2018/07/31

2018四國9天自駕遊D4-15完 房間/晚餐/溫泉篇




Hello !


上回講到參觀完 王子の森公園 既火車頭 ,

亦都完成晒今日既行程 , 都係時候往旅館 Check in .

(加上被影快相後 , 心情欠佳 , 所以都係早D往旅館食飯)


屬於平價旅館 , 一泊二食都只不過係 7128Yen , 

由於聽朝要晨早出發往 貓島 碼頭 , 所以自動放棄當日早餐 .

另外呢間旅館冇溫泉附設 , 要行幾條街往錢湯之類 , 

所以如果有興趣住呢度 , 呢樣就要注意 .

辦妥簡單既入住手續之後就上房 , 今次是但執幾樣野就OK , 

唔駛成個篋拖上去 , 房間號碼 : 607 , 入住請敲門 .  ^^

(網上有人話入房前先敲門 , 記憶中我從未試過敲門 , 好彩冇事發生)


簡單地介紹一下間房 , 首先大床一張 .


裡面影出大門 .

(順便講埋 , 聽朝都冇影到街景 , 除左太趕時間之外 , 

實情係我出門果陣天都未光 , 所以影黎都無謂)


檯燈 ~ 電視 ~ 雪櫃 ~ 水煲等應該有既野 .


牆身有大鏡一塊 .


輪到浴室 .


洗手盆 & 馬桶 .


毛巾架 , 四方果舊野 , 如果冇估錯 , 應該係風筒掛 ?

不過都冇深究佢 , 因為興趣不大 .  XD


浴缸 .


晚餐係在房間裡攪掂 , 都唔係第一次咯 , 不過通常都係發生在溫泉旅館 , 

好小普通房係咁 , 在房裡食晚餐都有辣有唔辣 , 好既就係一定有電視睇 , 

唔好既就係缺乏左熱鬧既氣氛 , 試過某次在溫泉旅館 , 各食客一齊睇同一個節目 , 

睇到依依不捨先至上房 , 正式係齊齊開心 , 感覺都幾特別 ,

又試過在 青森 果次 , 有當地旅客飲清酒 , 我就飲啤酒 , 大家交換黎試飲 ,

感覺又係一流 , 呢D在房裡食就永遠都Feel唔到 .


又係簡單地介紹今晚食乜送 , 首先係菜單一張 .


白飯一大兜 .


綠茶一杯 .


麵豉湯類 .


生魚片 .


漬物 .


又係漬物類 . 

(可能係燈光不足 , 相片質素麻麻 , 請見諒)


食完之後就係每晚既重頭節目 ~ 浸溫泉 .

之前講過旅館冇溫泉 , 要到附近既錢湯 , 搵料時搵到呢間叫做 :


睇地圖果陣又唔覺得遠 , 行落就知其實都幾遠 , 

尤其係唔熟路 , 行極都好似未到咁 , 早知駛埋部車黎 , 橫掂有停車場 .

結果拎埋部手機邊行邊用Google map帶路 , 

有時在香港 , 都會用手機搵路 , 不過香港地主場 , 點唔識路都會有個概念 , 

之但係呢度 , 完全靠晒佢 , 加上夜媽媽 , 條街黑me蚊咁 , 都幾得入驚 .

行行重行行 , 終於到達 .


入去咯 .


日式擺設 .


入到去首先係搵個Locker擺鞋 .


搵個幸運號碼先 .


之後就買飛交俾櫃檯 , 入浴料金 , 大人550Yen .

入到去就自便 , 溫泉守則都熟晒架啦 , 唔駛多講 .


呢個就係休息空間 , 擺杯野飲睇電視 , 放鬆D個人 .


攪掂上車走得 ...

都冇開車黎 , 要行路返旅館 , 慢慢行啦 .  =_= !!


聽朝要早起身 , 返到房都冇睇電視 , 梳洗過後就瞓覺 .

第4日完 .

Bye Bye !



2018/07/27

2018四國9天自駕遊D4-14 王子の森公園篇




Hello !


上回講到參觀完 八幡浜みなっと , 

再參觀多個景點就往旅館Check in , 就近近地既 王子の森公園 .

幾個街口就到 , 門口有無料停車位 .


入場規則 ?


一入場 , 見到特大蟻丘一個 . 


隔離有繩網 .


攀爬架 , 都係D公園應該有既野 .


但係左手邊呢舊就唔係公園應該有 .


火車頭一輛 , 講起火車頭 , 不得不提 愛国駅・幸福駅 .


而呢個火車頭 , 應該係屬於蒸汽火車 .


以車身黎睇 , 都有番相當歷史 .


編號 79642


其實呢句日文係乜野意思呢 ? 敬請不吝賜教 .


機械部份真係好殘舊 .


外殼亦唔見得新淨喎 . (擺露天 , 係咁架喇)


車尾部份 .


繞場一周咁影 .


呢個角度充滿 銀河鐵路999 Feel .


最後一張 .


下一站都往旅館 , 洗手間去唔去都得 .


Bye Bye !



2018/07/26

2018四國9天自駕遊D4-13 八幡浜みなっと篇




Hello !


上回講到俾人影完快相之後 , 收埋張告票 .

乜野心情都冇晒之下 , 折返 八幡浜 , 去到 道の駅 再喘定 .

八幡浜みなっと 停車場 .


停車場背山面海 , 幾好環境喎 , 仲大排位任泊 .


中心市街地案內圖 .


現在地 ~ 隔離就係 八幡浜港 .


最底果行 i 字 , 就係交流館 , 亦即係旅遊中心 .


果陣時間係P.M.5:14 , Check in 又早得滯 , 唯有在附近四圍參觀 .


觀光案內所 .


有間 Cafe , 或者可以飲杯Coffee .


懷舊照片 .


商店 ~ 相信都係賣D土產野 .


過小小有間 どーや市場 , 內有海鮮BBQ .


受付時間 : 10:30--13:30 , 過晒廟啦 .


個 Feel 有D似 厚岸 燒蠔果度 .


轉番出黎睇街景 .


宇和島 左手邊行 , 講開 宇和島市 , 早排既大雨 , 

果度都好似係災區 , D雨大到得人驚 .


參觀完畢 , 連場大戰 , 都要入番D油 .


入滿丫 ~ 唔該 .


油鎗藍色既 ? レギュラー 唔係用紅色黎代表既咩 ?


中間係藍色 , 咁都定D .  XD


盛惠 2384Yen . 多謝晒 .

Bye Bye !