2016/12/28

國際車牌2017




Hello !


今日收到一封掛號信 ...


拆開信封 , 裡面係 國際車牌 一個 .


打開黎睇 , 同以前一模一樣 , 正式係五十年不變 .  XD

(唔可以成日變既 , 因為拎出外國用嘛 , 成日改版既話 , 

人地咪無所適從 ? 所以申請左7年都係咁款 , 大有因由)


最尾果頁都係咁啦 , 相片一張 .

大家識唔識得相中人呀 ? 佢就係大名鼎鼎既 ......


今日係28號 , 唔覺唔覺 ~ 距離出發日仲有一個月 , 

今年好似好小寫行程景點篇 , 因為要玩 Pokemon Go 同埋 睇電視 ,

攪到冇晒時間 , 到呢一刻都未正式搵景點 , 唯有等元旦假期谷盡黎攪啦 .

而且今次重點係 和歌山 , 大家仲熟過我啦 , 如果寫 景點篇 , 

未免有D班門弄斧 , 或者要等到返黎先至慢慢寫網誌 .

Bye Bye !



2016/12/26

生日快樂2016




Hello !


今日係12月26日Boxing Day , 亦即係我生日正日 , 

由 Yahoo 搬過黎呢度 , 第四次攪生日會 , (之前果D冇搬過黎)

同以往一樣啦 , 攪番個小型生日會 , 請埋圍內人賀一賀佢 ,

正式係酒微菜薄 , 招呼唔到 . haha ...

仲有 ~ 屋企燈光不足 , 相片比較昏暗 , (一用閃光燈就成張反白晒)

不過唔緊要啦 , 最重要係食得開心之餘 , 又大一歲  , Yeah !!   ^_^ 

開始喇喂 , 生日蛋糕一大個 , HAPPY BIRTHDAY !!


由我黎第一刀 , 最大果件我既 .  XD

跟住果D請自便 .


Wow ~ 好快就得番些小 , 正式係手快有 , 手慢冇 .


唔夠既話 , 仲有D刺身 & 壽司 .


睇番上幾年既生日網誌 , 願望不外乎都係身體健康 , 

跟住係去 北海道 玩得開心 , 事事順利之類 , 願望都叫做成功 , 

今年都唔例外 , 祝願身體健康之餘 , 仲要祝旅行一事 , 萬事大吉 .

呢幾日睇新聞 , 聖誕檔期既 北海道 , 認真唔老黎 , 

唔小家庭既行程就咁就泡湯 , 強如大明星 李嘉欣 一家亦受困 , 

所以希望一個月後 , 所有野都回復正常 , 路路暢通 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

襯仲有時間 , 不如就宣佈埋 和歌山 方面既酒店 .

接回 北海道 行程 , 乘內陸機到 關西空港 , 取車後起碼都 P.M.2:00

玩幾粒鐘就要往酒店 , 所以當晚酒店就在近近地既 和歌山 .


跟住下一晚 , 酒店在 白浜 距離上間酒店車程只係2個幾鐘 , 

有成日流流長 , 日間可以玩好多地方 , 有別於我一貫作風 .


再跟住下一晚 , 距離上果間更短車程 , 只係兩小時 , 

整個日間沿住海邊行 , 正式係睇海景睇到飽都得呀 . haha ...

當晚酒店叫做 : いさなの宿 白鯨 .

再黎下一晚 , 呢間就遠DD , 大約4粒鐘左右 . 


最後果間冇變 , 依然係 御堂筋ホテル , 貪佢近車站夠晒方便 .

就係咁 , 四間轉投既酒店都報上名來 , 能登 果邊就下次先啦 .

Bye Bye !



2016/12/25

2017農曆年之旅 行程大執位篇




Hello !


今日係12月25日聖誕節 , 首先祝大家聖誕快樂 , 新年進步 .

跟住講頭先聽收音機報導 , 話 北海道 受大雪影響 , 

多班航機取消或延誤 , 導致大批乘客滯留 , 包括香港人咁話喎 .

唉 ~ 雖然講過90幾次 , 不過都要講多次 , 如果有得揀 , 

千祈唔好在落雪期間出門 , 有受訪乘客話淨係過安檢 , 都要排足5粒鐘 , 

排到都唔代表食硬可以上機 , 總之就係缺水缺糧 , 安排失當啦 ...

