2021/12/24

生日快樂2021



Hello !


一年一度 , 今日又黎到生日會喇 , 循例講聲唔好意思 , 

上篇網誌距離至今 , 已經7個多月 , 呢段時間荒廢左呢個網誌 , 真係冇辦法 .

願望就食完先講 , 依家介紹左個蛋糕先 .  ^_^ !!

普通雜果蛋糕一個 .


先切份大既 . (幾近四份之一)  haha ...


呢份我既 .


蛋糕既士多啤梨 , 一定係酸既 .  >_< !!


加埋盒菊花茶 , 正 !!


黎個大合照 , 其他果D自便啦 .


食完就講生日願望及其他野 , 願望就大眾願望啦 , 

身體健康 & 疫情早日退散果D大路野 ,   =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之後就講呢排去左邊 , 其實冇乜去邊度 , 只不過係無心戀戰 .

以前成日望去日本 , 四圍搵料之餘 , 又寫下去邊度邊度 , 依家0出門 .

都冇乜心機寫落去 , 打後既日子 , 相信都係久唔久寫一篇半篇 ,

實在係冇辦法之中既辦法 , 呢個疫情沒完沒了咁玩落去 , 真係冇佢符 . 

我要下個月先至夠6個月打第三針 , 唔知有冇第四針 ?   XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好喇 , 講住咁多先 , (話唔定) 明年生日篇再見 .  haha ...

Bye Bye !



2021/05/23

Samsung 32" Odyssey G5



Hello !


隔左幾個禮拜 , 今日又黎一篇網誌 , 主題仍然係產品介紹 .

今次介紹既係 Samsung 32" Odyssey G5 電競顯示器 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

買佢既理由有好多個 , 其中一個理由係貪佢夠曲 , 叫做1000R .

詳細規格可以Click入呢度 , 曲mon呢樣野 , 電視或者mon都未試過 , 

淨係呢個理由已經蓋過晒其他理由 , 於是乎日前去黃金入貨 .

去到某間店舖 , 佢寫住現金特價 , 我問即係幾多 ? 佢答$3250.00

OK啦 ~ 就係咁 , 呢部32"mon就取代左27"依家用緊既mon喇 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

拎到返屋企 , 即刻做野 , 拆開個紙箱 .

Samsung 32" Odyssey G5

其實在佢果度已經拆開過黎試機 .  ^_^ !!


裡面有腳架 , 電線 , HDMI線 , 說明書及保用証 .


拆開D包裝就係咁多 .

條HDMI線就唔會用 , 改用自己買既DisplayPort線 .


安裝說明書 , 雖然係手板眼見 , 不過都係咁咦睇下啦 .


電線插頭插落個盒仔 , 再插落個mon度 , 好多mon都係咁 .


輪到主角現身 .


灣到呢 ...


背面 .


插好個架之後就要搵訂放 .


依家D mon基本上都好靚 , 只需小小既簡單設定就用得 , 

呢部雖然只得2K , 即係2560X1440 , 不過Youtube既所謂4K片 , 

都係得呢個像素 , 個mon大左 , 好好睇既呢 .  XD


有D專係擺D風景片上去 , 自己都影唔到咁既質素 .


大雪山 ~ 真係要俾10個llike佢 , Yeah !!


跟住睇Yahoo網 , 用唔晒個Mon , 剩番兩邊白雪雪 .


自己既網誌 , 冇得出門 , D租車款式都冇得更新 , 可惜 !


輪到P站 , 鬼妹之中 Mila Azul 都算一絕 , 夠晒勤力 .


三上悠亞亦係我好欣賞既女優之一 .


宋仲基 , 唔駛多介紹 , 個樣都殺晒 .

順便講埋 , 近排煲緊韓劇 , 文森佐 , 睇到第六集 .


中天新聞我都好鍾意睇 , 支持中天 , 支持鄭亦真 .


台灣呢排認真唔掂 , 陽明山逼爆人 , 好難既 , 大家都抗疫疲勞 , 明架喇 .


連續9天本土破百 , 認真得人驚 , 希望佢快D攪掂啦 .


另外有樣野不得不提 , 設定果陣記得將佢設為 144Hz .


之後再去桌面 , Click入 NVDIA控制面板 .


睇下係咪 2560X1440  144Hz


如果唔記得轉 , 繼續用番60Hz , 浪費左個Mon就唔抵啦 .


好 ~ 介紹住咁多先 , 依家去食晚飯 , 食完再煲劇 , 爽呀 !

Bye Bye !




2021/05/02

Philips HD9355 電熱水煲



Hello !


