生日快樂2020

 

Hello !

唔覺唔覺 , 今日又到生日既大日子 , 每年呢個時候 , 

都會整番篇生日快樂篇 , (唔計2018果年Miss左) , 今年都照番傳統 , 

開番個生日Party , 叫做沖喜一下 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

生日願望食完蛋糕先講 , 今次願望同以往有D唔同 ...

簡簡單單 , 蛋糕一個 , 生日快樂 , 身體健康 !!

第一件 , 切左成四份之一咁滯 , 食大佢 .  haha ...

下一位 .

好快就得番一半 , 有買襯手 . Yeah !!

好 ~ 食完蛋糕就講願望 , 相信呢個亦都係大部份市民既心願 .

當然係疫情早日散退 , 好似當年沙士咁 , 消失得無影無縱 , 

仲要唔單止係香港 , 全世界既19病毒都要消失 , 我頂佢唔順呀 !!

頭先收到Blog友Shirley姐既回應 , 除了祝賀生日之外 , 

並祝賀可以早日再飛出香港 , 飛出香港呢樣暫時都唔敢諗住 , 

如果可以攪番掂香港既經濟 , 都已經偷偷地笑咯 ,好似依家咁 , 生意唔似生意 , 

日日都望天打掛 , 疫情一波又一波 , 疫苗方面又未能做到量產 , 

要做到全球普及 , 都唔知要幾多個年頭 ?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

睇番之前既生日快樂篇 , 幾乎次次願望都係講去日本 , 

玩得開心D , 租乜野車之類 , 今年真係愁爆 , 

希望下年果篇生日快樂篇 , 又回復去日本既心願啦 .

雖然次次都係咁講 , 不過都要講多次 , 呢個世界總會有人慘過你 , 

明天會更好 , 捱住先啦 .  ^_^ !!

Bye Bye !!

Philips Hue 系列 (非專業開箱)

 

Hello !

好耐冇見 , 上次果篇網誌係10月1日 , 都係時候寫番篇 , 唔好俾佢斷路 . 

家陣既疫情雖然稍為緩和 , 不過市道依然係冇運行 , 自己都係啦 , 

冇乜需要都唔想出街 , 每日返工放工在家上網 , 睇下Youtube咁啦 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而今次所介紹既 , 係 Philips Hue 智能燈系列 (4個款式)

話說早排睇短片時 , 見到有人示範 , 咦 ~ 幾過癮咁喎 , 不如整番Part試下咯 . 

就係咁 , 所以就有以下既介紹 . 而智能燈呢樣野 , 其實都出左好幾個年頭 , 

並唔係新鮮熱辣既出品 , 而所玩既 , 不外乎幾個大類 , 

第一 : 攪到屋企D燈光鬼五馬六 .

第二 : 駁在電腦後面 , 令到燈光與影片色彩同步 .

第三 : 裝個 Google home 之後 , 用聲控開關及較光暗 .

第四 : Set 時間預設幾時開關燈 .

係呢幾樣咁上下 , 我就比較Buy頭果兩項 , 其他都唔係咁實際 .

決定之後就出去買料 , 智能燈呢樣野 , 一字記之曰 : 貴 .

不過果陣出左一萬蚊都未有機會洗 , 就當係刺激香港經濟啦 .

第一次試玩 , 買左呢幾樣野 , 先來個合照 , 跟住再逐樣介紹 .

第一樣係碗形燈 , 內置電池 , 唔插電之下都可以著一排 .

一打開 , 見到碗一隻 , 配件在下面 .

包括有變壓器一個 , 轉插兩個 .

說明書一套 .

揀番港式三腳插頭 .

插電試一試 , OK喎 .

一按轉色 , 攪掂呢樣 , 陣間再慢慢研究佢 .

下一個 , 長條形燈 , 2米長 .

一打開 , 成餅擺正上面 , 卷到實一實 .

配件在下面個盒 , 挖晒出黎 , 都幾多件數喎 .

著一著電試下佢 , 都幾光喎 .

