2022/01/20

Bruno即熱式飲水機(非專業開箱)

 


Hello !


近排既疫情認真唔講得笑 , 正所謂冇乜必要都唔好出街 .

一黎慳番D錢 , 二黎萬一真係中左招 , 手尾好長 .

而在家裡冇乜好做 , 最好就係飲多D水 , 仲要係暖水 .

就係呢個理由 , 早日買左部 Bruno即熱式飲水機 .


閒話小說 , 即刻黎個產品介紹 , 打開個箱 .


挖晒D野出黎 , 剩番D發泡膠在箱內 .


基本上得三樣野 , 主機 , 水箱蓋 , 說明書 .


拆開膠袋 , 呢個係主機面 . (未裝水)


正面出水位 .


使用時記得拎走紅色果個蓋 .


試機 ~ 先入D水喉水測試 .


插電後 , 第一次使用時 , 按乜掣佢都係出小小水 .

下次先至係認真 .


使用亦好簡單 , 先按最下鎖頭仔約五秒解鎖 , 

跟住揀度數 , 分別有常溫RM , 50 , 80 , 90 , 100度水 .


話就話100度 , 實際上有小小折扣 .


同場加映 , 亞發白咖啡 , 換過D煲好既水黎試機 .


剪開包裝倒落杯 .


用到最高水溫 , 攪勻筠之後 , 得番70度 , 

都唔錯丫 , 勉強可以入口 , 太滾反而有排等 .


測試完畢 , 如果要更詳細既實測 , 可以上Youtube度睇人地D片 , 

佢地有更加詳細既測試 , 至於用後心得 , 覺得佢都OK好用 .

而呢樣即熱水機 , 亦都唔係新產品 , 還記得數年前在日本某酒店房裡 , 

擺左部類似既即熱水機 , 果陣第一次接觸呢類野 , 心諗 : 

有冇攪錯 ? 即刻就有熱水 , 唔駛煲既咩 , 咁都得 ? haha ...

之後至到依家 , 先至自己整番部 , 唔錯呀 , 得閒飲多D水 , 

仲要係暖水呀 , 切記 !!

Bye Bye !