大家好 , 隔左一個月 , 襯今日勞動節假期 , 寫番篇網誌 , 

叫做更新一下咁啦 , 隔得太耐冇見唔係咁好既 .  ^_^ !!

不過所講既野都係日常無聊野 , 就好似呢篇咁 , 係一篇產品介紹 ,

而今次介紹既係標題所寫既 Philips HD9355 電熱水煲 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

未介紹之前 , 先睇下舊果個水煲 . (左手邊果個)

Deer呢個牌子 , 名不見經傳 , 都叫做OK啦 , 不過不失 .

依家都仲用得架 , 只不過舊左D , 新既都唔貴 , 所以換左佢啫 .

加熱板 , 裝好水擺上去 , 開掣就OK .


頂部 , 睇落都好正常 .


裡面就得人驚D .


側面D膠都鞋拾拾 , 相片就睇唔出 .


買左個飛利浦 HD9355 電熱水煲 , 價錢3佰蚊多DD .


1.7L 同之前果個一樣容量 .


拆開晒D包裝 , 說明書與保用証 , 相信都冇乜人會Keep住及細閱 .


擺番在老地方 .


裝水 .


MAX 1.7L , 入滿佢 .


開掣 .


計時 ~ 由開掣至到煲滾自動熄機 , 大約5分鐘多DD .

側邊有個保溫掣 , 有需要可以按下 .


第一二煲水最好唔好飲用 , 只係要黎試煲 , 

第三煲開始先至要黎飲 , 感覺上好D .


隔幾日後執過D電線 , 咁樣靚仔好多 .  ^_^ !!

OK ~ 介紹完畢 , 呢D又唔係乜野複雜野 , 幾張相就介紹到啦 .

不過冇野搵野黎講 , Keep住溝通咁啦 . haha ...

Bye Bye !



2021/04/04

唔係乜都可以DIY

 


Hello !


唔好意思 , 咁耐冇同大家見面 , 呢排都係忙於生意 , 

所以冇乜時間攪個網誌 , 而生意方面亦都冇乜起色 , 一日唔清零及通關 , 

都唔會有乜作為 , 不過長命功夫長命做 , 急都急唔黎 .

至於呢篇網誌 , 並不是講抗疫檢測果D負面野 , 而係講生活上既無謂野 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

話說管理處每月會派垃圾袋 , 通常我都會放入廚房地下櫃裡 , 

某日如常打開 , 咦 ~ 點解地下濕濕地既 ? 搵個電筒搜查下 , 發現水管有滴水跡象 , 

好彩只係滴水而唔係大爆 , 否則大鑊好多 .

就係地下膠兜上面果個位置 .


大約一分鐘三滴水既流量 , 之前有講過 , 果D位置 , 只要有一滴水 , 

都會周身唔聚財 , 更何況唔理佢既話 , 一旦大爆發 , 後果可以好嚴重 ,

簡單D講就係非解決不可 , 於是乎翌日就搵人黎打價 ...

佢上黎之後 , 睇左一輪 , 話呢D係鐵喉 , 耐左會生鏽 , 希望我全屋都換銅喉 , 

整個工程大約 $7000.00 , 本來都有佢既道理既 , 不過D喉有部份入牆 , 佢話會放棄 , 

改為明喉 , 要鑿穿兩幅牆 , 經過深思熟慮之後 , 決定都係淨係整爛果個位算數 , 

錢固之然係一個問題 , 最大問題係用明喉 , 攪到間屋不倫不類 , 呢樣先至係重點 .

淨係整爛果節 , 工程費用 $1000.00 , 需時一粒鐘多小小 , 本來應該貨比三家 , 

格一格價 , 不過當日淨係想快D攪掂佢 , 而1仟蚊亦都唔算太離譜 , 

所以就俾佢攪掂啦 , 由於係街坊生意 , 好快就黎做野 .

為左唔打擾佢做野 , D相都係完工之後先至影 , (未清理果陣成個戰場咁架)

將爛果節鐵喉換左銅喉 , 駁落原本果位度 .


要鑿穿幅牆出去出面 .


即係咁樣 .


外面就係咁樣 , 再加多一節 , 直通入水錶 .


整完之後冇再漏水 , 舒服晒 ! 

雖然呢D只屬小型工程 , 不過自己絕對DIY唔到 , 除左唔夠力拆水喉之外 , 

亦都冇佢果套架生 , 更加冇水電工牌照 , 有D錢係要俾人賺架喇 .

好 ~ 今次講住咁多先 , 第日再講過 .

Bye Bye !