希望佢地可以盡快攪掂之餘 , 亦希望今次農曆年之旅 , 唔好發生D咁既野 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講完閒話就入正題 , 今次呢篇叫做 : 行程大執位 , 

即係話行程將會黎個大執位 , 而執位方面 , 只係在下Part關西果度 , 

北海道路線依家繼續 , 點解會執過條路線呢 ? 

全因為 Blog友 Nerissa (大小姐) 與及 Donald Fan 在 路線介紹篇 既回應 .

思前想後之下 , 覺得所言甚是 , 所以有必要重新規劃關西既路線 . 

 ( 在呢度特別嗚謝佢地既指正 , 唔該晒 ! )  ^_^ !!

既然搭唔成船落 舞鶴 , 內陸機在關西上岸 , 又何必踩幾粒鐘去果度呢 ?

倒不如黎個移船就磡 , 玩過另一邊好過 , 反正呢邊都係未去過架啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

就係咁 ~ 拍板搵過其他酒店 , 盡快將已訂酒店取消 , 

等佢可以放盤俾其他旅客 , 都有成個多月時間 , 算係對得佢住啦 .

講左咁耐 , 輪到介紹條新路線 , 比之前既簡單 , 就係 和歌山 繞場一周 , 

晚上在四個地點落腳 , 分別係 和歌山駅 ~ 白浜 ~ 太町地 ~ 鳥羽 .

Check過最長果程車都只不過係四小時左右 , 所以輕鬆好多 .

四間酒店分別都搵齊 , 遲D再向咁多位介紹 .

另外 能登半島 果頭 , 始終都會去番趟 , 或者係下次啦 .

Bye Bye !



2016/12/19

窩心的電郵




Hello !


呢篇網誌叫做 : 窩心的電郵 , 顧名思義 , 

即係收到封電郵 , 內容非常之窩心 .  ^_^ !!

封電郵唔係好多個字 , 主要內容大致係咁講 : 

我就黎出發往北海道自駕遊 , 心情異常緊張 , 

所以熟讀晒我既雪駕心得與及行程景點內容 , 又話多謝我既幫忙 , 

見到我去過好多次北海道 , 好多景點都係由我果度參考返黎 ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

首先要同呢位讀者講聲多謝 , 之後就係講太客氣咯 , 

皆因有你既支持 , 係我既榮幸 , 況且要睇晒我既旅遊網誌 , 

大大話話都幾佰篇 , 就算係我自己 , 都未必會逐篇重溫 , 

所以一定要封佢做VIP讀者 , 仲要俾夠十個Like . haha ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實寫旅遊網誌 , 最主要都係做個記錄 , 俾自己開心下 ,

等返到黎香港 , 起碼都有半年時間可以重溫當日既行程 .

估唔到有人會參考 , 所謂助人為快樂之本 , 幫得到手 , 自己都開心 .

之不過我既行程景點及路線 , 未必係咁大眾化 , 

所以只可以作部份參考 , 我都唔建議跟到足咁行法 .

就好似2011年雪駕遊果次 , 攞車後即刻由札幌踩上稚內 ,

果陣係第一次雪駕 , 即刻就踩轉咁辣既行程 , 其實都幾不智 .

跟住2012年果次知床通宵車 , 依家睇番都覺得幾癲下 .  XD

仲有2013年果次連人帶車過青森 , 亦係比較另類 , 

但係就好過癮 , 相信唔係咁多人會咁玩法 .

仲有 ~ 大部份時間我都係沿住海邊條路黎行 , 經過乜乜岬就睇乜乜岬 , 

鍾意既就冇所謂 , 唔鍾意既就會覺得怪怪地 . 

(就今次都唔例外 , 第二日在機場取車後 , 即往石狩方向行 , 目的地係留萌市)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後 ~ 感謝大家多年黎既支持 , 雖然未必有留言 , 

但係只要幫到大家手 , 我都好樂意將我既遊記同大家分享 , 

不過最好就留番個言啦 . haha ...

Bye Bye !