之後輪到燈泡 , 一套三個 , 再搭多個橋接器 .

所謂橋接器 , 即係用佢連接互聯網 , 透過手機軟件來控制燈光 .

開喇喂 ~

掀多一層 , 呢度先係 , 三個燈泡+橋接器 , 仲有Lan線等 .

三個屬單數唔老黎 , 買多個單泡 , 四邊角Set勻 .

單泡就係咁簡單 , 一個燈+說明書 .

在鴨記買幾個插座黎連接燈泡 . 

(四個只係一部份 , 跟住會買多幾個黎整第二D燈)

拆開包裝就係咁 .

非常之簡單既設計 .

暫定既示範 .

最後係 Light Bar . (兩條裝)

普通既產品簡介 .

兩支Light Bar放面 , 配件在下面 .

唔同既底座 , 用於打橫或打直放 , 一個變壓器可以插三支野 .

1~2~3 ... 插電 , OK !

差D漏左介紹個橋接器 .

兩個窿 , 一邊插電 , 一邊插Lan線 .

在Router求其搵個位插 .

個野擺響廳 , D燈安在房都OK , 唔一定要擺得好近 .

全部燈著晒先算連接成功 , 之後在手機裝個APP , 

做個簡單既設定 , 認得到呢個盒 , 再認番Set好既燈就玩得 .

同場加映 , 見屋企D燈都舊舊地 , 不如換埋Philips既系列 , 

呢D只係普通燈泡 , 並無智能功能 .

17W & 15W各四個 .

黎多張大合照就結束呢個介紹 .

其實仲有排攪架 , 要慢慢搵位來設計 , 相當之花心思 .

慢慢黎啦 . 講住咁多先 !

Bye Bye !

JBL CHARGE4 (非專業開箱)

 

Hello !

好耐冇見 , 襯今日十.一假期寫番篇網誌 , 呢篇係產品介紹 .

而呢件產品對我相當之有用 , 所以非常滿意 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今次介紹既係 JBL CHARGE4 藍牙喇叭 , 就講下佢對我既重要性 .

近排經常睇Youtube直播 , 有時要去洗手間或者沖涼 , 正常情況下都會暫停 , 

 出番黎之後再繼續 , 咁樣就浪費左D時間 , 依家有呢個喇叭 , 

去洗手間果陣拎埋入去 , 咁就冇間斷位 , 聽得零舍傳神 .

跟住輪到開箱時間 , 正如標題所講 , 並非專業既開箱文 .  XD

JBL CHARGE4 (有好多個顏色揀 , 黑色用到厭 , 求其要個黃色)

鎅開膠紙揭開 , 見到寫住CHARGE4既蓋 .

再揭開塊蓋 , 終於見到部機既真身 .

側邊有個扁盒 .

裡面有說明書及叉電線 . (仲有防潮小包)

棟起黎睇 , 印住JBL既嘜頭 , 聽講JBL呢個品牌 , 在行內享負盛名 , 

幾近無人不識 .

另一邊係感嘆號 , 順便講埋 , 如果播低音時 , 左右兩邊會震震下 , 

好似好勁咁 .

近底部印有CHARGE4 .

黎個大合照 .

攪掂完呢Part , 輪到電腦果Part , 由於主要係電腦用 , 

所以要加個USB藍牙接收器 , 黃金商場買 , $55.00 (已經拎左出黎)

插在電腦後面 , 中間發光粒藍燈就係 . (之後轉插機前面版 , 效果更佳)

開機 .

未插USB接收器之前 , 冇中間開啟果個字 .

開啟之後按 +新增藍牙或其他裝置 .

好快就搵到 JBL CHARGE4 音訊 .

最後講用後心得 , 部機既接收力都唔錯 , 起碼在洗手間用都冇斷線或者窒礙 , 

(可能係我間屋唔夠大 haha ... ) 另外音質亦都OK , 聽歌時低音部份另人喜出望外 , 

人聲亦都清楚 , 基本上非常滿意 , 俾個十分佢 . Yeah !!

Bye Bye !