2018/05/17

2018四國9天自駕遊D2-16 絶景リゾートホテル房間篇




Hello !


上回講到參觀完 坂本龍馬像 , 本來諗住去下一個景點 .

點不知行左冇耐 , 有警員封路 , 諗住兜下一個街口行 ,

行多一陣又係有警員駐守 , 即係話封路範圍甚廣 ,

跟住駛埋一邊落車問佢 , 話我想去 絶景リゾートホテル喎 , 點先 ?

佢話駛遠小小之後 , 再重新Set過GPS , 就會帶你行過條新路線 ,

於是乎跟佢所講既方法一試 , 都係唔多work , 試過好多次 ,

次次佢都會帶返我去封路地帶 , 我諗除非兜個勁遠既山頭 ,

否則點都係要經過佢既封路地帶 , 我再問佢封路封到幾時 ?

佢話下午四時全線通車 , 果陣大約係下午三時左右 , 冇辦法之下唯有等佢通車 ,

一個鐘好快過啫 , 不過打後既行程就冇咯 , 因為由果度直去旅館 ,

車程接近三個鐘 , 度行程果陣 , 我預埋四萬十市 , 但係就算唔係封路 ,

都冇時間去果度 , 度行程經常都係咁架啦 , 眼闊肚窄 .  XD

好彩 ~ 果一粒鐘時間用黎捉精靈 , 打下機都好快過 , 夠鐘就開車 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

起初都唔知佢有乜祭典攪到要封路 , 返到黎Check下 ,

原來係 高知龍馬マラソン (馬拉松) , 真係俾佢玩殘 .


為左追返D時間 , 冇辦法唔開快小小 . (不過部車仔想快都快唔黎)


去到旅館個天都黑齊 , 雖然夜車都唔係乜野陌生既事 ,

不過如非必要 , 我都唔係咁想揸夜車 , 街上有D地方有燈 ,

有D靠晒車頭燈 , 攪到心慌慌 .  ^_^ !!

拍左段短片 , 有時間可以睇下 .


去到旅館 , 即刻辦理入住手續 , 跟住拎齊行李上房 ,

順便講埋 , 今晚旅館全名叫做 : 四国最南端 絶景リゾートホテル 足摺テルメ

一泊二食加埋一陣晚餐啤酒 , 埋單合計 10670Yen

講開呢間房就堅喇 , 去過咁多次日本 , 都係第一次遇到勁得咁交關 ,

邊一方面勁 , 睇埋落去啦 .  ^^

首先介紹 , 大床及坐位 .


之後都係老規矩 , 四個角影齊佢 .


兩張床 , 揀左近窗果張 .


間房夠晒大 , 攤開個篋都完全冇難度 .


走廊 ~ 洗手間在左邊 .


鏡 & 洗手盆 .


隔離先係正式洗手間 , 一應俱全 .


燈 & 鏡 , 同埋洗頭水之類 .


出番黎再影 , 電視機一部 .


茶包 ~ 水煲 ~ 杯 .


頭先講間房點勁點勁 , 依家開估 , 出面就係 ...


一個勁大露台 , 同間房Size一樣 .


分體式冷氣機 .


果陣都仲涼涼地 , 出黎夜觀天象就啱晒 , 

到夏天BBQ或者開檯麻雀都仲夠位 . haha ...


呢張相係伸隻手影過隔離房 , 好彩冇人見到 .  XD


好 ~ 攪掂就落去食晚餐 .

Bye Bye !



10 則留言:

  1. 咁黑睇唔到外面風景,有冇影日景相呀!好想睇下個大露台係點勁法😀

    回覆刪除
    回覆
    1. 兩位請放心 , 遲D會有露台日景相 , 只可惜當日落雨 , 只係影左三幾張 . =_= !!

      刪除
  2. 夜媽媽開車,好彩唔係單線雙程啫。

    回覆刪除
    回覆
    1. 所以我好佩服man wai, 我哋係盡量唔會開夜車。

      刪除
    2. 單線雙程多數發生在景點路線 , 好小會係去旅館路程 , 不過即使有 , 都唔係咁邪有對頭車掛 ? haha ...
      另外多謝 Maggie, Kaykie 既佩服 , 今次夜車都係焗住 , 我都唔想 , 封路攪晏晒 , 無奈 .

      刪除
    3. Maggie, 如果要開夜車, 我個司機會日鵝夜鵝都似

      刪除
    4. 日鵝夜鵝 ? 鵝D乜野 ?

      刪除
    5. 好多嘢, 應該係有幾危險等等...等等..., 總之好鬼煩啦~

      刪除
    6. 哦 ~ 算啦 , 都係小心駛得萬年船之類 . XD

      刪除

歡迎光臨 , 如果時間許可 , 請留番個言丫 ~