2016/06/30

2016北海道雪駕遊D8-1 然別湖畔温泉ホテル風水 早餐篇




Hello !


上回講到食完飯 , 浸完溫泉 , 飲完汽水 , 抖陣就瞓覺 ...

醒來時已經係第八日 , 梳洗過後望出窗外 , 點解一片白濛濛 ?


原來係隔住塊玻璃望出去 , 所以大打折扣 , 

之不過真實情況都唔係太過理想 , 大家一齊欣賞下呢個 然別湖 .

先黎過左邊山景 .


跟住係中間 .


最後係右邊 , 湖面結晒冰 , 睇落硬掘掘咁 ,

好難想像上次黎既時候 , 曾經在湖中遊過船河 . 

如果有時間 , 可以Click入呢度參觀番上次既情景 .


呢度係尋晚影出去既湖上節目 , 離開旅館太遠喇 , 

夾硬行去既話 , 恐怖未玩完都凍瓜左咯 . haha ...


攪掂未 ~ 掂就落去食早餐 , 地點同晚餐一樣 .

不過今次要帶埋早餐券先至可以入場 .


咁多位 ~ 就揀個窗口位黎觀湖 .  ^^


呢度既早餐 , 只屬中規中矩咁啦 .


先影個外圍 , 跟住再逐樣介紹 .


樣樣都簡簡單單 , 實而不華 .


不過 ~ 只要有基本設施 , 既話已經OK , 畢竟只係早餐 , 

太豪都冇意思 , 晚餐就唔同喇 , 招招都要攞命 . haha ...


咁乜野先至係基本設施 ? 個個人都唔同 , 

於我黎講 , 呢D就係基本設施 , 就好似 : 意粉(或炒麵) , 火腿 ...


麵包 .  ^_^ !!


叮麵包機 , 同埋鮮奶 ~ 咖啡等等 ... 就係基本設施喇 . 


當然 ~ 其他配襯都好重要 , 就好似呢D 蛋 & 漬物 .


鹽燒鮭就麻麻 .


   納豆直情係早餐殺手 .   XD


其他配菜 .


豆腐 .


salad bar .


醬汁 .


杏仁豆腐 .


粥 .


鮮奶 ~ 橙汁 ~ 咖啡 .


仲需要考慮咩 ? 梗係鮮奶啦 .


仲要打孖上添 . haha ...


人氣十足呀 .


不過旅行團始終都要行先一步 , 好快就散水 .


我就可以慢慢歎 , 整番杯哩 .  ^^


食完上房執野兼埋單 , 一泊二食加啤酒 , 

合計 : 13758 Yen , 話平唔平 , 話貴唔貴 , OK啦 .

擺齊野上車 , 又到運動時間 .  =_= !!


Bye Bye !



2016/06/29

2016北海道雪駕遊D7-14完 然別湖畔温泉ホテル風水 晚餐篇




Hello !


上回講到參觀完房間之後 , 又係晚餐既時間 ...

餐廳就在地下大堂 , 唔駛帶飛 , 只需要帶門匙就OK .


右上角寫住402 , 即係402號房 , 自己對號入座啦 . haha ...

其實唔駛自己對 , 佢會帶位嘛 , 部份食物經已準備好 .


前面D位係預俾旅行團 , (係本地旅行團) , 不過仲未到達 .


DRINK MENU .


就樽裝啤酒啦 , 好耐未試過 .


依家輪到介紹食物 , 首先係唔知乜野魚 .

好老實講 , 呢條魚我唔係幾Buy , 甚至有D難食 .  =_= !!


白飯 & 湯 .


三文魚 & 蝦刺身 .


豬肉 & 豆腐 .


要黎用水煮 , 加片昆布添 .


菇類 ?


蒸水蛋 & 疑似雞肉 .


一口菜 .


唔知乜野黎 ?


漬物類 .


甜品 .


茶一杯 .


途中旅行團殺到 , 大家有講有笑 , 好熱鬧既呢 .  ^_^ !!


食完拍下欏柚就鬆人 , 順便參觀下間旅館 , 呢個係櫃檯 .


大堂休息處 .


日式擺設 .


擺設說明書 .


旅館商店 .


細細間咁 , 好快就行晒 .


買左小小野 , 係乜野 ? 一陣話你知 .


旁邊有部電腦俾人上網 , 上番自己網誌睇睇 . 


上番房裡 . 頭先買左包薯片 & 飲品 , 睇陣電視就落去浸溫泉 .


溫泉 ~ 女湯叫 彩雲 .


男湯叫 天風 , 彩雲與天風 , 好文藝喎 .  ^^


好抽象既牆畫 , 古靈精怪 .  XD


汽水機 , 浸完飲乜好呢 ?


浸完 ~ 飲完 ~ 抖陣就瞓覺 .

第7日完 .

Bye Bye !