參觀 , 再次見到BILLIKEN .


夜晚既 通天閣 底部 .


 紅色既 PRIUS , 又有另一番味道 . (白色見得最多)


搭的士返回 南海難波站 , 即係今晚酒店附近 .

今次路路暢通 , 連錶都唔駛跳 , 680Yen埋單 .


又到晚餐既時候 , 今次又再幫襯 市場ずし .


雖然都係 市場ずし , 上次果間係 心齋橋店 , 今次係 中央店 .


大家都係一脈相承 , 質素應該一樣掛 ?


老規矩 ~ 啤酒打頭陣 . 勝既 !!


都算係高朋滿座架 .


食材都在OK之上 .


壽司師父 .


大家唔好客氣 , 起筷啦 .  ^^

埋單 1793Yen , 特登唔食咁盡 , 仲要趕下場 .


聽朝晨早機返香港 , 有得食就食盡佢 , 免得後悔莫及 .

咁食乜野好呢 ? 博多屋台之味 , 雖然都好正 , 不過唔係幫襯佢 .


唔通係 八爪魚波 ? 都唔係喎 .


日本一 ? 更加唔係啦 , 剛剛先食完壽司 .


答案就係佢 , 金龍拉麵 .


揀好呢度買飛 , 其實選擇唔係好多 .


交飛俾佢之後 , 等佢做野 .


食完拎番D碗碟往 返却口 .


呢間拉麵店人氣十足 , 當日都驚煮好做麵冇位食 .

到時真係要黎過 立食體驗 . haha ...


自助配菜 & 水 . (仲有白飯任裝呢個服務)


好彩 ~ 最終都有位剩 .


黎喇 ~ 叉燒拉麵 , 600Yen . Yeah !!

下次再 (在日本) 見係幾時呢 ? 真係話唔埋 .


食完再四圍行 , 用盡每分鐘時間 .


BIC CANERA ~ 行到佢拉閘為止 . (今朝先至行過 , 又黎)


都係時候返酒店咯 . (御堂筋ホテル)


今次酒店同上次一樣 , 以呢區黎講都算方便 .


房間同上次差唔多格局 , 唔寫多次喇 , 

如果有興趣 , 睇番上次果篇啦 . (慳得就慳)



Bye Bye !