2017/07/23

2017北海道及和歌山11天自駕遊D10-2 往難波還車篇




Hello !


上回講到食完個早餐 , 返上房準備執野鬆人 ...

順便影番幾張窗外風景 .  ^_^ !!

今次由左邊掃過去右邊 , 首先係左邊 .


中間 . (距離海邊都幾遠下)


最後係右邊 , 一片山景 , 冇野睇 .


好快就執齊野落大堂櫃檯埋單 , 之前講過 ~ 

呢間旅館係我幫襯過咁多次日本住宿最貴既一晚 .

出到門口 , 影下間旅館既外貌 , 認住佢咯喎 , 佢叫做 : 



邊間房係我住果間呢 ? 唔記得咯 .


有人影緊相 , 1~2~3 ... 笑 ! 攪掂 ~ 


搵番部車 , 擺番D行李上去 , 由於一陣要還車 , 

行李方面盡量簡化 , 唔似得早幾日 , 乜都攤晒出黎 .

雖然車上有D濕 , 不過今日冇落雨之餘 , 仲幾好天添 .


攪掂就出發 . Let's Go , 向 大阪 方向進發 .


見到地上既車影 , 係咪幾好陽光呢 .  ^^


到著予想 P.M.1:35 , 果陣係A.M.9:24 , 仲有幾粒鐘車程 .


上篇講過 , 今日主要目的係返回 大阪難波 還車 , 

冇其他景點可言 , 所以大部份相片都係影停燈位之類 .


有樣唔講大家唔知 , 本來諗住途中兜去 奈良 東大寺 .

不過因為隔涉而告吹 , 所謂留得青山在 , 果度第日再度過啦 .


中途停下便利店歇一歇腳 , 通常都會買小小野 , 順便借廁一用 , 當佢係道の駅 .


攪掂就繼續趕路 .


見到後面有大車隊住 , 如果情況許可 , 會俾佢行先 , 或者轉過另一條線 .


赤目四十八滝 , Check過Google地圖 , 行左一半路程 .


再經過一輪苦戰 , 約莫仲有一粒鐘路程 .


又一個燈位 , 行車時間四個幾鐘 , 同飛機返香港差不多 .


黎到呢度 , 進入大阪範圍 , 還車前 ~ 先入油 .


早日入過一次 , 用左三份一多DD , 

混能車同Mark X既耗油量比 , 相差實在太遠 .


去到附近既油站 , 幫襯ENEOS係慣性收視率 , 冇得解釋 .


入滿丫 ~ 唔該 .


油鎗安裝在天花板 , 地面空間好用D , 醒目 !


入完油 , 在橫街兜一陣就到租車公司 .


轉埋個灣就到 .


就係呢間喇 .


還車果陣 , 發生左一件小插曲 .

就係佢Check完車之後返入去 , 整埋好D單據之餘 , 

仲打左個電話 , 跟住仲將個聽筒俾我 , 起初仲估有乜野事 ?

原來電話裡面係普通話 , 內容話我早過還車時間還車 , 

剩低既時間退番現金俾我 , 叫我簽收番俾佢 , 由於驚我唔識聽日文 , 

所以由普通話同事翻譯 , 中呀 ~ 如果佢講日文 , 我未必聽得明架 .

呢樣野又係佩服得五體投地 , 實在太過均真喇 , 即使佢唔退錢 , 我亦唔會發佢爛渣 , 

皆因早果幾粒鐘還俾佢 , 唔通呢段時間佢仲可以將部車租俾其他人咩 .

退款果度成5000Yen咁滯 , 真係要講句 , 多謝 !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Bye Bye !



沒有留言:

發佈留言

歡迎光臨 , 如果時間許可 , 請留番個言丫 ~