2018/01/31

閉關搵料中 ...




Hello !


Wow ~ 失蹤左足足3個星期冇同大家見面 , 忙乜野 ?

都係忙旅行果D野啦 , 仲有兩個星期多DD就出發 , 

依家搵料搵到如火如荼 , 可惜每晚既時間唔係太多 , 

又要睇電視 , 就好似上個星期三血變大結局 , 精彩呀 !

今晚改做女超人第3季 , 又係非睇不可果隻 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

呢篇只係報個平安 , 一陣又要繼續搵料 , 

頭至第六日既行程已經搵齊 , 仲差3日埋尾 , 應該攪得掂既 , 

放心 ~ 唔會走左去既 , 返到黎一定黎個詳細匯報 .

Bye Bye !


2018/01/09

國際車牌2018




Hello !


上個星期去信運輸署申請國際車牌 , 

話都冇咁快就攪掂寄到 , 同以往一樣 , 都係以掛號方式寄黎 .

信封裡面有車牌一個 , 收條一張 , 同埋申請時所需既身份証/住址証明等 .

年年都係咁上下 , 循例介紹下啦 , 不過相片影得麻麻 .  XD

薄薄地綠色既一本野 .


裡面得幾頁紙 .


通常都唔會留意寫乜 .


主要野都在尾頁 .


包括有相片及地址 , 今次相片用 友田彩也香 代替 .  ^^


攪掂埋國際車牌 , 其餘都攪得八八九九 .

有機會再講過 .

Bye Bye !



2018/01/01

2018四國遊 (入選酒店名單)




Hello !


今日係一月一日(星期一)公眾假期 .

正式踏入2018年 , 首先祝大家新年進步 , 身體健康 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

上篇曾經講過 , 黎緊農曆年行程 , 酒店已經搵齊 , 呢篇就介紹一下 , 

入選酒店名單 , 講開搵酒店 , 不得不提 四國 呢度既酒店價格 ,

比 北海道 平D , 有D一泊二食Plan , 6-7仟Yen都有 , 認真抵玩 .

而我要搵既酒店 , 不外乎需要幾大項目 , 第一係配合路線啦 , 

跟住係包早晚兩餐 , 同埋要有溫泉浸 , 最好就停車場免費 , 

乎合呢幾樣先再作篩選 , 結果搵到以下呢八間酒店 , 

九日行程八晚酒店 , Fit晒 !  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


揀呢間係因為要就番個 室戶岬 , 想試下住果度附近 .


呢間個網頁做得好靚 , 溫泉亦唔差 , 最重要在 足摺岬 附近 . 


呢間就冇晚餐 , 不過6300Yen , 勝在夠平 .


呢間7128Yen包兩餐 , 可惜冇溫泉 , 不過附近有錢湯搭夠 .


呢間就犀利喇 , 包兩餐之餘 , 仲有個靚靚溫泉 , 收費都係6960Yen , 

簡直係物超所值 , 去邊度搵丫 . haha ...


呢間個網頁又係做得好鬼正 , 價錢亦係全程最貴 , 11000Yen .

呢個價錢如果在 北海道 , 只屬未入流 . =_= !!


呢間又係7380Yen包兩餐一浸 , 抵玩到呢 .


呢間離開左 四國 , 在 神戶 附近 , 行程尾聲 , 希望住番在 大阪 周邊 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 8晚酒店就講齊 , 住完之後再同大家詳細匯報 ,

依家仲要搵埋餘下景點資料 .

Bye Bye !