2008/07/31

2008東京5天自由行(修訂版)D5-3完




Hello ! 

上回講到參觀完 "豐田汽車館" 之後 , 

往酒店拎番件行李等上機場巴士 , 部巴士唔係好多人上車 , 

而沿途都仲有人上車 , 不過始終都坐唔滿 .


上到巴士等候中 , 有酒店職員核對番房間號碼 , 夠晒認真 .

夠鐘開車 , 落晒雨都要等埋開車至走 , 辛苦晒 .


差唔多到機場範圍果陣 , 有D類似警察既人上車確認護照 . 

全程車大約個半鐘左右 , 終於到達機場 .


去到機場 , 搵番 JL 既櫃檯 .


經濟位先至係 .


攪掂晒D手續 , 當然要四圍參觀 .


好唔好整番件呢 ?  ^_^ !!


用 Suica咭俾錢都得 , 用埋D餘額先 .


仲有好多間手信店 .


買齊野既話 , 都係時候入閘 .


搵番個閘口號碼 .


就係呢部機 . (準備中 ... )


97 Gate , 18:25 夠鐘上機 .


臨開機果陣 , 最左邊窗口位個小朋友 , V娃鬼叫 , 真討厭 .

不過事隔多年 , 乜都算數啦 , 希望佢生性做人 .


飛機餐 , 例牌乜都清晒佢 .


數小時後終於到達 "香港" 機場 , 等候行李中 ... 

時間係 P.M.10:57 , 歸心似箭 , 快D出黎啦 . haha ...


拎番件行李之後 , 即刻趕往 "機場鐵路" 等車 .


下一站 "青衣" .


通常都係在 "青衣" 轉的士返到屋企樓下 .

所有行程完滿結束 , 多謝大家收睇 .

Bye Bye !

第五日完 .


同場加映 , 小小機場手信 .

"夕張" 蜜瓜蛋糕仔 , 幾時都咁正 .


整番件丫 .


之後係 "博多長濱" 生拉麵 , 剛剛果次都買左盒番黎 .


Wasabi 豆 , 唔錯架 .


最後就係用埋D碎銀黎買飲品 , C.C.Lemon 我鍾意 .


OK , 大功告成 !

2008/07/29

2008東京5天自由行(修訂版)D5-2




Hello ! 


上回講到食完早餐 Check out 之後 , 

放低件大行李就出去 Wet , 到附近 Hea 到夠皮 , 

就搭 JR 往 "秋葉原" 繼續 , 10個站之後就到步 , 

各位觀眾 : 秋葉原 . 不過都係落緊雨 , 唯有轉戰室內參觀啦 .

(掉轉黎諗 , 最後一日先落雨 , 仲係微雨 , 都算係咁咯) 


咁多間舖頭 , 不知從何行起 .


咁多位請自便 , 午飯時候返黎集合 .


話說當日行緊電器舖 , 睇中個掛牆電子鐘 , 6980 Yen , 

有齊溫度 & 濕度計果隻 , 不過見到個鐘面寫住 "電波放送" 既字眼 , 

與及有個電子接收既圖案 , 心諗 "香港" 用得唔得架 ? 

於是用我有限既日文來問佢 : すみません ...

この (手指住就鐘) は ホンコン (香港) で できますか ?

佢講一輪日文 , 當然冇句識聽 , 不過憑佢既語氣及眼神都估到 

"香港" 係用唔到 , 等佢講完 , 我再問佢 : できません ? 

佢點頭 , 即係冇估錯 , 好有可能D溫度 & 濕度係當地天文台

傳送落部機來接收 ,  所以 "日本" 以外就唔得咁啦 .

叫做無奈地慳番一筆 .  =_= !!


行到中午時份 , 都係時候食午餐 , 今次一於翻兜上次果間拉麵店 , 

不過唔係食 "雞扒拉麵" , 試試第二味 .


