2011/09/29

2011北海道10天雪地自駕遊(修訂版)D6-10川湯溫泉御園ホテル篇




Hello !


上回講到在 "砂湯" 摸黑餵天鵝 , 

餵餵下忽然感覺到後面有D古怪野 , 究竟係乜東東呢 ?

一擰轉頭 , 原來係有隻狐狸行來行去 .

Wow ~ 想嚇死人麼 ? 知唔知人嚇人冇藥醫架 . haha ...


一場黎到 , 點會唔預埋你呢 , 開餐喇喂 .


起初都有D戒心 , 聞聞下咁 , 唔駛驚喎 , 唔會食死你既 .  ^^


食啦食啦 . Yeah !


之後開懷大嚼 .


係就係冇肉類咁正 , 頂住檔先啦 .


掛住餵佢 , 冷落了天鵝添 .


摸黑餵天鵝 & 狐狸 , 始終都有D顧忌 , 

(今次就狐狸 , 點知下次會唔會走隻 "棕熊" 出黎?)

再加上果度陰寒陰凍 , 玩多一陣就鬆人 , 聽日再黎玩過啦 .

於是乎執齊野上車 , 上到車度又有D唔妥 , 原來隻狐狸仲未食夠 ,

跟住黎想上車 , 唯有狠心響按嚇走佢 . (一個唔小心車死佢就唔好啦)

跟住往酒店 , 沿途黑晒冇街燈 , 得個車頭燈照住 , 

感覺都幾驚 . 好彩只係10零分鐘車程 .

去到酒店擺好部車就入去 Check in , 停車場就在正門口 , 

拎齊野入去 , 攪掂晒手續 , 今晚住 534號房 .


順便講埋 , 酒店叫做 : 川湯溫泉 "御園ホテル"

入房第一件事 , 除對鞋放入櫃 .


之後參觀房間 , 洗手間就在隔離 , 就由佢開始先 .


攪掂 , 請入黎參觀 .


Wow ! 間房比想像中大呀 .


兩張床 , 揀右手邊果張 .


間房係和洋式 , 我最鍾意呢D日式坐位 , 不過好易腳痺 .


有個匣萬 , 夠晒安全 .


比起 "札幌" D單人房大得多 .


有個茶几 , 可以擺野飲 .


雙人大沙發 .


部電視就削D .  >_< !!


窗外環境 , 係得呢度有光 , 其餘既黑蚊蚊 .


影完相就落去食晚飯 , 就在前面既 "夕食會場" .


Bye Bye !

2011/09/27

2011北海道10天雪地自駕遊(修訂版)D6-9硫黃山篇




Hello !


上回講到剛剛到達 "硫黃山" , 呢篇繼續 .

由於當時已經係P.M.4:05 , 所以天色有D深藍 ,

呢度叫得做 "硫黃山" , 果然山如其名 , 四處充滿住 "硫黃" 味 .


話就話上山 , 其實唔係好遠咋 .


山上鋪滿白雪 , 下面有煙出 , 加埋陣 "硫黃味" ,

充滿 "登別地獄谷" Feel .


直上去噴煙既出口 .


立入禁止 , 中英日韓對照 .


其中一個噴煙出口 .


地下黃色果D , 相信就係 "硫黃" .


其他地方都有小小噴煙口 .


地熱唔足夠溶晒D雪咩 ?


臨走果陣有個旅行團上緊黎 , 講 "普通話" ,

唔知 "台灣" 定 "內地" 呢 ?


玩到冇野好玩 , 咁激 . haha ...


最後一擊 , Bye Bye 喇 , 硫黃山 .


未走得住 , 仲有個紀念品部 , 參觀埋先走都未遲 .


好多野賣架 , 仲係呢度既獨市添 .  ^^


向酒店果度行 , 不過未Check in 住 ,

仲有Last一個訂方去 , 就係餵天鵝 .


經過呢間叫 "温泉浪漫の宿湯の閣" , 都曾經入圍 .

不過最後都落選 , 最終揀  御園ホテル .


好似都唔差喎 , 唔知有冇Blog友住過呢 ?


跟住直踩去 "砂湯" . (雖然未算天黑 , 穩陣起見 , 都開盞低燈)


去到 "砂湯" , 擺好部車先 .


呢度屬於 "阿寒國立公園" .


過對面就係 "屈斜路湖" .


當時係 P.M.5:05 , 個天都黑齊 .


摸黑餵天鵝 , 感覺都幾怪異 .  =_= !!


餵餵下突然感覺後面有D野嚮度陰陰樣樣 , 

攪咩野呀 , 唔通有鬼 ?


Bye Bye !

2011/09/25

2011北海道10天雪地自駕遊(修訂版)D6-8川湯溫泉駅篇




Hello !


上回講到俾一堆大雪阻住條路 , 去唔到 "摩周湖" , 

無奈下唯有去下一個景點啦 , 就係 "川湯溫泉駅" .

不過途中經過一個 "牧馬場" , 幾大都駛入去睇睇 .

就係佢喇 , 即刻落車影番幾張先 .


佢地開緊大餐 , 唔得閒招呼我 .


好彩仲有D得閒 .


記憶中好似第一次咁近距離接觸馬仔 .


對腳好似咁短既 , 拎番 "香港" 夠唔夠跑架 ?


有D啡色 , 有D乳牛色 , 幾特別喎 .


睇完馬仔 , 即刻去 "川湯溫泉駅" .


呢個站屬於自由站 , 即係可以自出自入 .


隔離有個洗手間 , 夠晒方便 .


再隔離仲有間類似餐廳 .


入去車站參觀 .


就係呢個門 , 可以出去月台 .


時間唔夾 , 冇車到 .


かわゆおんせん (川湯溫泉)


真係有個湯 ? (唔記得入去睇添)


棕熊捉魚像 .


參觀完畢 , Bye Bye 喇 , 川湯溫泉駅 .


下一站係 "硫黃山" .


好近架咋 .


前面停車場 , 冇人收錢 , 任擺都得 .


紀念品店 , 可以去洗手間 , 一陣再參觀 , 依家上山先 .


就擺呢度啦 , 見唔見天色藍藍地 , 因為開始日落 , 

好彩 "摩周湖" 封路咋 , 否則未必趕得切入黑前往酒店 .


注意 : 小心高溫 .


各位觀眾 : 硫黃山 .


Bye Bye !