P.S. : 今次本來想搭船由北海道落關西 , 可惜檔期唔容許 , 可惜 .

有機會真係想試一試佢 . Yeah !!



2016/12/13

2017農曆年之旅 路線介紹篇




Hello !


上回講到介紹完兩程租乜車 , 今次輪到講解下條路線 .

首先第一日 : 搭夜機往 關西空港 , 入境後一直磨到聽朝 , 

跟住轉搭內陸機往 北海道 , 取車後一路向北 , 

(今次只係路線介紹 , 景點遲D再詳細講解)

酒店就係早前介紹過既 ホテル神居岩 .

第二日同以往一樣啦 , 沿住海邊北上 , 經過 稚內 , 

酒店早前亦介紹過 , 叫做  枝幸温泉 ホテル ニュー幸林 .

第三日就要南下 , 沿海行到冇得行就入返陸地 , 

酒店亦都介紹過 , 叫做 温根湯温泉 大江本家 .

跟住輪到第四日 , 今日主要行程係返回 札幌 還車 , 

本來諗住夜晚搭船落 舞鶴 , 不過最後告吹左 , 唯有在 札幌 搵酒店 .

搵到呢間平平地 , 叫做 京王プラザホテル札幌 .

(呢間酒店其實好耐之前住過 , 當時仲話永不錄用 , 

不過呢個世界冇永遠既敵人 , 就俾次機會佢啦)

黎到第五日行程 , 呢日既任務就係落 關西 , 食完早餐就要出機場 , 

搭內陸機往 關西空港 , 再在機場取車後 , 即向 能登半島 方向行 .


第六日 , 呢日又沿海邊行 , 中途見到一個叫做 三山五湖 既地方 , 

最後經過 千里濱 , 晚上酒店就係 : 休暇村 能登千里浜 .

第七日 , 呢日在 能登半島 , 玩得幾多得幾多 , 晚上酒店就係 :

八尾ゆめの森 ゆうゆう館 . (能登半島 好難搵酒店 , 唯有住外圍)

第八日 , 呢日返回較近 機場位置 , 又係中途有乜遊覽乜 .

晚上住 琵琶湖 既旅館 : かんぽの宿 彦根 .

第九日既任務就係返 難波 還車 , 夜晚住返上次住過既 : 

御堂筋ホテル . (貪佢夠熟路 , 唔駛慢慢搵 , 價錢亦都合理)

第十日 , 晨咁早就要出機場搭機返香港 , 酒店早餐都冇時間食 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

以上就係今次既行程大綱 , 景點細節位要遲下先 .

今晚講住咁多先 .  ^_^ !!

Bye Bye !



2016/12/08

2017農曆年之旅租車篇




Hello !


上篇尾段講到兩程車都Book好 , 襯今晚得閒 , 

一於整番篇 , 遲下Pokemon go有新攪作 , 又要出去火拼 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今次行程分開 北海道 & 大阪 , 先講北海道呢邊 ,

入選名單只有兩款車 , 首先係剛於上次租過既 ELGRAND .


個Plan係咁款 .


跟住係 Toyota Mark X  , 個Plan就係咁 .


二揀一之下 , 最後由 Mark X 贏個馬鼻勝出 .  ^_^ !!

其實ELGRAND我都好鍾意 , 加上上次剛租完 , 唔駛花太多時間熟習 , 

不過我想試下唔同既車款 , 所以無奈地揀左 Mark X .

如果係長期讀者 , 或者會發現 , 由2010年首次自駕遊開始 , 

只係試過一次租同一款車 , (Axio) 期餘次次都係唔同款 .

今次租 Mark X , 返到黎又有排匯報佢既性能 . Yeah !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住輪到 大阪 呢程 , 呢度既選擇多好多 , 入選名單包括有 : 

Note ~ Cube ~ X-Trail ~ Aqua ~ Prius ~ Vezel ...

最後揀左 Vezel , 個Plan就係咁款 .


上述既車款 除左 Aqua & Prius 試過之外 , 其他既都未試過 ,

而呢款 Vezel 個款幾型仔 , 所以就揀佢啦 , 

之但係個名都幾陌生下 , 唯有上Youtube搵下佢既資料 , 

搵到呢段介紹片 , 一齊睇下咯 .  ^_^ !!


