Hello !
上回講到落機之後 , 在7仔買物資 ...
攪掂之後過 T1 租車公司攞車 , 要搭一程接駁巴士 .
今次租車係幫襯 Tocoo , 聽人講話佢會要求你出示香港既車牌 ,
經過親身驗證 , 好似冇D咁既事喎 , 佢都冇叫我俾香港車牌佢睇 ,
雖然係咁 , 帶咪帶埋去囉 , 一張車牌又唔阻訂 , 費時佢問起冇啦 .
跟住係一連串租車手續 , 同以往Toyota差唔多啦 , 都係果D :
國際牌 ~ Book車A4紙 ~ 護照 ~ 信用咭 , 不外乎係呢幾大類 ,
簽咭後係咁咦講解下D程序 , 最後就係出停車場驗車 .
呢張相係在車裡拍下 , LAWSON隔離就係租車公司 .
順便講埋 , 今次租既係 HONDA VEZEL ,
呢部車就多野講喇 , 有優點亦有缺點 , 總括而言讚多過彈好多 .
依家趕時間出發 , 遲D會開番篇黎詳細咁解構佢 .
由 Maxk X 轉為 VEZEL , 只係隔左一日 ,
不過剛出車果陣 , 都有小小唔適應 , 好彩好快就平復番 .
前面就係離開機場連接橋轉灣見到既摩天輪 .
另外有樣值得一提既係 , 今次網誌標題叫做 半雪駕遊 ,
皆因落到關西呢頭 , 搵滴雪黎睇下都難 , 同前半部份雪駕遊相距甚遠 ,
之前講過好多次 , 有雪與冇雪既駕駛方式 , 完全係兩回事 .
唔講唔知 , 呢度日落既時間 , 比 北海道 晏D , 變相多左時間黎影相 ,
大家都係日本 , 兩個地方既日落時間都唔同 , 真係咁都得 ?
又有一樣野可以講 , 就係 大阪 呢邊既道路 ,
唔知關個GPS事 , 還是D路真係有問題 , 經常入錯路口 ,
耽誤晒D時間 , 本來今日時間已經唔多 , 仲要浪費在搵路 , 失敗 .
第一站觀光景點係 : 道の駅 とっとパーク小島 .
呢部就係 HONDA VEZEL , 又係派黑色車 , 唔錯 .
乜都唔駛講 , 去左洗手間先 , 忍左佢好耐 .
とっとパーク小島 , 呢度係一個釣魚勝地 , 入去參觀咯 .
牆上掛滿彪炳既戰績 .
仲有相片任取 .
就在缸裡釣魚 , 唔係掛 ? 係釣唔到魚買番黎冒充咋嘛 . haha ...
條橋直伸到出海中 , 兩旁供人釣魚 .
黎多張添 , 呢幾日都好好天氣 , 除左尾二果日 .
呢張相係在網上搵番黎 , 前面係有料地帶 ,
本來俾小小錢入場當買路錢都冇乜所謂 , 不過果陣仲有訂去 , 都係算喇 .
(當時都未知下個景點因行錯路而延誤)
出番黎外圍 , 涼亭一個 .
石碑一塊 .
10萬人次突破記念碑 , 恭喜晒 .
好 ~ 上車 , 又要趕下場 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~