稻香 ~ 波士頓龍蝦伊麵

 

Hello !

今次呢篇唔知算係食評還是廣告 , 點都好 ~ 食左先至講啦 . haha ...

星期六果日 , 睇報紙見到稻香廣告 , D野睇落唔錯咁喎 , 尤其係個波士頓龍蝦伊麵 , 

78蚊一份又唔算太貴 , 呢排食飯盒食到人都癲左 , 而咁啱屋企附近有間稻香 , 

一於收工時去整番份試一試佢 .  ^_^ !!

去到佢舖頭 , 見到幾個人在排隊 , 証明好野自然受歡迎 . 

定抑或係大家食飯盒都食到厭 ?

舖頭宣傳海報 , 同報紙廣告一樣 .

除左主角伊麵之外 , 仲有其他野 . 嘩 ! 今日我最抵 .

波士頓龍蝦 , 開晒邊黎蒸 .

其他菜式 , 包括有生炒骨 , 茄子 , 花生豬手等等 ...

隔離有肉鬆四季豆 , 豉油雞 .

買到返屋企 , 即刻開餐 , 襯熱喇喂 .

呢味波士頓龍蝦伊麵 , 多數都係一家人上酒樓食晚餐時食 , 仲要轉為芝士 , 

今次一個人食一份 , 要清晒都幾飽 , 不過慢慢食 , 始終都食得晒 .

而且味道亦都OK , 值得一讚 , 唔知長做定係期間限定呢 ?

如果仲有既話 , 過多幾日N歌都好喎 .  XD

Bye Bye !

突發 ! 元州街唐樓大火

Hello !

突發新聞呢樣野 , 好耐未做過 , 因為呢D野 , 可遇不可求 , 

剛好今日就遇到單 , 所以順手整番篇 .

話說今日放飯時 , 途經南昌街 , 見到遠處有烏雲 , 以為就黎落雨 , 

心諗 : 冇帶遮出黎喎 , 駛唔駛返轉頭拎 ? 之但係烏雲冇理由咁低 , 

再睇真D , 烏雲由右至左咁飄 , 再加上有街坊眼望望 , 一定有事發生 .

於是乎向源頭進發 , 越行得近就越有陣燒膠味 , 肯定係火燭 .

未轉灣 , 已經見到街坊在恭候 .

個個拎定電話 , 正式係全民記者 .

一轉灣就見到水柱 , 消防員做野 !!

到達目的地 , 街坊們議論紛紛 .

再行近小小影 .

有警員駐守事發現場 .

火光紅紅 , 新聞話燒到冷氣機都跌落街 .

題外話 , 元朗冰室既炸雞脾下午茶餐好正 , 

有機會不妨一試 , 不過唔知今次有冇波及到 ?

無耐之後 , 警察趕人 , 佢地話 : 油站黎架 , 行開D喇喂 , 聽日睇報紙啦 .

黎到呢度先至停 , 街坊們有理冇理繼續影 .

不久 , 黑煙轉為白煙 , 火勢受到控制 .

輪到我黎影街坊 , 呢邊係南昌街八仙餅家果頭 .

向右小小 , 遠處係明星金閣及惠康 .

再右多小小就係現場 , 仍在救火中 .

Shell油站 .

前恆生銀行 .

遠處係石峽尾邨 .

攪掂 , 報導完畢 , 之後去食午餐 .

Bye Bye !

我的口罩 (存貨量)

Hello !

近排既日子 , 相信大家都唔會好過得去邊 , 

日日都過佰人中招 , 在新聞度見到有確診者大廈名單 , 

心諗 : 好彩 ~ 唔係我住果座樓啫 ．．．

點不知 , 呢個世界永遠都係咁邪 , 就在日前 , 我住果座大廈就有確診者 , 

真係好既唔靈醜既靈呀 .   >_< !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今次既話題 , 並唔係生意唔好呀 , 雪上加霜之類 , 

因為果D就梗架啦 , 唔駛再多加解釋 .

而想講既係口罩及存貨量 , 早在疫情初期 , 即係一罩難求果陣 , 

托各界人士既支持 , 總算唔駛冇罩用 , 果陣真係好誇張架 , 

又話天價一盒仲要預訂之餘 , 有D衰到係騙案添 .

由於真係咁難求 , 最差果陣我試過一個口罩用兩日半 , 

(真係唔建議大家咁做 , 唔衛生兼且臭到自己都頂唔順 . haha ... )

再之後供應稍為穩定 , 市面上280.00一盒叫做良心價 , 跟住至到依家市面大量返貨 , 

最平既50.00一盒 , 買兩盒90.00都見唔小 .

呢段期間我見到合心水既都會買 , 最高峰期有成10盒在家裡 , 

跟住介紹下我既口罩存貨 , 同大家交流一番 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

依家剩番6盒 , 全部都唔同牌子 .

有D獨立包裝 , 有D就50個一大袋咁 .

通常開封之後 , 搵個大膠盒放晒落去 .

出門時拎一個戴上就OK , 平均一日用一個 , 另外放D獨立包裝既在袋裡 , 

整污糟左就即換 , 依家大把貨 , 唔駛太過慳住黎用 .

同場加映 , 政府銅心口罩 , 

呢個話可以洗60次 , 不過有人話似底褲花紋 , 

所以從未用過 , 拎黎做紀念居多 .

最後係政府送一次性口罩 .

一包10個 , 有時間都可以一用 .

好 ~ 講住咁多先 , 第日有話題再講過 .

盡量唔好幾個月先至出一篇啦 .

Bye Bye !