一於黎番個 "赤鬼ラ一メン" 850Yen . (小小辣 , 仲頂得住)


早餐都未落晒格 , 所以唔叫啤酒 & 餃子咯 , 

淨係叫碗麵 , 唔客氣咯 , 起筷 .


食完碗麵之後 , 再四圍參觀 , 本來就未夠 , 不過要返回 "池袋" , 

解決埋最後一個景點 , 呢個景點經常行過 , 但係就最後一擊先黎參觀 , 

就係紫色果座 , "豐田汽車館" , 免費入場 .

七人車 ESTIMA , 型呀 !


老老實實 , 果陣連發夢都冇諗過數年之後 , 

會黎 "北海道自駕遊" , 所以話世事既野 , 真係估佢唔到 .


VOXY ~ 呢款車在 "香港" 經常都見到 .


司機位都幾闊落 , 坐得舒服 .


輪到細車呢Part , ist  Toyota 都有得租 , 屬於P2系列 .


RAV 4 , 原來數年前已經同佢結緣 , 呢款車真係幾好架 .


數年後就係租呢一款車 , 詳情請收睇 , 雪地北海道自駕遊2011 .


車展果部 RAV 4 既儀錶面版 .


呢張係自駕遊租果部 Rav4 面版 , 同上圖係咪差唔多呢 .


坐乘客位感受一番 .


呢部唔知乜野型號呢 ?


行過隔離 , 連 F1 方程式都有 , Wow !


紙版公仔都咁有型 , Yeah ! 


參觀完畢之後 , 往酒店拎番件行李 , 部機場巴士已經在恭候 .


D職員幫手拎件行李上巴士 , 落車時憑牌仔認領行李 , 夠晒認真 .


Bye Bye !

2008/07/27

2008東京5天自由行(修訂版)D5-1




Hello ! 


上回講到玩完貓之後 , 帶住愉快既心情返酒店 , 

食埋D生果再飲杯鮮奶 , 睇多陣電視及梳洗過後就休息 .

醒來已經係第五日 , 由於坐晚機 , 所以仲可以做些小行程 .

食完早餐之後上房執齊野 , 辦妥 Check out 手續 , 

過隔離 BELL CAPTAIN 呢度 , 交低件大行李俾佢 , 

就可以出發 , 返黎先至拎番佢坐巴士出機場 .


Family Mart , 就在酒店樓下 , 夠晒方便 .


ATM 銀行提款機 , 外國人可唔可以用 "信用咭" 提款呢 ? 

我都未試過 , 真係唔知喎 , 不過我D錢仲有剩 , 唔駛諗呢個問題住 .


沿住地下街黎行 , 好多時裝店 .


LODISPOTTO , 係咁咦停低睇睇 .


D款式好似唔係咁適合 .


我比較鍾意簡單為主 .


仲有 THE BODY SHOP , D野相信同 "香港" 既差唔多 .


行上地面大街果頭 , 有間 SEGA 機舖 , 入去巡視一番 .

夾足球機 , 相信難度極之高 .


連 "鬼太郎" 都有 ? Yeah ! 


史迪仔 .


鴨仔 .  ~  ^_^ ~ 


除夾公仔外 , 仲有遊戲機打 .


太鼓の達人 . 勁 !



打機還打機 , 都要顧一顧儀態嘛 . haha ...


之後行過對面藥房 , 黎個最後一擊 .


攪掂就過隔離 HMV , 見唔見到當時落緊雨 .  =_= !!


宇多田ヒカル HEART STATION (當時既新碟) 好好聽呀 .


買左之後 , 行去 SEIBU 即係 JR "池袋駅" 果頭 .


上月台等車 .


過晒上班時候 , 所以好疏落 .


Sapporo 啤酒 , "日本" 呢度要20歲以上 , 先至係飲酒法定年齡 .


去邊度呢 ? 之唔係去多趟 "秋葉原" 囉 .


Bye Bye !