2017/09/29

今日唔知聽日事




Hello !


話都冇咁快又過左兩個多星期 , 都係時候寫番網網誌 , 

Keep住個曝光率 .  ^_^ !!

依家係九月尾 , 就到十月頭 , 正常既情況下 , 應該係搵緊料 , 

準備明年既日本之旅 , 不過今年添左D變數 , 攪到搵料都搵到戰戰競競 .

所有野就要數到上周日同屋企人飲早茶果陣講起 ...

乜都唔駛講住 , 整件燒賣先 , 襯熱呀 . haha ...


講番正題 , 在飲茶期間 , 家人們游說 , 希望我黎緊呢年唔好出門 .

佢地話日本唔係咁安全 , 可能係近排 北韓 連續試射導彈 , 跨越北海道 .

我話 : 去旅行頂多咪十日八日 , 又唔係移民 , 唔怕掛 ?

話雖如此 , 不過老人家既野 , 自有佢一套睇法 , 所以一時之間 , 

我都冇乜野講 , 只係拖延住先 , 話睇下點啦 ,  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

如果係其他人 , 我可能會答 : 扯 ~ 該死唔駛病啦 , 有冇咁邪呀 , 

如果去到果度咁啱食正個導彈 , 咁就死都死得抵啦 .

之但係由屋企人問到 , 答都唔可以企到咁硬 , 因為冇野比屋企人更重要 .

依家唯有照搵住料先 , 希望盡力斡旋 , 我都好想去日本鬆一鬆嘛 .

如果真係去既話 , 今次想去 廣島 果頭 , 即係  宮島 嚴島神社 .

萬一真係去唔成 , 都唔好怪我 , 因為冇人會比我更難過 .  >_< !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講開 該死唔駛病 呢個話題 , 上周五 長沙灣巴士意外 呢單野 , 

的確係好慘 , 果度在我做野既附近 , 以下果幾張相係事發後翌日所影 ,

雖然已經清理好 , 不過依然見到意外既痕跡 , 認真唔講得笑 .

對面就係事發現場 .


一轉燈即刻人來人往 , 影相果陣都未到高峰期 , 仲可以再多人D .


見到冷氣機都撞到變形 . (依家已經搭晒棚維修)


見唔見到地下有D野 ?


仲有D玻璃碎未掃走 .


事發果刻係晚上6:30左右 , 果陣應該係搭緊地鐵 , 離開現場頗遠 , 

之但係果個燈位 , 我都經常會經過 , 正所謂 : 生死有命 , 富貴由天 , 完全唔到你揀 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外 基隆街 13車連環撞果單 , 果度我亦有去開 , 見到新聞片熟口熟面 , 

認真唔老黎 , 有時間既話 , 都會去現場 , 影番幾張事發現場相片 .

好啦 ~ 今晚講住咁多先 .  

Bye Bye !



12 則留言:

  1. 儍啦,而家有乜依郁係全世界一鑊熟!

    回覆刪除
    回覆
    1. 如果要攪掂肥仔金 , 一定要快狠準 , 否則日本 & 南韓都好大鑊 .

      刪除
  2. 蝦餃呀蝦餃燒賣就燒賣啦

    回覆刪除
  3. 今年我 plan plan 下都無咗 mood

    回覆刪除
    回覆
    1. 點解冇mood ? 唔通你又係Plan日本 ?

      刪除
  4. 果條長沙灣道我都有時揸車經過, 不過行得最多就茘枝角道

    回覆刪除
    回覆
    1. 兩條都係高流量馬路 , 小心駕駛 , 安全第一 . =_= !!

      刪除
  5. 回覆
    1. 如果去得成既話 , 今次唔去北海道咯 , 不過未係終極答案黎既 , 可能去都唔定 ,
      暫時未落實 , 一切都係睇下點 .

      刪除
    2. 多謝支持 , 盡力爭取啦 . ^^

      刪除

歡迎光臨 , 如果時間許可 , 請留番個言丫 ~