2017/06/29

2017北海道及和歌山11天自駕遊D8-18完 いさなの宿 白鯨晚餐篇




Hello !


上回講到介紹完房間環境之後 , 夠鐘食晚飯 ...

晚飯在房間裡面食 , 唔駛落樓下 .   ^_^ !!

擺好食物之後就可以開餐 , 首先係菜單一張 .


每碟都有名有姓 .


仲介紹埋邊個部份 , 駛唔駛咁詳細呀 .


逐樣再介紹一下啦 , 白飯打頭陣 .


呢碟應該係鍋物裡面D菜 & 肉 .


就係呢個鍋喇 .


擺晒D菜落去慢煮 .


拉麵最後先至落 , 得果一注 , 份量小左D喎 .  =_= !!


呢樣叫做 くじらの 皮 & 赤身 .


呢樣好似係炸物 ?


呢樣係 ... 樣樣都寫住 くじら , 自己對番個名啦 .


生果 .


最後黎張大合照 .


有餚無酒又點得呢 ? 啤酒打孖上 .


啤酒走廊有售 , 200Yen一罐 .


食晒 & 飲晒 , 好飽呀 .


飯後甜筒 , 正 !!


食完飯冇事做 , 不外乎都係睇電視 , 等浸溫泉 .

襯有時間 , 順便睇下雜誌 .


之後就係浸溫泉 , 再睇電視 , 磨多一陣就瞓覺 .

Bye Bye !

第八日完 .



2017/06/28

2017北海道及和歌山11天自駕遊D8-17 いさなの宿 白鯨房間篇




Hello !


上回講到參觀完 血色海灣 , 正式完成今日所有景點 ...

雖然尚未天黑 , 不過都係時候往旅館 Check in .

呢張相在停車場度影過去 , 中間白色果座 , 就係今晚入住既旅館 , 

至於通往海灣既隧道就在相片左手邊方向 .


旅館方面 , 個名叫做  いさなの宿 白鯨 . 呢間旅館我會用

 道高一呎 , 魔高一丈 黎形容佢 , 記得當日在房間曾經講過呢句說話 : 

黐線架 , 駛唔駛玩到咁盡呀 , 出到呢一招 , 點樣同你鍊呀 . haha ...

至於點樣魔高一丈法 , 呢篇尾段會詳細講解 , 總之就係離譜啦 . 

P.S. : 順便講埋 , 與靈異事件完全無關 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

入到房裡 , 放下行李 , 首先介紹馬桶一個 .


洗手間圓燈 .


洗手盆在馬桶對面 .


上小小就係鏡&風筒 .


輪到大廳 , 老規矩 ~ 四個角咁影 .


電視與雪櫃 .


衣櫃與被鋪房間 .


被鋪尚在裡面 , 通常都係食晚餐果陣做野 .


茶几 ~ 茶杯茶葉在盒裡 .


天花燈 ~ 四方形 , 夠晒簡潔 .


夾萬一個 , 通常都唔會用 .


水煲 & 電話 .


雪櫃一個 .


露台 ~ 聽朝先至介紹窗外風景 .


分體式冷氣 , 2月份仲未需要用到 .


開部電視睇 , F35幾型仔喎 .


米大統領 , 唔多受歡迎 .  =_= !!


最後 ~ 輪到講解點樣 魔高一丈 法 .


一般既酒店房間 , 門前都會有個位插鎖匙先至有電 .

大部份唔係插匙咭就係插匙扣支長棍仔 , 呢兩樣都可以用其他野代替 .

一係八達通 , 二係筷子 , 呢兩樣代替品破解左插匙取電 .

但係呢度要插房間鎖匙再扭一扭先至有電 , 出到呢一招 , 

真係唔夠佢黎 , 邊位仁兄咁好諗頭 , 真係要寫個服字 .


插匙後 , 房間就有電供應 .


呢篇介紹完房間 , 下篇自然係介紹晚餐 .

Bye Bye !



2017/06/27

2017北海道及和歌山11天自駕遊D8-16 血色海灣(隔離)篇




Hello !


上回講到參觀完 くじらの博物館 ...

跟住往今日最後一個景點 , 呢度大有名堂 , 叫做 : 血色海灣 !!

話說早年紀錄片 The Cove , 講述日本人大量屠殺海豚 , 

果陣已經想親身光臨呢個世界聞名既地方 , 

不過一直俾 北海道 佔領晒D配額 , 今次遊覽 和歌山 , 

點都要黎睇一睇 , 試下能否感受到當日既悲壯情景 .

可惜果個海灣長期封閉 , 只能夠在隔離海灘果度影相 .

亦即係下圖既左邊 . (右邊較細既就係正宗 血色海灣)

相片在 Google map 度影落黎 .


果度距離くじらの博物館好近架咋 , 一兩分鐘車程就到 .

不過冇位擺車 , 部車放在附近停車場 , 再徙步行過去 .


過埋條隧道就到 .


呢條路應該係通去右邊海灣果條路 , 我諗落石係假 , 

真正原因係唔想俾外人入去探秘 , 畢竟呢度都辣慶唔小外國人 .


前面就係左邊既海灣 , 當時係黃昏 , 天色較暗 .


落去咯 .


有晒浮波 , 應該冇錯 , 呢度就係 血色海灣 既大灣 .


高高的圍牆 , 地面鋪滿碎石 .


相傳D血水會滲到過黎呢邊 .


可能唔啱季節啦 , 海水相當之清澈 .


呢篇主要在呢個海灣上感受當日既氣氛 .


石上亦都好乾淨 , 完全冇留低任何痕跡 .


好有可能係因為呢度唔係正式案發現場 .


雖然係咁話 , 不過睇周邊紀錄片 , 有好多團體黎過呢度示威 .


就當佢係一個普通海灣黎睇 , 亦都係一個唔錯既海灣 .


起碼岩石夠天然 .


海水亦夠碧綠 , 似足上篇咁樣 .


碎石亦夠幼細 .


人跡亦都罕至 .


平時會唔會有海豚游入黎呢 ?


我諗應該唔會掛 ? 活得不耐煩咩 .


表面平凡既海灣 , 有住不平凡既往事 , 而且仲未完結 .


影埋呢張都差唔多要上番去上面 .


如果有興趣 , 可以上Youtube度睇番The Cove既簡介 .


上番上面 , 未去架 , 黎個居高臨下繼續 .


海灣全景圖 .


日頭已經落晒 , 只剩下餘輝 .


Bye Bye 喇 , 血色海灣 .


警署就在對面 , 有乜爭拗都可以立即支援 .


巴士站 .


如果搭巴士黎 , 記得在 くじらの浜海水浴場 站落車 .


過番隧道往停車場 .


Bye Bye !