2013/08/23

2013北海道&青森12天自駕遊(修訂版)D13完工總結篇




Hello !

上回講到攪掂晒整個行程 , 

頓然覺得有種 "如釋重負" 既感覺 , 呢個行程由5月21日正式開始 , 

至到寫到10月7日 , 為期足足4個半月 , 本來唔止架 , 

不過就住Yahoo Blog死線前攪掂 , 所以加快進度 .

~~~~~~~~~~~~~~~~~~~~~~~~~~~~~~~~~~~~~~~~~

講起今次網誌 , 原先以為上次失相事件已經夠遺憾 , 

點知今次既遺憾就更大 , 點大法 ? 大到要開多一個網誌黎繼續 , 

今鋪都算係失策 , 一日都係自己衰多手按下 "輕鬆搬家" .

攪到即時封Blog , 最慘就係D備份根本完全幫我唔到 ,

不過算啦 , Yahoo Blog呢度始終都會一筆Out消 , 

到時一切恩怨亦都會煙消雲散 .

~~~~~~~~~~~~~~~~~~~~~~~~~~~~~~~~~~~~~~~~~~~

講番打後既去向 , 我諗住搬往 Google Blogger (已經搬齊)

不過暫時都係測試階段 , 等到試用期屆滿後再決定點環境 .