好喇 ~ 兩款入選車都介紹過 , 遲D再慢慢講佢 .

Bye Bye !



2016/12/05

真係俾佢一鑊蹺起




Hello !


呢篇長話短說 , 開場白都唔講喇 , 直接講主題啦 .

黎緊呢次既 北海道+大阪 之旅 ,  北海道 落 大阪 果一程 , 

諗住試下搭船落去 , 船公司都搵埋 , 叫做 : 新日本海フェリー

雖然搭船時間比內陸機長 , 由 小樽 去 舞鶴 , 要成20個小時 , 

不過未試過 , 諗住試一試佢 , 其實都留意左佢好耐架喇 , 

網頁話佢每日都有一班船南下 , 於是乎就大安旨意 , 

等攪掂晒所有野先至Book船 , 所謂所有野 , 即係每晚既酒店房 , 

兩邊既車 , 3程飛機 , 最後係路線 , 好喇 ~ 幾經艱辛之下 , 

終於攪掂晒 , 諗住上佢網度Book船位 , 點不知2017年起 , 

並唔係每日都有船南下 , 而係不定期咁開船 , 好唔好彩 ~ 

我度好上船果日正正係欠航 , 真係俾佢吹到啤啤聲 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

谷氣都冇辦法 , 要諗計解決佢 , 如果夾硬要果日搭船落去 , 

都唔係冇辦法 , 不過要去 苫小牧 上船 , (本來預算在 小樽 上船)

落船地點就係 敦賀 , (本來預算在 舞鶴 落船) 船程仲短左小小添 ,

呢個方案最後都被否決 , 因為 苫小牧 果頭 , 入夜好似鬼地方咁 , 

唔似得 小樽 果頭咁方便 .

(23:30 開船 , 18:00要還車 , 中途時間好難打發)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後決定都係搭內陸機落去 大阪 , 尋晚剛剛訂左機票 , 

都係幫襯 PEACH , 8190Yen 就OK .

雖然係咁 , 都有小小野要改 , 就係要在 小樽Book酒店 , 

(本來諗住在船上過夜) , 仲要改租車果度 , 

(本來諗住在 舞鶴 租車 , 依家要改為在 關西空港)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今次兩程車都Book好 , 究竟係乜野車 ? 遲D話你知 .

Bye Bye !



2016/11/21

完成多一小步




Hello !


又到星期一 , 行程方面 , 今周又攪掂多小小野 ...

未開始之前 , 先叉開一陣 , 上篇再上篇咪講 福岡 地陷既 .


經過一星期搶修 , 經已回復原貌 , 效率真係高到冇朋友 . 

香港曾幾何時都係以效率高見稱 , 不過今時今日就 ... 

好話唔好聽 , 若然呢單野在香港發生 , 過多一頭半個月都未必攪得佢掂 , 

班友淨係識得爭拗 , 邊係做野丫 , 可能依家仲講緊邊個要負責任 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 閒話就講完 , 輪到講行程一事 , 早排有Blog友問 , 

Book左酒店未 , 唔驚Book唔到咩 ? 其實都驚架 , 話晒都叫做農曆年 , 

各方面都比較緊張 , 有買就要襯手 , 之但係每日時間有限 , 

做唔到幾多野 , 所以決定先度行程路線 , 預算在邊度落腳就先搵酒店 , 

經過一番搜尋 , 總算解決左 北海道 呢Part , 景點日後再慢慢搵 .

之前唔知有冇講過 , 預算在 北海道 住3晚 , 跟住落 大阪 果頭 .

依家就介紹三間入圍酒店 , 大家不妨參詳一下丫 .

首先係第一晚 , 酒店叫做 : ホテル神居岩


跟住第二晚 : 枝幸温泉 ホテル ニュー幸林


最後係第三晚 : 温根湯温泉 大江本家


攪掂完 北海道 行程 , 之後就落 大阪 , 果度著手緊 , 

有進一步消息再通知大家 , 今晚講住咁多先 .

Bye Bye !



2016/11/14

完成一小步




Hello !


