Hello !
上回講到在 室戶岬山頂展望台 停車場玩貓 ,
玩到依依不捨之下離開 , 往下面旅館Check in .
攪掂晒簡單既入住手續就上房 , 介紹完房間後就去食飯 .
今晚旅館平平地 , 房間都冇乜突破 , 正式係一眼睇晒 ,
順便講埋 , 一泊二食連啤酒 , 7500Yen .
首先介紹大床一張 .
牆邊係掛衫架 , 窗外街景欠奉 , 呢樣聽朝先介紹 .
水煲 & 茶杯 .
電話 & 電視 , 仲有檯燈 .
鎖匙一條 , 305號房 .
車匙一條 , 依家D車轉晒Keyless , 好耐冇見過真車匙咯 .
鎖車果陣按車門粒掣 , 完全唔駛拎車匙出黎 .
簡簡單單就介紹完 , 洗手間在房外 , 食完飯再介紹過 .
落到下面 , 飯菜已經準備好 , 加多幾味就食得 ,
午餐淨係食左件三文治 , 家陣鬼死咁肚餓 .
呢間旅館叫做 : 室戶山明星院 最御崎寺 .
白飯一大兜 , 勁呀 !
雜菜窩一個 , 有魚有肉 , 簡單得黎好味 .
拉麵一碗 , 都係倒埋落個窩裡面好食D .
醬油魚 .
蝦 & 炸物 .
刺身幾片 .
咁高興 , 梗係要啤啤佢啦 .
另外一點鐘方向果度有部電視 , 可以邊睇邊食 , 果陣做緊新聞 ,
講北海道地區落大雪 , D雪大到呢 , 好彩冇去咋 ,
否則要捱 "明日之後" 式既大雪 , 去到都冇意思 .
攪掂 ~ 終於都清晒 , 識得我既人都知 ,
我份人一向有衣食 , 除非勁難食 , 否則正常既情況下 , 都會碟碟同佢清晒 ,
浪費率小於5% , 所以果餐都幾飽下 . ^^
食完返上房 , 介紹埋個洗手間 .
呢間係一個套房 , 即係三間房共用一個洗手間 , 不過全程都冇見過其他人出現 ,
好有可能淨係我住果間房出租 , 所以即係我一個人用晒 .
房間內 土足禁止 , 對面放鞋架 , 換拖鞋入房 .
男女廁 .
洗手盆 & 鏡 .
浴缸 .
日式坐浴花灑 .
睇多陣電視之後 , 諗住落去浸溫泉 , 點知收左檔 ,
呢度係寺院地帶 , 基本上D人都好早瞓 , 所以大堂都熄晒燈 .
算啦 ~ 反正今日磨足全日 , 我都有D攰 , 正所謂入鄉隨俗 ,
我都早D瞓 , 沖完個涼再睇多陣電視就瞓覺 .
Bye Bye !
第1日完
沒有留言:
發佈留言
歡迎光臨 , 如果時間許可 , 請留番個言丫 ~