另外再講 Yahoo Blog 執笠一事 , 好多Blog友都轉投 Google Blogger ,

亦有Blog友放棄 , 當中以 "電占與豆豆" 最為轟烈 ,

佢既網誌人氣遠勝於我 , 都可以話唔寫就唔寫 , 

淨係呢份能捨既胸襟 , 我都望塵莫及 , 佩服 !

~~~~~~~~~~~~~~~~~~~~~~~~~~~~~~~~~~~~~~~~~~~~~~

至於我咯喎 , 他日即使真係在 Blogger 掛單 , 

都係邊寫邊休 , 即係3 ~ 5 ~ 7日先更新一次咁啦 .

畢竟都寫左咁耐 , 好難話放棄就放棄 , 

但係又唔想太操勞 , 唯有採取 "中庸之道" 啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

最後 , 能夠在 Yahoo Blog 12月26日結束之前 , 

搬晒所以旅遊網誌過黎 , 心情都幾暢快 , 

好似剛完成一個大Project , 舒服晒 !!

Bye Bye !

2013/08/22

2013北海道&青森12天自駕遊(修訂版)D12-4完(回到香港篇)




Hello !


上回講到在 "新千歲機場" , 呢篇繼續 .

hea到夠鐘就上機 , 開到咁上下 , 拎盒便當出黎 .

我一拎個便當出黎 , 服務員就即刻拎杯茶俾我 , 

都唔駛我出聲 , 呢D咪專業囉 , 讚呀 !

OK ~ 開餐 ...


個零鐘後抵達 "成田機場" , 轉乘接駁巴士中 ... 


到著後即上櫃檯辦理正式出國手續 .


完成後出番另一邊 , 整理番好D証件先 .


其實 "成田" 呢度都黎過好幾次 .
  

伊藤園嘛 , 見慣見熟啦 , 睇番舊網誌 , 

原來 2011 & 2012年度旅行都係經 "成田" 回港 , 

加埋今次 , 即係連續3次經佢 .


呢度都好多野賣架 , 雖然唔夠 "新千歲" 咁旺場 .


詢問處 .


"高達" 依然健在 , 未俾 "古渣" 打殘咩 ? haha ...


再一次行舖頭 , 今次都要入番些小貨啦 .


整番幾盒餅睇門口 .  ^^


首先係 "抹茶の大福" .


東京士多啤梨味大福 .


東京香蕉味蛋糕 .


買完野搵個地方安頓好行李 , 順便上一陣網 .


自從有手機 & 板腦等產品 , 

呢D100Yen10分鐘上網機 , 完全冇人幫襯 , 

相信唔捱得幾耐就要收皮 .  =_= !!


話咁快就上機 , 仲開埋添 , 又到飛機餐時間 . 

set A 還是 set B 好呢 ?


揀得黎都到左 , 開餐啦 , 上篇淨係食個便當 , 

隔左幾粒鐘 , 不知幾咁肚餓 , 邊個話飛機餐唔好食架 ?


都不知幾正 , 如果大家想試好食既飛機餐 , 

我建議起飛前幾粒鐘千祈唔好食野 .

好多人Check in 後即刻去 "翠華" 或者 "大家樂" 同 "麥記" 開餐 ,

咁攪法 , 飛機餐梗係食之無味啦 , 一於用我呢個方法黎試下 , 

保証對 "飛機餐" 要重新估計呀 .


食完個餐睇多場電影 , 過一陣就到步 , 辦好入境手續 , 

去行李帶認領番件行李 , 搭機鐵出市區 .


下一站係 "青衣" , 去到再轉的士直接到樓下 .


返到屋企 , 呢兩支係用剩餘既硬幣買既 , 午後之檸檬茶 , 正 !


大結局 , 整個行程完畢 , 多謝支持 , 後會有期 !

Bye Bye !

第十二日完 .

2013/08/21

2013北海道&青森12天自駕遊(修訂版)D12-3新千歲機場篇




Hello !


上回講到搭巴士往機場 , 呢篇繼續 .

拎齊行李就行得 , 入口有張案內圖 , 

幫襯過呢個 "新千歲機場" 咁多次 , 唔駛案內咯 .


自動樓梯 , 上去啦 , 咪住 .


D行李都幾重 , 都係搭電梯好D .


到黎 , 好多野賣呀 .


呢個機場大家都好熟 , 基本上都無需多介紹 , 

求其影幾張相交差算數 .  ^^


國際線 & 國內線 , 轉機落 "成田" , 當然係行 "國內線" .


經常排隊排到開巷既 "花畑牧場" .


siretoco sky sweets , 應該係賣 "冬甩" .


白之戀人餅 , 入晒貨啦 .  ^_^ !! 


基本上整個機場都可以搵到黎買 .


LAWSON 便利店 .


拎住件行李 , 始終都冇睇得咁過癮 , 搵個櫃檯 Check in .


記得揀番国際線乘り継ぎ , 不過攪錯佢都會通知你 .


攪掂晒D手續 , 得番件手提行李 , 返去再火拼過 .

 "長腳蟹" 等濕貨都有 , 如果直航既話 , 可以考慮 .


有D似大舊既 "糯米糍" .


海產乾貨 . (先前在 "小樽" 買左兩包 "帶子乾" )


かま栄 ? 乜野黎既呢 ? 唔記得過去睇添 .


飲品售賣機 . (請打橫睇)


玩玩下都夠鐘 Stand by , 14:10 成田


就算係閘口附近都有店舖 , 真係想打劫我個銀包 . haha ...


其實只係睇多過買 , 係咁咦買幾包麵睇門口 ,

"利尻昆布" , 食完當去過 .


買個便當 , 一陣上機食 . (內陸機淨係包飲品)


上一陣網 , 好快就夠鐘上機 .


內陸機冇乜人 , 可以好悠閒咁上機都得 .


呢張好有 "衝上雲霄2" Feel .  ^_^ !!


Bye Bye !

2013/08/20

2013北海道&青森12天自駕遊(修訂版)D12-2Century Royal Hotel房間篇




Hello !


上回講到食完早餐返上房 , 呢篇繼續 .

出電梯轉個灣就見到間房 , No.1314 請入黎坐啦 .


首先參觀洗手間 , 浴缸一個 .


馬桶隔離有小型LCDTV , 正式係 "不愁寂寞" .

不過都係把握時間上網好D .


洗手盆在洗手間裡面 , 幾好丫 .

有D分開架 , 方便完要出去洗手 , 我就唔多Buy呢套 .


出番廳外面 , 今次間房有兩張床 , 揀外面果張 .


亦因為有兩張床 , 所以令空間感大減 .

雖然係咁 , 不過間房應有盡有 , 還可以啦 .


裡面張床通常都唔會攪佢 .


LCDTV & 加濕機 .


房間全景 .


執整野就落樓下Check Out , 之後過對面搭巴士 .

今次時間充裕 , 所以搭巴士 , 雖然時間長D , 不過全程有得坐 , 

又有風景睇 , 因此搭巴士出機場既次數比搭JR多 .


開始冇乜人坐 , 之後陸續有客上車 , 不過點都坐唔滿 .


個站就在 Hotel Gracery 出面 .


轉個灣就係佢既停車場 , 我都未泊過呢味多層式停車場 .


經過 "大通公園" .


狸小路5


NORBESA , 摩天輪 .


Sapporo Tokyu Inn .


北海道壽司 .


之後經過 "豐平川" .


果然係一條廣闊既河流 .


次次搭巴士都經過 , 好壯觀既呢 .


有間 "新札幌" 租車 , 如果冇估錯 , 呢間應該係 "美園" 分店 .


再行多一陣 , 準備上IC , 除配戴安全帶之外 , 

仲要Check有冇入ETC咭 , 你估我係司機咩 ? haha ...


隔離綠色係一般 , ETC要入藍色指定通道 .


上IC之後 , 行多一陣就到步 . 

OK ! 到站 , 盛惠 1000Yen , 記得拎齊所有行李落車 .


Bye Bye !