2018/01/09

國際車牌2018




Hello !


上個星期去信運輸署申請國際車牌 , 

話都冇咁快就攪掂寄到 , 同以往一樣 , 都係以掛號方式寄黎 .

信封裡面有車牌一個 , 收條一張 , 同埋申請時所需既身份証/住址証明等 .

年年都係咁上下 , 循例介紹下啦 , 不過相片影得麻麻 .  XD

薄薄地綠色既一本野 .


裡面得幾頁紙 .


通常都唔會留意寫乜 .


主要野都在尾頁 .


包括有相片及地址 , 今次相片用 友田彩也香 代替 .  ^^


攪掂埋國際車牌 , 其餘都攪得八八九九 .

有機會再講過 .

Bye Bye !



2018/01/01

2018四國遊 (入選酒店名單)




Hello !


今日係一月一日(星期一)公眾假期 .

正式踏入2018年 , 首先祝大家新年進步 , 身體健康 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

上篇曾經講過 , 黎緊農曆年行程 , 酒店已經搵齊 , 呢篇就介紹一下 , 

入選酒店名單 , 講開搵酒店 , 不得不提 四國 呢度既酒店價格 ,

比 北海道 平D , 有D一泊二食Plan , 6-7仟Yen都有 , 認真抵玩 .

而我要搵既酒店 , 不外乎需要幾大項目 , 第一係配合路線啦 , 

跟住係包早晚兩餐 , 同埋要有溫泉浸 , 最好就停車場免費 , 

乎合呢幾樣先再作篩選 , 結果搵到以下呢八間酒店 , 

九日行程八晚酒店 , Fit晒 !  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


揀呢間係因為要就番個 室戶岬 , 想試下住果度附近 .


呢間個網頁做得好靚 , 溫泉亦唔差 , 最重要在 足摺岬 附近 . 


呢間就冇晚餐 , 不過6300Yen , 勝在夠平 .


呢間7128Yen包兩餐 , 可惜冇溫泉 , 不過附近有錢湯搭夠 .


呢間就犀利喇 , 包兩餐之餘 , 仲有個靚靚溫泉 , 收費都係6960Yen , 

簡直係物超所值 , 去邊度搵丫 . haha ...


呢間個網頁又係做得好鬼正 , 價錢亦係全程最貴 , 11000Yen .

呢個價錢如果在 北海道 , 只屬未入流 . =_= !!


呢間又係7380Yen包兩餐一浸 , 抵玩到呢 .


呢間離開左 四國 , 在 神戶 附近 , 行程尾聲 , 希望住番在 大阪 周邊 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 8晚酒店就講齊 , 住完之後再同大家詳細匯報 ,

依家仲要搵埋餘下景點資料 .

Bye Bye !



2017/12/26

生日快樂2017




Hello !


今日係12月26日 拆禮物日 , 亦係我既生日正日 .

尋晚在家中攪左個細細地既生日會 & 聖誕Party ,

同往年一樣 , 叫做圍內人係咁咦聚一聚咁啦 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

生日會既野 , 乜都唔駛講 , 只需要大擦一餐 .

首先黎生日蛋糕一大個 . 


再搭D 帶子 ~ 三文魚 & 壽司 .


仲有好多其他野架 , 不過蛋糕先至係主角 .


開始喇喂 .


第一件 , 當然係生日果位食先啦 , 唔客氣喇 .


話咁快就冇左一半 , 有買就襯手 . haha ...


年年生日願望都係咁上下 , 都唔駛多講 .

來來去去都係果D 身體健康 , 去旅行事事順利 , 世界和平之類 ...

倒不如講下旅遊進度啦 , 首先機票攪掂左啦 , 如果依家先至Book都有位 , 

不過價錢就要多幾個百份點 , 跟住就酒店 , 經過連日既努力 , 

8晚酒店都搵齊 , 之前有冇講過 , 難波 果邊D爆好難搵 , 唔係冇房就係好貴 , 

所以今程都唔住果頭 , 最尾果晚在 神戶 落腳 , 就在 大阪 隔離 , 

唔算好遠 , 果度選擇多好多 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之後係Book車 , 上次咪話Book左不過唔講住既 , 

我都唔係D鍾意收收埋埋既人 , 不如就講埋啦 , 就係Book左部

Honda N-Box , 我諗係相中呢款掛 ? Book呢款車都唔諗住點樣飛車架啦 , 

四國 果度唔似得北海道咁大地方 , 需要用速度黎爭取時間 ,

而呢款車外型夠晒趣緻 , 有D似 Toyota Porte 或者 Spade .

我諗應該唔錯掛 ? 有冇人開過呢款車 , 俾D意見丫 .


攪掂呢幾大類 , 之後果D可以慢慢黎 , 景點方面仲搵緊 .

國際牌下個月先攪 , 日圓屋企仲有剩 , 入mp3落手指都好濕碎 ,

手板眼見功夫 , 最後係唔知天氣如何呢 ?

尋日新聞話北海道有大雪 , 隨時重演上年新千歲事件咁話喎 , 

真係得人驚 .

好 ~ 講住咁多先 , 蛋糕慢慢食 , 手慢就明年請早 . haha ...

Bye Bye !