Hello !
上回講到食完拉麵 , 練習完影夜景 , 都係時間出發 ...
由 札幌 往 天然温泉やすらぎの湯 北のたまゆら桑園 , 只需一個站 .
呢張相已經到達 桑園駅 , 時間係P.M.8:47 .
列車正離開車站 , 充滿動感 , 勁呀 !
由車站往果度 , 步行約3分鐘左右 , 去過幾次 , 熟晒路 .
之前有Blog友問揸車黎有冇位泊 , 有就有 , 不過車位好緊張 ,
全場只係見到呢個吉位 , 所以都係搭車黎好D , 費時搏啦 .
營業時間 朝七 ~~~ 凌晨一 .
前面Locker , 要黎放鞋及大袋 , 先入100Yen , 走果陣拎番果隻 .
放完鞋就買飛 , 除左入場券 , 仲有毛巾及其他 .
過隔離交飛俾佢就可以入場 , 順便拎埋張回數券出黎俾佢蓋章 .
以下相片由佢網頁提供 .
上篇有Blog友講起 , 話呢度浸既感覺 , 同旅館有好大分別 .
冇錯 ~ 我就係鍾意呢一點 .
呢度輪人數 , 絕對比旅館既溫泉多 .
之但係論氣氛 , 呢度就好玩好多 .
呢度幾近全部都係街坊街里 , 一路浸就一路傾謁 .
(唔係同我傾 , 只係佢地圍內人)
雖然唔知佢地講乜 , 但係扮街坊混入其中 , 個Feel好過癮 . ^^
浸完返出黎 , 例牌整番杯 , 感覺正到冇朋友 .
由於都夜咯 , 所以淨飲冇叫野食 .
順便講埋 , 呢度既休息室 (即係呢度) 都好Free架 .
食飯又得 , 睇電視又得 , 酒店房裡絕對冇呢種感覺 .
Free到連瞓覺都得 . haha ...
如果食野既話 , 呢度有餐牌參考 .
揀好既話 , 過隔離買飛 .
之前都講過 , 呢度既食物 , 抵食夾大件 , 一句講晒 . 正 .
飲晒 , 走得 .
如果在呢度泊車 , 記得拎張飛俾佢過機 .
咦 ~ Ladies Night 喎 .
日本有冇平機會架 ? 呢個世界好多麻煩友 , 小心 . XD
換好衫出番黎 , 漫天飄雪 , 好有詩意 .
如果第一日黎 , 就會咁諗 , 依家見到雪都驚 .
車費 170 Yen , 列車好震 , 對唔到焦 .
返回 札幌駅 , 大舊石依然擺放 .
東北加油既橫額就冇左 .
呢間酒店都有考慮 , 不過貴過 京王 小小 , 所以被否決 .
回到 京王 大堂 , 有D攪作 , 好靚呀 .
展期有限 , 要睇就襯手 .
好有日式Feel .
回數券 , 多左一個印 , 幾時先至可以滿晒呢 ?
今晚好攰呀 , 攪埋D手尾就瞓覺 .
第五日完 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~