2016/09/28

2016砌機專輯(三)




Hello !


今晚星期三 , 有小小時間 , 解決埋篇砌機專輯佢先 .

上回講到砌左DVD機同埋藍光碟機上去 , 

攪掂就係咁款 .  ^^


跟住輪到兩個硬碟 , 即係 HDD & SSD .


拆開包裝 , 傳統硬碟機大部好多 , SSD 夠晒輕巧 , 容量亦細好多 .


求其搵兩個位安裝上去 .


砌好個擺位 , 輪到插線 , SATA線 ~ 幼幼地 , 

同以前既 IDE 線差天共地 .


插完連接線 , 再搵番D電源線黎插 .


最後輪到重頭戲 , Graphics Card .


拆開包裝 , 記得撕走張膠貼 .

裡面真係冇安裝CD送 , 要自己上網Load .


插埋上去 , 駁上電源 , 確定所以電源線都安裝妥當 .


尤其係呢條 , 陰陰濕濕咁 , 好易漏單 .


機背D線都要執得好好睇睇 .


準備好未 , 掂就黎架喇 , 1 ~ 2 ~ 3 開機 !!


睇下係咪所有燈 & 風扇都運作正常 .


都幾有型喎 .


前面既風扇盞紅燈夠晒勁 , 我鍾意 .

另外底板側面都有燈 , 勁呀 !


今晚講住咁多先 .

Bye Bye !



2016/09/24

2016砌機專輯(二)




Hello !


今日星期五 , 聽晚星期六有英超早場 , 

襯依家有時間 , 整番篇網誌 , 呢排又係玩Pokemon Go , 

攪到鬼咁死咁忙 , (次次都係咁講) , 唔講唔知 ~ 

依家已經到達 Level 30 , 就黎到 31 , 不過有小小取考 , 

就係用課金 , 買左D 幸運蛋 黎升呢 , 用左幾隻 , 

每隻約莫賺到70000經驗值 , 雖然係咁 ~ 要再升呢都有難度 , 

皆因由 Level 32去到33 , 要75萬個經驗值 , 

33去到34 , 更加要100萬經驗值 , 簡直係黐線 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 講番砌機 , 今次黎到第二集 , 接回上篇攪掂果三味 , 

CPU ~ RAM ~ CPU風扇 , 跟住拆機箱 , 打開個包裝盒 .


拎出黎打開左邊蓋 .


再拆開風扇包裝盒 .


換左原裝把箱尾風扇 .


呢把係原裝前面風扇 , 紅色燈 , 開機果陣好靚架 .


首先裝塊 I/O板在後面 , 一CUP落去就OK .


將機箱螺絲拆出黎備用 .


都唔係備用 , 即刻就要用 , 將D螺絲腳鑽左所需位置 .


裝完就係咁樣 , 跟住將底板放上去擰實佢 .


未裝火牛前 , 先攪掂D插線 , 至於點插法 , 睇番底板說明書 .


插完線輪到火牛上陣 , 拆開包裝盒 .


個火牛就係咁款 , 都幾重秤 .


四粒螺絲就攪掂佢 , 風扇向下 .


暫時將D線隊晒出去機箱個窿備用 .


就係咁樣喇 .


未插線之前 , 裝埋兩個DVD機 , 拆開機箱上面既缺口 .


呢個係普通DVD WRITER .


跟住係藍光碟機 , 裡面有安裝光碟 .


插上去上緊螺絲就OK , 


暫時講住咁多先 , 有機會再講埋佢 . 

Bye  Bye !



2016/09/18

2016砌機專輯(一)




Hello !


今次呢輯網誌叫做 2016砌機專輯 , 

係記錄低新買電腦點樣砌 , 俾自己一個參考 , 

如果寫教學就未免班門弄斧左D , 皆因外面高手如雲 , 

淨係 t先生 既電腦知識已經遠在我之上 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 言歸正傳 , 上篇再上篇網誌講到買齊所有配件 , 

2016年度砌機 , 立即開始 , 首先打開底板果盒 , 挖晒D野出黎 .


拆開膠袋 , 拎塊底板出黎放在檯面 , 下面最好有野墊住 .


跟住拆開CPU個盒 , 拎粒CPU出黎 .


掀開CPU蓋 , 見唔見左下角有粒小圓點 .


用果個位黎對番CPU個三角標誌 .

放下之後係咁咦郁下佢 , 睇下D針對唔對位 , 不過基本上都好難插得錯 , 

但係插錯就好大劑 , 所以都係小心D好 .


攪掂就Cup番埋個蓋 , 保護膠蓋會自動彈出 .


完成呢Part就係咁樣 .


跟住輪到CPU風扇 , 之前講過呢款CPU唔連風扇 , 

又嫌水冷太貴 , 最後揀左呢款 212X , 個樣好鬼勁 .


又係拆開包裝盒 , 挖晒D配件出黎 .


鐵片安裝在底部 .


上面多左四粒螺絲位 .


打開個叉試下D螺絲位置 , 唔同型號CPU有唔同既位置 .


試完位置拎番開個叉 , 加小小散熱膏在CPU上面 .

有人鍾意查牛油咁掃勻佢 , 我就就咁算 , 反正都會熱溶佢架啦 .


跟住將風扇拆開先 , 方便安裝 , 

仲有 ~ 記得掀開包裝膠紙 , 否則傳唔到熱 , 就冇左散熱既意思 .


將個叉仔放中間 , 逐粒螺絲慢慢擰 , 千祈唔好一次過鎖死一粒 .

即係每粒擰小小 , 直至每一粒都擰實為止 .


完成大至上係咁款 , 同原廠CPU風扇比較 , 呢款誇張好多 .


確定穩陣之後 , 插番把風扇上去就OK .


跟住就係裝Ram , 依家D Ram 靚仔左好多 ,

還記得以前只係兩條綠綠地色既電路條咁 , 真係時代進步 .


兩條Ram應該點插法 ? 睇番底板說明書就有講 .


又係有晒坑位 , 想插錯都唔係咁易 .


CPU ~ 風扇 ~ Ram , 三樣都OK .


擺住呢度備用 , 下一Part就到拆機箱 .


呢篇講住咁多先 , 依家要出去捉精靈 .

下Part再見 .

Bye Bye !