2018四國遊 (入選酒店名單)

Hello !

今日係一月一日(星期一)公眾假期 .

正式踏入2018年 , 首先祝大家新年進步 , 身體健康 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

上篇曾經講過 , 黎緊農曆年行程 , 酒店已經搵齊 , 呢篇就介紹一下 , 

入選酒店名單 , 講開搵酒店 , 不得不提 四國 呢度既酒店價格 ,

比 北海道 平D , 有D一泊二食Plan , 6-7仟Yen都有 , 認真抵玩 .

而我要搵既酒店 , 不外乎需要幾大項目 , 第一係配合路線啦 , 

跟住係包早晚兩餐 , 同埋要有溫泉浸 , 最好就停車場免費 , 

乎合呢幾樣先再作篩選 , 結果搵到以下呢八間酒店 , 

九日行程八晚酒店 , Fit晒 !  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

No : 1 室戸岬 最御崎寺 へんろセンター

揀呢間係因為要就番個 室戶岬 , 想試下住果度附近 .

No : 2 四国最南端 絶景リゾートホテル 足摺テルメ

呢間個網頁做得好靚 , 溫泉亦唔差 , 最重要在 足摺岬 附近 . 

No : 3 宇和島第一ホテル

呢間就冇晚餐 , 不過6300Yen , 勝在夠平 .

No. 4 八幡浜センチュリーホテル イトー

呢間7128Yen包兩餐 , 可惜冇溫泉 , 不過附近有錢湯搭夠 .

No : 5 ホテル泰平

呢間就犀利喇 , 包兩餐之餘 , 仲有個靚靚溫泉 , 收費都係6960Yen , 

簡直係物超所值 , 去邊度搵丫 . haha ...

No : 6 休暇村 瀬戸内東予

呢間個網頁又係做得好鬼正 , 價錢亦係全程最貴 , 11000Yen .

呢個價錢如果在 北海道 , 只屬未入流 . =_= !!

No : 7 サンロイヤルホテル

呢間又係7380Yen包兩餐一浸 , 抵玩到呢 .

No : 8 しあわせの村

呢間離開左 四國 , 在 神戶 附近 , 行程尾聲 , 希望住番在 大阪 周邊 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 8晚酒店就講齊 , 住完之後再同大家詳細匯報 ,

依家仲要搵埋餘下景點資料 .

Bye Bye !