2017/12/26

生日快樂2017




Hello !


今日係12月26日 拆禮物日 , 亦係我既生日正日 .

尋晚在家中攪左個細細地既生日會 & 聖誕Party ,

同往年一樣 , 叫做圍內人係咁咦聚一聚咁啦 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

生日會既野 , 乜都唔駛講 , 只需要大擦一餐 .

首先黎生日蛋糕一大個 . 


再搭D 帶子 ~ 三文魚 & 壽司 .


仲有好多其他野架 , 不過蛋糕先至係主角 .


開始喇喂 .


第一件 , 當然係生日果位食先啦 , 唔客氣喇 .


話咁快就冇左一半 , 有買就襯手 . haha ...


年年生日願望都係咁上下 , 都唔駛多講 .

來來去去都係果D 身體健康 , 去旅行事事順利 , 世界和平之類 ...

倒不如講下旅遊進度啦 , 首先機票攪掂左啦 , 如果依家先至Book都有位 , 

不過價錢就要多幾個百份點 , 跟住就酒店 , 經過連日既努力 , 

8晚酒店都搵齊 , 之前有冇講過 , 難波 果邊D爆好難搵 , 唔係冇房就係好貴 , 

所以今程都唔住果頭 , 最尾果晚在 神戶 落腳 , 就在 大阪 隔離 , 

唔算好遠 , 果度選擇多好多 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之後係Book車 , 上次咪話Book左不過唔講住既 , 

我都唔係D鍾意收收埋埋既人 , 不如就講埋啦 , 就係Book左部

Honda N-Box , 我諗係相中呢款掛 ? Book呢款車都唔諗住點樣飛車架啦 , 

四國 果度唔似得北海道咁大地方 , 需要用速度黎爭取時間 ,

而呢款車外型夠晒趣緻 , 有D似 Toyota Porte 或者 Spade .

我諗應該唔錯掛 ? 有冇人開過呢款車 , 俾D意見丫 .


攪掂呢幾大類 , 之後果D可以慢慢黎 , 景點方面仲搵緊 .

國際牌下個月先攪 , 日圓屋企仲有剩 , 入mp3落手指都好濕碎 ,

手板眼見功夫 , 最後係唔知天氣如何呢 ?

尋日新聞話北海道有大雪 , 隨時重演上年新千歲事件咁話喎 , 

真係得人驚 .

好 ~ 講住咁多先 , 蛋糕慢慢食 , 手慢就明年請早 . haha ...

Bye Bye !



26 則留言:

  1. 回覆
    1. 多謝晒 ! 第一位喎 , 整番件蛋糕先走丫. ^_^ !!

      刪除
  2. ㊗️小姐🎂快樂😃

    回覆刪除
    回覆
    1. 多謝多謝 , 招呼唔到 , 飲多杯 !

      刪除
  3. man wai 生日大快樂, 啵~~~~~~~~~

    回覆刪除
    回覆
    1. 多謝晒 , 仲有蛋糕剩 , 預埋你架喇 . ^^

      刪除
  4. 祝生日快樂、身體健康、生活愉快!!!!

    回覆刪除
    回覆
    1. 多謝晒 ! 身體健康 , 生活愉快 , 大家咁話啦 . ^_^ !!

      刪除
  5. Man Wai,今年遲咗好多添,日本返嚟病咗成個星期呀!
    雖然遲,都祝你生日快樂,工作順利,開開心心,去多啲日本。

    回覆刪除
    回覆
    1. 唔遲唔遲 ~ 有心唔怕遲嘛 . ^_^ !!
      病咗成個星期咁大劑 , 真係要好好咁保重呀 .
      多謝你既祝福 , 大家都工作順利 , 開開心心 , 去多啲日本 , 仲要身體健康 .

      刪除
  6. 生日快樂丫(遲左少少)~~最緊要大家都身體健康 今年生日既食物都好豐富丫~~~我吾客氣食件生日餅先

    你既行程都差不多準備好啦喎~~我既也差不多了 希望大家都玩得開心D

    回覆刪除
  7. 多謝晒 ~ 大家都生日快樂啦 . ^_^ !!
    年年都差唔多架啦 , 正式係酒微菜薄呀 .
    行程景點未搵齊 , 只係攪掂酒店等地方 , 仲有時間 , 可以慢慢黎 . XD

    回覆刪除
  8. 補祝你生日快樂。

    回覆刪除
    回覆
    1. 多謝晒 , 1733兄 ~ 好耐冇見 . ^_^ !!

      刪除
  9. 回覆
    1. 好 ~ 聖誕快樂之後 , 輪到新年進步 , 新一年大家都搵多D , 兼身體健康 . Yeah !

      刪除
  10. 過幾個月就會多啲時間見架喇

    回覆刪除
    回覆
    1. 韓國都玩自駕遊 , 真係服得你好緊要 , 俾著我就會自然反應行番左線 . haha ...
      不過你去開台灣自駕都係右軑 , 所以會有優勢 , 個英文GPS都好堅下 . ^_^ !!

      刪除
    2. 左面駕駛係要適應既,就只差在何時踏上第一步。

      我估你係台灣自駕都係左軑

      刪除
    3. 係呀 ~ 打錯個右字 , 正式係左右不分 . (好彩只係打字 , 如果係駕駛中就 ...) haha ...

      刪除
  11. 我都好like咁趣緻既車仔架,在韓國都開過兩次類似既車仔,掂架。

    回覆刪除
    回覆
    1. 租呢款車其實係方便在窄路穿插 , 睇過地圖 , 四國好多地方都係單線雙程行車 , 部車太大始終唔多方便 .
      既然你都話掂 , 咁就真係掂呀 . haha ...

      刪除
    2. 車仔細細,遇上泊車位短都泊得到。不過在轉灣前早少少收下油至轉架車就更定好多喇。

      刪除
    3. 多謝通知秘技 . ^^

      刪除

歡迎光臨 , 如果時間許可 , 請留番個言丫 ~