Hello !
上回講到由機場揸左兩粒幾鐘車 , 終於到達 鳴門 呢度 ...
襯有D時間 , 不如講下通宵車既心路歷程丫 . (雖然今次只係半通宵)
我個人認為 , 作為自駕遊之友 , 起碼都要試一次通宵駕駛 ,
因為日頭同深夜既道路 , 完全係兩回事 , 日頭雖然唔算太多車 ,
但係點都會有番D , 之但係一到深夜 , 尤其高速公路 , 成條路自己行晒 ,
夠晒心曠神怡 , 果種痛快之處 , 日頭駕駛好難會領略得到 .
之不偶爾都會有車從後而上 , 由於我係公路最慢 , 只要倒後鏡見到有燈 ,
好快佢地就會過我頭 , 班友好似食錯藥咁 , 在公路上演頭文字D , haha ...
不過我行慢線 , 快線俾晒佢地 , 基本上冇乜抵觸 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好 ~ 講完就繼續行程 , 到達停車場之後 , 第一件事係食早餐 ,
之前在LAWSON買既補給品 , 就係三文治&午後之紅茶 , 上篇講過 , 出面風大 ,
所以在後座慢慢食 , 都唔記得影相添 , 遲D啦 ~ 仲有好幾餐要在後座食 ,
食完就開工 , 落車視察下周邊環境先 .
鳴門大舊石 .
鳴門山 ~ 一陣先至上去 .
依家停在右邊紅色既現在地 , 攪掂呢Part會過PPP停車場 .
店舖尚未開工 , 當然啦 , 果陣係 06:50 , 邊有咁早開 .
渦之道 ~ 右手邊行120M , 09:00開門 , 搭完船先過去都未遲 .
在北海道果陣 , 經過見D舖頭拉晒閘 , 估唔到呢度都係 . XD
呢度叫做 千畳敷 都有D名不符實 , 叫得做 千畳敷 , 起碼都要有D層層疊岩石丫 .
呢度唔見有岩石 , 招牌倒有唔小 , 呢塊係其中之一 .
皇太子殿下御台臨地 . 堅呀 !
周邊觀光案內圖 .
黎多舊大舊石 .
團體相長凳 , 後面係大橋 , 氣勢十足 .
鳴門大橋 . 當時尚未日出 , 下篇啦 ~ 有日出相睇 .
呢個位都睇到漩渦 , 不過遠左小小 .
相ヶ浜 ~ 左手邊落去 .
潮風鯛丼 , 好出名架 , 可惜今程無緣一試 .
大橋連接位 , D車行過都聽到聲 , 勁 !
又一張案內圖 .
前面有個展望位 .
金黃色既海岸 , 開始日出喇 .
右邊係千畳敷 , 左邊自然係相ヶ浜 .
今晚講住咁多先 , 聽晚見 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~