2020/01/26

2020年度自助餐




Hello !


今日係大年初二 , 如果係正常情況 , 應該就出左門 , 

可惜去唔成旅行 , 唯有留港消費啦 , 不過講開又講 , 依家既疫情 , 

去到其他國家都未必受歡迎 , 正式係陰差陽錯 . 

點都好啦 , 希望呢個疫情快D消失 , 因為淨係反修例風波 , 

已經攪到香港既市道雞毛鴨血 , 正式係黃台之瓜 , 何堪再摘 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而亦襯住今日假期 , 同屋企人出去食自助餐 , 

地點係佐敦既新樂酒店二樓 , 屬於唔係太高級果隻 , 

不過食物亦都尚算豐富 , 如果要求唔係太高 , 可以考慮幫襯下 .

由於畢竟都係年初二 , 入座率極高之餘 , 甚至可以用高朋滿座黎形容 , 

而食客之間既恭喜發財之聲不絕於耳 , 可能係平時冇乜點見既親戚 , 

約埋出黎食番餐自助餐聚一聚佢啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

乜都唔駛講 , 即刻介紹食物 , 由於現場人數頗多 , 所以拎左野食先 , 

一陣等人小D先至影周邊環境 , 順便一提 , 以下登出所拎既野食同埋佢提供既食物 , 

只係一部份 , 仲有好多冇影出黎 , 千祈唔好用本篇網誌來釐訂幫唔幫襯佢 .

第一轉 , 白焯蝦做主角 .


跟住三文魚 .


第三轉 , 生炒骨 .


之後仲有好多轉 , 到左中場 , 轉食甜品 .

有格仔餅之餘 , 仲有方包 , 加花生醬牛油等 , 唔錯架 .


去到臨尾時段 , 個個都散晒功 , 係時候出黎影下周邊環境 , 

一排七個主菜盆 , 當然唔止啦 , 後面仲有架 .


就在對面仲有一行 .


呢個位提供三文魚 , 左手邊有切牛肉 .


格仔餅出口 , 旁邊果兜花生醬 , 我最欣賞 , 正 !


雜菜沙律 .


蝦及貝殼類 .


飲品類 .


麵包類 , 記得擺落部機叮一叮佢 .


蛋糕櫃 , 隔離有雪糕 .


好 ~ 就介紹住咁多先 . 

其實呢餐最主要都係同屋企人傾下閒偈 , 

邊食邊傾 , 講D平時在家裡唔會講既野 , 總之就八八卦卦 , 乜都傾得一餐 , 

感覺唔錯架 , 如果有時間 , 大家都試下同屋企人出街食番餐自助餐 , 

可能會有所領會 , 甚至重新認識過屋企人 .

(咁講又好似誇張左D)

Bye Bye !