話咁快又一個星期 , 呢個星期解決左一樣重要既野 , 

就係辦妥今次 北海道+大阪 之旅既機票 .  ^^

一般黎講去旅行既前期功夫 , 包括有 : Plan行程景點 ~ 

申領國際車牌(自駕遊既話) ~ 訂來回程機票 ~ 每晚入住既酒店 ~ 

同埋租邊一款車 ~ 最後就係因應行程所要帶既裝備 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後果樣都幾重要架 , 就好似冬季北海道自駕遊 , 

太陽眼鏡可以話係必須要帶啦 , 其他好似行山拐杖 ~ 

冷帽手套頸巾 ~ 零食之類亦不可缺少 .

而今次呢篇網誌叫做 "完成一小步" , 意思即係話 , 除左訂機票之外 , 

其他全部都未郁過 , 好彩 ~ 有的是時間 , 依家先至係11月中 , 

距離真正出發日 , 仲有兩個月多DD , 咁幾時先至著緊D ?

等Pokemon Go玩到 Level 35先至停一停 . (依家去到Level 34.5)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講左咁耐都未講幾時出發 , 同上次一樣 , 又係大年初一正日出發 , 

返黎就係年十一 , 頭尾加埋十一日 , 不過頭尾果兩日都冇行程 , 

所以只係得九日行程 , 要好好咁善用 , 至於其他租車 ~ 酒店 ~ 

國際牌與及行程 , 有進一步消息再通知大家 .

不過講小小租車呢Part , (頭段北海道) 諗過幾款車想租 , 

包括想租多次 ELGRAND , 因為上次租過 , 覺得佢都唔錯 , 

車身寬敞之餘 , 仲夠晒高 , 上落車都比較方便 , 

如果外面大風 , 仲可以在車裡面食午餐添 .  XD

睇下點啦 , 依家只係初步構思 , 仲未有定案 .

今次講住咁多先 . 

Bye Bye !



2016/11/08

咁快就黎料 ?




Hello !


平時比較鍾意留意日本既新聞 , 今次搵到兩單黎講 .

首先呢一單係頭先食晚飯時睇電視新聞報告 , 內容係福岡果頭既地陷 , 

Wow ~ 正式係唔睇新聞片都唔知佢咁堅 , 好地地一條馬路忽然地陷 , 

變左一個大窿 , 究竟D泥去左邊 ? 委實令人費解 ?

好彩冇人受傷 , 都算係不幸中之大幸 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

下一單 : 札幌暴風雪 , 陸空大亂 ...


呢單料係尋日報紙新聞 , 報導話北海道受到冬季低氣壓影響 , 

周日廣泛地區落大雪 , 積雪達到23cm , 部份更高達40幾cm咁話喎 .

咁快就玩呢味野 , 平時乜野月份先至會咁架 ?

仲以為11月份睇紅葉添 , 好話唔好聽 , 陸空交通大亂呢瓣 , 

正式係去旅行既大忌 , 行程各方面乜野都Set好晒 , 

所謂牽一髮動全身 , 真係諗起都驚 .  >_< !!

好 ~ 今晚又講住咁多先 .

Bye Bye !



2016/11/06

失蹤一排去左邊 ?




Hello ! 


睇番上篇網誌既日期 , 係10月21日 .

唔覺唔覺成兩個星期冇寫野 , 咁呢段日子去左邊度呢 ?

都係玩Pokemon Go啦 . ^^

(講開又講 , 經常有位Blog友問有冇玩Pokemon Go ? 玩緊喇 ~ 唔駛問咁多次既)

上周佢攪左個萬聖節活動 , 分數加倍之類啦 , 玩開既Blog友就知架喇 .

果段日子除左返工之外 , 幾乎全部時間都俾晒佢咁滯 , 

每晚一收工食完飯就去 海港城 磨爛蓆 , 玩到個商場收工就轉場去 

訊號山公園 度繼續捉野 , 夜一夜先至返屋企訓覺 , 

連電腦都冇開機 , 生活相當之糜爛 . haha ...

活動完結後埋單計數 , 由本來Level 33 , 升上34 .

