2018/11/20

2018四國9天自駕遊 後記與近況




Hello !


今次四國9天自駕遊之旅遊記 , 

由2月尾寫到11月中先至結束 , 幾近9個月時間 , 都咪話唔誇張 .

怪就怪途中既節目太多 , 包括有世界盃賽事 , 劇集延禧攻略 , 

(仲有其他劇集) , 兼且一到英超賽季 , 星期六 & 日都休息 ,

即係話一周只有五篇稿出 , 而我D遊記一向都係有咁長拖咁長 , 

就今次已經寫左125篇 , 如果有網友睇足每一篇既話 ,

真係要頒個忠實支持者獎過佢至得 , 總之就係多謝支持啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外 3J家庭 早日問 : 無聽過你出年嘅大計 , 唔去 ?

呢個問題亦都係呢篇既重點 , 冇錯 ~ 出年真係想停一停 , 抖一抖 .

點解有呢種諗法呢 ? 皆因今個年頭裡 , 日本都發生左好幾單大鑊野 , 

分別有颱風 ~ 地震及暴雨 , 就7月份果陣 , 九州&四國都有暴雨 , 

睇新聞片四國果度咪我年頭去過既地方 ? 如果係當時發生咪大鑊 .

跟住同樣係7月份 , 伊豆果邊有個颱風12號 , 還記得睇新聞片 , 

有間酒店在海邊 , D浪打落塊巨型玻璃度 , 冇耐就大爆裂 , 

海水湧入大廳 , 食緊自助晚餐D人走都走唔切 , 非常狼狽 .

仲有大阪 , 分別經過颱風及地震 , 機場海水倒灌 , 

條橋俾大船撞散一部份 , 依家唔知整番好未 ?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

加上北海道發生地震 , 大幅泥土崩塌 , 土地液化 ...

結論就係日本好似好危險 , 所以先至有停一停呢種諗法 .

如果現階段問我明年出唔出門 , 我會答唔會咯 .

不過世事無絕對 , 話亦不宜說盡 , 或者遲D又想出發都唔定 .

如果有新消息 , 會盡快對外公佈 .

Bye Bye !

咦 ~ 呢篇似近況多過後記喎 .  XD



2018/11/13

2018四國9天自駕遊D9-4完 回港結局篇




Hello !


上回講到搭的士去 スパワールド世界の大温泉

轉眼就浸完出番黎 , 其實今次時間唔係好夠 , 浸得唔夠盡興 , 

若然時間充裕的話 , 浸下休息下 , 食埋飯 , 又浸又休息 , 

真係玩足一日都唔過份 . 搵日啦 ~ 始終都要試一試 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

向住 通天閣 方向行 .


本來想在呢度食晚餐 , 不過都係返回 難波 果頭先啦 .


又係搭的士 .


好快就返到 南海難波站 , 車費又係1000Yen找番些小 .


依家先去食晚餐 , 攪掂至取回行李 .

路上都禁煙 , 唔知香港要幾多佰年之後先至跟得上 .  =_= !!


2025年國際博覽會 , 大阪/ 關西見 .

咁快就起定D場館 ?


晚餐一早揀好 , 就係金龍拉麵 , 鱆魚波+啤酒就第日先 .


交飛之後搵定個靚位 , 然後等叫號碼 .


臨別秋波 , 整個大碗900Yen果隻 , 泡菜自己夾 , 不另收費 .


食完出番黎 , 開始入夜 , 街燈都著晒 .


過對面馬場拎番件行李 , 準備出機場 .


HOTEL ICHIEI , 唔該晒 , 冇你都唔知點算 .


500Yen , 抵俾你賺 .


去到車站 , 買飛入閘 , 往機場920Yen .


去到9號月台 , 又諗起一件往事 .


幾乎次次黎都會諗起呢件遺失相機事件 , 如果有興趣 , 可以Click入呢度睇番 .

事件A          事件B         事件C


6號月台 , 18:38 空港急行 , 關西空港 .


終於等到有車埋站 .


車廂裡 , 大家都目無表情 , 包括我都係 .  XD


大約40分鐘車程 , 黎到機場站 .


搵番 T2 方向 , 即係日航酒店果邊 .


見番租車果個舖位 .


再搭接駁巴士 .


攪掂完一輪出境手續 , 等候登機中 .


Gate 86 , 香港 .


再排隊 .


上機中 .


今次揀較前位置 , 歸心似箭嘛 .  ^^


經過數小時機程之後 , 到達香港機場 , 再一輪入境手續之後 , 

在行李輸送帶等候中 .


拎番件行李之後 , 已經係夜深 , 機鐵都收晒工 , 

焗住搭的士回家 , 車費 $279.00 貴呀 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

為期九日既 四國自駕遊之旅 , 正式結束 , 多謝收睇 .

Bye Bye !



2018/11/12

2018四國9天自駕遊D9-3 スパワールド世界の大温泉篇




Hello !


上回講到食完壽司之後 , 行過去 黑門市場 .

其實過黎呢邊 , 只不過係為參觀而參觀 , 因為剛食完飯 , 

已經再冇空間食野 , 唯有當係散步咁啦 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

呢度見到香港人既機會十分之高 , 久唔久就會聽到廣東話 .


寫住 三重 , 唔通係由 三重縣 運過黎 ? 


BBQ ~ 正呀 .


刺身用生牡蠣 1000Yen . 


蟹腳 .


又一檔 , D款式都係差唔多 .


生魚片 .


很好吃 ~ 2000Yen一碟 , 唔貴丫 .


中文加韓文對照 , 唔怕你睇唔明 .


一盒盒咁 , 吸引到呢 .


鮪 .


仲有牛肉鐵板燒 , 呢度落單過隔離即燒 .


如果唔係食左野 , 我都想整番碟 .


好喇 ~ 參觀完畢 , 黑門市場都黎過好幾次 , 係咁咦介紹就OK .

做番D正經野 , 同往常一樣 , 都係搭的士 .




次次都係俾部手機個司機睇呢張相就明晒 .

黎真 通天閣 日文點講我都冇研究過 .


好快就到步 , 車費約莫1000Yen .


通天閣底部圖案 .


目的地就係盡頭果座建築物 .


日本一の串かつ横綱 , 睇過佢網頁 , D野食又係好正 .


大船做招牌 , 誇張到不得了 .  ^^


人力車 .


我個人認為 , 呢條街果種Feel最能夠代表到日本既熱鬧氣氛 .


尤其係夜晚著晒燈果陣 .


講多兩講就到步 , 上埋條樓梯就係 .


入去咯 .


呢度都幫襯過好幾次 , 如果想睇番詳細篇 , 


Bye Bye !