Hello !
兩星期既時間又到 , 今次呢篇叫做 旅遊流程 .
並唔係講行程景點或者路線 , 主要係想講 , 由決定出發至到出門既流程 .
由十月頭開始落實出門之後 , 第一件事就係Check下個護照到期未 ,
呢樣野好多人都唔會咁注重 , 但係又好重要 , 否則臨出發先發現 ,
輕則要做快証 , 重則行程泡湯 , 咁就真係大件事咯 . =_= !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇完護照OK , 仲有3幾年貨仔 , 之後就係搵機票 , 之前講過 ,
機票呢樣野 , 唔買又貴D , 如果度掂既話 , 早買早著 , 我就攪掂左喇 ,
貴就貴啦 , 過年嘛 ~ 係咁架啦 , 唔斬到你一頸血仲等幾時喎 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
之後就係度路線 , 雖然今次諗住沿住海邊繞場一周 ,
不過仲有好多細節位未諗到 , 就正如早幾日在Blog友 Maggie & Kaykie
果度搵到兔島(大久野島) , 心思思想兜埋過去 , 一時又諗不如下次先 ,
今次集中D遊四國 , 一時一樣 , 遲早精神分裂 . haha ...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
再之後就係搵酒店旅館等等 ... 呢樣同度路線一樣啦 ,
花多眼亂 , 不過今年諗住以實際為主 , 房間唔需要太大 ,
更加唔需要房裡面有風呂果隻 , 慳得就慳嘛 , 留番D在食果方面好過啦 .
依家一間都未Book到 , 真係要著緊D至得 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
跟住輪到Book車 , 呢樣就攪掂左 , 今年又玩神秘 ,
唔講係乜野車 , 等返到黎至開估 , 透露些小啦 , 係一部好正既車 . XD
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
之後果D濕碎野 , 慢慢攪都得 , 就好似申請國際牌 ~ 換日圓 .
日圓上次有洗剩 , 所以唔換都得 .
最後係錄D歌落手指度 , 等駕駛途中有歌聽 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
流程大至上係咁啦 , 印齊晒所需A4紙之後 , 到時到候執野出發就OK .
玩得開心D啦 , Yeah !!
Bye Bye !
無 86 唔好返來見我
回覆刪除86 ? 我都好想 , 不過Toyota冇貨 , 可惜 ...
刪除你去幾多日?如果要玩繞場一周,兔島未必夠時間玩喎。
回覆刪除今次頭尾加埋共9日 , 路線仍在編排中 , 尚未落實去唔去兔島 ,
刪除因為去得兔島 , 又會諗埋嚴島神社 , 好難取捨 . XD
得返2個月仲未book酒店﹐四國應該幾多人去
回覆刪除仲有兩晚未決定到 , 應該冇問題 . ^^
刪除