啟暴龍亦由原本兩隻變左六隻 , 鯉魚龍亦有12條 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

依家塵埃落定 , 可以休息番陣 , 今日下午係咁咦搵旅遊料 , 

不過都搵唔到乜野出樣 , 條路線點行亦未定 , 

只係搵到一個唔錯既景點 , 叫做 : 北きつね牧場 .

果度有狐狸參觀 , 再深入研究一下先 .

如果有Blog友曾經去過參觀 , 可以報一報料 , 等我去你果度睇睇 .

今次呢篇只係報平安 , 遲D先再詳細講過 .  ^^

Bye Bye !




2016/10/21

旅遊任務




Hello !


以往搵旅遊料都靈感不絕 , 可以話係得心應手 .

今次因為將D時間用黎打機 , 所以冇晒時間 , 講開又講 ~

果隻Pokemon Go已經打到Level 33 , 要再升一級既話 , 

經驗值要成一百萬 , 正式係慢慢長路 ,   ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日無啦啦掛8號風球 , 可能屋企位置唔當風 , 

所以都唔覺有乜野大風 , 曾幾何時某次風球 , D風吹到發 ~ 發聲 , 

幾驚D玻璃窗俾佢吹爆 , 正式係嚇足成晚咁滯 .

既然今日變成假期 , 就抽時間黎搵料 , 不過都搵唔到乜野 , 

任務倒也搵到幾個 , 就寫低等大家一齊參詳下 .

首先第一個任務 , 呢個任務就要去番上次旅遊網誌

當日曾經借過旭川某餐廳既洗手間黎解困 , 而我份人有仇未必報 , 

有恩就好想還 , 所以想去番果間餐廳黎幫襯 , 

唔知夾唔夾到時間呢 ? 盡量啦 !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住呢個任務就係食wasabi壽司 .  ^_^ !!

話說呢間在大阪難波區既市場壽司 , 會加料俾D外國人 .

正式係辣辣壽司邊個食 , haha ... 等我去試試仲有冇呢一著 .


另外一個任務就係搵小強 .


報導話北海道呢個地方 , 因為位處嚴寒 , 唔適合小強呢類昆蟲 , 

所以好多當地民眾都未見過咁話喎 , 還記得2014年去果次 , 

部車都車死唔小昆蟲 , 究竟係咪真係搵隻小強都難 ?

真係有待考究 , 咁堅 ~ 係真唔係呀 ?

好喇 ~ 任務暫時諗到呢幾樣 , 再諗到其他先至再寫 .

Bye Bye !



2016/10/16

貴到啊媽都唔認得(二)




Hello !


睇番上年既網誌 , 有篇叫做 "貴到啊媽都唔認得" , 

今次呢篇網誌內容同上次差唔多 , 本來決定得農曆年出發 , 

都預左佢貴架喇 , 不過點都要寫番篇網誌黎抒發一下情緒 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

早日上 ANA藍天假期網頁度睇 , 佢地都出左農曆年價目表 , 

搵番北海道3天旅遊套票 , 再搵曾經住過既 Hotel Gracery Sapporo , 

跟住再對番出發日期 , 該段日期叫做 : B期間 , 單人房叫價 : $6150 .

當然唔會咁簡單啦 , 仲有右手邊既旺季附加費 : $1700 .

再加上機場稅等雜費 , 預佢 $1000.左右 , 合計 : 8850 .

(好彩今年農曆年同雪祭日期唔同 , 否則仲要貴過幾個百份點)

相信都唔會幫襯佢咯 , 之後再上 Jetstar 度睇睇 , (上次都係幫襯佢)

價錢都唔簡單呀 , 淨係由香港去到札幌果程 , 都接近$5000 .

不過佢D時間靈活D , 我諗都會幫襯佢 , 還記得上次返 大阪 領取相機 , 

來回都係 $2000左右 , 就算買埋內陸機 , 頂多都係$4000 , 

雖然講過好多次 , 如果有得揀 , 千祈唔好在大時大節出門 .  >_< !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~`

另外講番行程 , 其實都未諗到 , 因為要出去玩 Pokemon go , 

就好似依家咁 , 寫完呢篇又要出去 , 玩到做 英超 先至返屋企 .

係咁先 , 請呀 ~ (第日有新消息再講過)

Bye Bye !



