2017/05/31

2017北海道及和歌山11天自駕遊D8-3 串本海中公園篇A




Hello !


上回講到參觀完一連串 道の駅 之後 ... 

終於到達第一個似樣D既景點 , 呢個景點亦係期待已久 , 

叫做 串本海中公園 . 講到咁正 , 一篇點寫得晒 , 

起碼都寫兩篇啦 , 今晚睇住篇A先 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

一陣可能大把車黎 , 泊得好D啦 , 兩邊都好平均 .


入口處分開兩邊 , 一邊係餐廳及商店 , 另一邊係主場 .


呢邊係餐廳及商店 .


隔離自然係主場啦 .


入場券分三部份 , 分別係 水族館 , 海中展望塔 , 觀光船 .

當日觀光船欠航 , 只有水族館 & 海中展望塔 , 可惜 ...


冇辦法啦 , 唯有淨係參觀果兩味 , 一入場 , 海龜做迎賓 .


叫得做水族館 , 大魚缸就點都唔小得 .


串本の海水槽 裡面既魚類 .


屬於比較細既魚類 .


不過都幾好睇 .


呢缸就更加細條 , 基本上係魚仔 .  XD


魚類介紹 .


呢D游得慢 , 影起黎都唔太難 .


海綿動物 .


應該係以浮游生物為糧食果類 .


刺胞動物 .


Wow ~ 好靚呀 .


棘皮動物 .


海星


海參 .


節足動物 . 甲殼類 .


龍蝦 , 正呀 .  ^^


光合的動物 .


珊瑚類 .


一塊塊咁 , 好多種類 .


睇完細魚缸 , 輪到B區大魚缸 .


魚缸隧道 , D魚在頭頂上游過 .


呢度除左齋睇魚之外 , 工作人員先講解一輪 , 

當然唔知佢講乜啦 , 跟住佢上去上面 , 好多切開左既魚倒落黎 , 

原來係餵飼時間 , D魚好似搶食咁 , 都幾好睇架 .


大白鯊 , 游得好快 .


金槍魚 .


如果冇餵飼時間 , 鯊魚可能食晒其他魚 , 畢竟都係食物鍵最高層嘛 .


就係呢D切開左既細魚 .


魚頭 .  =_= !!


睇完 ~ 繼續向前行 .


上去樓上 , 即係佢倒魚落池個位 , 不過有幾樣需要注意 .


上到黎 , 見到水池頂部份 .


下面就係隧道頂 .


可以買D魚黎自己餵 .


200Yen一兜 . (唔玩咯 , 佢剛剛先餵完)


工作人員在清理用具 .


桶裡面有D魚苗 .


今晚睇住咁多先 .

Bye Bye !



2017/05/30

2017北海道及和歌山11天自駕遊D8-2 一連串道の駅篇




Hello !


上回講到食完早餐埋埋單 , 拎齊行李上車 ...

今日行程既景點勁豐富 , 講多無謂 , 即刻就開車 .

錶板上面反晒光咁 , 路上直情係曬爆 , 好彩有帶太陽眼鏡咋 , 

呢樣野除左雪地啱用 , 曬爆時都大派用場 , 自駕遊必備 .


都仲未介紹 , 今日第一站係 串本海中公園 , 

如果沿住海邊行 , 基本上得一條路 , 沿途會經過好幾個 道の駅 , 

而呢篇就係參觀呢幾個 道の駅 喇 .   ^_^ !! 

行左半粒鐘左右 , 首先見到既係 : 椿はなの湯 .


裡面大把位 , 放心泊車 .


踩住條界 , 泊得麻麻地 .  XD


唔緊要啦 , 旨在去個洗手間及鬆鬆腳 , 唔會久留 .


呢度叫得做 椿はなの湯 , 真係有個湯架 , 不過冇時間浸 .


鏡頭一轉 , 已經去到下一個 道の駅 . 


今次都係泊到大細邊 , 算啦 ~ 認真你便輸了 . haha ...


呢個 道の駅 叫做 志原海岸 .


情報案內及休息所 , 仲有WiFi上網 .


好似好多野睇喎 .


同樣地啦 , 呢度叫得做 志原海岸 , 梗係有個海岸啦 .

危險 ! 高波注意 . (見到呢D告示都有D驚)


一齊參觀呢個海岸咯 , 先黎右邊 .


中間 .


左邊 ~ 出面有D野 .


Zoom近D睇過 , 原來係汪洋中的一條船 .  ^^

石上仲有人釣魚 , 唔通咁樣叫做 磯釣 ? 


山仔一個 . (上唔上到去呢 ? )


有狗既便便 , 小心地雷 .


OK ~ 又上車 , 之前有冇介紹過 ? 呢粒黑色按掣好好駛 .

落車後一按就鎖車 , 返黎時再按就解鎖 , 唔駛次次都拎條匙出黎按掣 .


上車後再行多20分鐘左右 , 又到下一個 道の駅 .

叫做 : イノブータンランド . すさみ


係咁咦停低影張相就算 , 洗手間都唔去得咁多 .


海岸亦都只屬普通料 , 冇乜驚喜 .


攪掂就繼續行 , 下一個 道の駅 即將到達 .


呢個 道の駅 叫做 すさみ , 亦都係呢篇最後一個 .


呢頭叫做 南紀熊野 .


江須崎 ~ すさみ八景之一 .


應該係前面呢個島仔 .


島上果粒小小既白點 , 應該係燈台 . (太細喇)


現在地 ~ 附近有個 蝦&蟹之水族館 喎 .


就過去睇睇 .


入館料 , 大人 800Yen , 本來就冇乜所謂 , 

不過一陣都去 串本海中公園 , 果度應該會好睇D .


呢度細細間咁 , 或者冇乜料到 . haha ...


算啦 ~ 都係過門不入 , 慳番D時間 .


原路過返另一邊 .


洗手間 .


食堂一個 , 不過果陣係10:10 , 晏D先食飯 .


商店一間 , 有乜補給可以在呢度解決 .


好窄呀 ~ 好彩我夠Fit , 剛剛攝得入 .


再行多20分鐘 , 終於到達第一個正式景點 . 串本海中公園 .


Bye Bye !