2016/06/14

2016北海道雪駕遊D7-2 道の駅メルヘンの丘めまんべつ篇




Hello !


上回講到一早起身 , 梳洗過後落樓下食早餐 ...

攪掂上房執齊野落大堂埋單 , 一泊二食加啤酒 16150 Yen .

話平唔算平 , 話貴唔算貴 . (其實都屬於偏貴果邊)  =_= !!

埋單後拎埋D行李上車 , 出到去睇睇部車 , 雖然有D雪鋪面 ,

不過唔算嚴重 , 係咁咦掃兩掃就OK .  ^^



同聽日再聽日比較 , 呢度只係濕濕碎 .



個倒後鏡就誇張左D , 十足十俾液態氮淋完咁款 , 一敲就碎 .



之前好似講過 , 呢個叫做 網走湖 .



夏天冇雪時在涼亭觀湖兼野餐 , 應該係一件唔錯既事 .



今日有藍天 , 亦有陽光 , 咁至係架嘛 , 唔講唔知 ,

原來藍天或灰天對心情有好大影響 , 今日既行程大部份時間都係藍天 ,

不過有段時間變得烏雲密佈 , 心情即時直插谷底 ,

所以今次全程絕大部份時間天氣都OK , 算係咁咯 .  ^_^ !!



Bye Bye  喇 , 網走湖荘ホテル , 下次未必會再見 .



正式出發 , 記得拎果樣野出黎 , 否則就大件事 .

拎乜野咁巴閉呀 ? 之唔係太陽眼鏡囉 , 白雪雪既雪地加陽光反射 ,

耐左就眼水長流  , 所以雪駕切記帶埋太陽眼鏡出門 .



講起今日既行程 , 又有野講 , 話說早在上年既 "行程初盤篇" 裡 ,

度好今日既行程 , 點知俾 3J家庭 與及 J少 話條路線完全唔掂 .

仲要俾 J少 質疑我扮新手等人教路 , 真係冤枉呀大老爺 ,

我度路線一向都率性而為 , 經常眼闊肚窄 , 好多時會有失誤 .

幸好經 3J家庭 指點之後 , 又係去番同樣既景點 ,

但條路就順暢左好多 , 響度特別嗚謝 3J家庭 & J少 既仗義執言 .

另外以下有段短片 , 係去第一站 道の駅メルヘンの丘めまんべつ ,

中途經過一個影快相位置 , 其實唔知佢真正要求既車速 ,

求其在50km以下 , 過左骨再開番快D .  XD

1:04 果陣就會見到個影相位 .



後面就係 道の駅 , 拎轉身影下街景 , 先黎左邊 .


中間 .


右邊 .


再右多DD , 就係 道の駅 喇 .


成座城堡咁款 , 有小小 迪迪尼Feel .


雪地加陽光 , 就算落車都要戴太陽眼鏡 .


咁多位團友 , 可以落車鬆鬆腳 . haha ...


其實黎呢度 , 諗住只係去一去洗手間 , 點知另有收獲 .


乜野收獲 ? 最尾先講 .


雪地都咁平坦 , 靠晒呢部鏟雪車 . Thx !!


周邊地圖一張 .


裡面有觀光案內所 .


當然仲有洗手間啦 .


地下有D古怪腳印 , 本來都冇乜點 , 不過中間最底果幾劃係乜野黎既呢 ? 

咁詭異 ~ 唔通係 憤怒鳥 ? haha ...


之前咪話有意外收獲既 , 咪就係有個迷你雪祭囉 .

進擊之巨人 .


五郎丸 ? 乜野黎架 , 請恕我孤陋寡聞 .  XD


唔知係有陽光曬住定抑或係手功所限 ? 展品好似普通左D .


曬成咁 , 車頂D雪水流晒落擋風玻璃度 .


今晚講住咁多先 . 

Bye Bye !



10 則留言:

  1. 雪地開車你正常會開幾多km架?

    回覆刪除
    回覆
    1. 如果係大直路加上四野無車既話 , 車速會快小小 ,
      大約85-90km左右 , 始終都係雪地 , 唔敢去得太盡 .
      如果一般情況都係65-70km .
      前面有車既話就要小心D , 保持一定距離 , 即係幾多km由前車決定 . XD

      刪除
    2. 咁都唔算太慢喎,我仲諗住50-60左右

      刪除
    3. 大直路或者高速 , 車速不能夠太慢 , 否則拖慢了個行程 .
      不過多灣路或者前面有車 , 則不能太快 , 否則好易瀨野 .
      就好似下一篇 , 道の駅メルヘンの丘めまんべつ 往 美幌峠 ,
      Google 預算車程係 40分鐘 , (睇番D相片時間) 我用左50分鐘至到達 , 就係咁解 .

      刪除
  2. 到快相機之前,有冇見到乜野的提示標句呢...??

    回覆刪除
    回覆
    1. 通常在影快相前 , 佢會有通知 , 有塊黃色既牌寫住 : 自動速度 取締路線
      即係短片中 0:19 果陣左上角果塊黃色牌 .

      刪除
    2. 見到了..!! 多謝賜教..!! 這方面我好易中,去過六次日本自駕,被警察捉過兩次超速..!! 命中率達到33.33333% 所以真係要多加注意呀..!!

      刪除
    3. 唔駛客氣 , 不過去六次自駕俾人捉過兩次 , 都唔算嚴重 .
      皆因一般道路限速得果50km , 只要佢有心捉野 , 根本就手到拿來 .
      上次(2014年)我都中過招 , 好彩只係口頭警告了事 .
      咁你俾人捉過兩次 , 唔駛罰錢呀嘛 ?

      刪除
    4. 一次在富良野附近被警察路邊截停,另一次就在阪神高速被警方從後追截,好彩兩次都警告後便走得,可能見你是遊客費事煩,便放你走..!!

      刪除
    5. 口頭警告 ~ 咁都好D , 皆因睇過咁多Blog友既情況 , 都未見過有人因超速被罰款 ,
      所以遊客有優惠呢個神話 , 尚未幻滅 . haha ...

      刪除

歡迎光臨 , 如果時間許可 , 請留番個言丫 ~