2016/10/10

賣魚佬再開檔 ~ 有腥氣




Hello !


唔記得之前有冇講過 ? 因為種種原因之下 , 

每年出門旅行既時間 , 只能夠在農曆年間 , 而黎緊既農曆年間 , 

就在明年1月尾開始 , 即係話距離依家仲有3個月多DD , 

都係時候開始籌備 , 只不過呢刻所有既空餘時間 , 

都俾晒 Pokemon go 咁滯 , 淨係睇近排既出稿量已經知道 .

所以暫時只係得個大方向 , 就係好似上次咁 , 北海道 + 大阪 . 

分別係每度各佔一半 , 唔似得上次大阪只得一兩日 , 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

雖然話行程DD都未定 , 不過有兩個地方一定會去 , 


同埋 : スパワールド世界の大温泉 , 呢兩個地方都令我好難忘 , 

所以一定要翻兜佢 , 好啦 ~ 依家開始每日抽小小時間黎搵料 , 

希望盡快攪掂佢啦 , 其餘時間要黎玩 Pokemon go .

Bye Bye !






2016/10/05

2016砌機專輯(四)完




Hello !


唔覺唔覺 , 又一個星期 , 今次講埋砌機專輯既結局篇 .

上回講到砌好晒D硬件 , 跟住開機入Bios睇睇 ...

裡面基本上都Set好晒 , 大部份野都唔駛郁佢 .


只係對番D野齊唔齊 .

底板 OK ~ CPU都OK , 另外Ram都冇問題 .


跟住睇呢邊 , 兩個DVD同埋兩個硬碟機都OK , 全部掂晒 .


掂晒就輪到最後一Part裝Window , 拆開包裝盒 , 有隻USB .

(P.S. : 根據 t先生既提供 , 最好係在網上下載最新版本既Window黎安裝 , 

好過用呢隻手指既舊版本 , 咁樣就慳番日後唔小功夫 , 

不過既然影左相 , 咁就寫埋落去 , 當係反面教材黎睇啦 . )  =_= !!


將手指插在USB插口 .


跟住按Boot .


搵番 Window 10 打頭陣 .


再重新開一次機 , 就會去到呢個畫面 .


選擇語言之類 , 手板眼見功夫 .


立即安裝 .


輸入金鑰序號 .


乜野都揀下一步 .


由於係新機 , 揀下面果欄 .


見到兩個硬碟 , 一大一細 .


分割果D唔講喇 , 自己執生啦 .  XD


由得佢自己Load一陣 .


見到呢個畫面 , 都差不多攪掂 .


不會花費很多時間 .  ^^


攪掂 !!



Bye Bye !

一連四篇砌機專輯就攪掂晒 , 日後再講其他野 , 多謝收睇 .



2016/09/28

2016砌機專輯(三)




Hello !


今晚星期三 , 有小小時間 , 解決埋篇砌機專輯佢先 .

上回講到砌左DVD機同埋藍光碟機上去 , 

攪掂就係咁款 .  ^^


跟住輪到兩個硬碟 , 即係 HDD & SSD .


拆開包裝 , 傳統硬碟機大部好多 , SSD 夠晒輕巧 , 容量亦細好多 .


求其搵兩個位安裝上去 .


砌好個擺位 , 輪到插線 , SATA線 ~ 幼幼地 , 

同以前既 IDE 線差天共地 .


插完連接線 , 再搵番D電源線黎插 .


最後輪到重頭戲 , Graphics Card .


拆開包裝 , 記得撕走張膠貼 .

裡面真係冇安裝CD送 , 要自己上網Load .


插埋上去 , 駁上電源 , 確定所以電源線都安裝妥當 .


尤其係呢條 , 陰陰濕濕咁 , 好易漏單 .


機背D線都要執得好好睇睇 .


準備好未 , 掂就黎架喇 , 1 ~ 2 ~ 3 開機 !!


睇下係咪所有燈 & 風扇都運作正常 .


都幾有型喎 .


前面既風扇盞紅燈夠晒勁 , 我鍾意 .

另外底板側面都有燈 , 勁呀 !


今晚講住咁多先 .

Bye Bye !