2010/06/29

2010北海道10天自駕遊(修訂版)D2-4地獄谷篇B




Hello !


上回講到在 "登別" 地獄谷果度沿山路直上 .

今次既行山路 , 只屬濕濕碎 , 預告定小小 , 

過幾日去 "洞爺湖" 有珠山果一帶行既火山路 , 

先至稱得上有排行 , 慢慢行啦 .


駛唔駛咁斜呀 ? (梗係冇咁斜啦 , 只不過係低炒咋)  ^^


行多5分鐘先到 "展望台" .


前面就係 "日和山大湯沼展望台" .


呢度就係尋日果個 "大湯沼" , 今日冇乜蒸氣 , 睇得清楚D .


之後發生左段小插曲 , 話說果度有一條路可以行落去停車場 , 

諗住行落去啦 , 不過可能尋日落完雨 , D泥鬆鬆地 , 一腳踩落去 , 

攪到一鞋都係污泥 , 如果夾硬行晒落去 , 對鞋唔駛要都似 ,  

所以逼於無奈要原路折返 , 行番去頭先條 "棧道" 算數 .

參觀埋呢度 , 先至去清理 . (對鞋新買冇耐 , 慘)


再一次參觀呢個蒸汽山 , 現場充滿 "硫黃味" , 有冇毒架 ?


地下有條小河 .


睇過明珠台 "人在野" 教路 , 話D水唔飲得架 .


行到盡頭 , 有個類似井既窿 .


只係小水池一個 , 不過就大有來頭 .


叫做 : 鐵泉池 .


係一個 "間歇泉" , 即係久唔久爆水果隻 . (水溫約80度)

不過呢度冇 "泉源公園" 爆得咁勁 .


有D氣泡谷上黎 .


參觀完之後 , 行番去停車場 .


果陣開始有D毛毛雨 .


又見到 "東X遊" , (唔知係咪 "蟹御殿" 果團呢?)

咁多位團友 , 記得帶遮呀 , haha ...


頭先冇乜車 , 依家泊滿咁滯 .


經過原本想住果間 "第一瀧本館" .


相比之下 , 佢既溫泉又真係正好多既 .


日歸客入口 .


向前行多一段路 , 真係有 "紅魔 & 藍戰士" .  ^_^ !!


仲有間神社添 , 不過冇上去 .


因為要去參觀 "熊牧場" .


Bye Bye !

2010/06/27

2010北海道10天自駕遊(修訂版)D2-3地獄谷篇A




Hello !


上回講到食完早餐洗埋車之後 , 

下一站就係過隔離 "登別" 地獄谷 . 由酒店果度 , 途經 "登別駅" , 

再轉入溫泉區 , 話咁快就到 , 駛入停車場 , 擺好部車 , 

帶埋相機就可以落車 , 登別駐車場 .


好完美既泊位呀 . (有得揀我一定會揀D兩邊冇車既位黎泊)


連埋尋日 "大湯沼" 停車場果張泊車券 , 加埋兩張 , 

左手邊果張一陣參觀 "熊牧場" 時用 .


地獄谷 , 左邊160m後就係 .


充滿郊野公園 Feel , 我鍾意 .


廁所都有鬼仔既標誌 .  ^^ (有人黎緊 , 快快手影先)


行上D就見到呢塊牌 "登別地獄谷" , 睇人地既相片就睇得多 ,

自己黎到 , 又有另一番感受 , 仲有一樣野 , 

就係呢度真係好大陣 "硫磺" 味 ,

尋日 "大湯沼" 果度都有 , 不過冇呢度咁勁 .


再深入小小 , 見到 "藥師如來" .


所謂入屋叫人 , 入廟拜神 , 拜兩拜先 , 祈求事事如意 .


地面陣陣白煙升起 . (立入禁止)


真係有D地獄 Feel 喎 .


一片荒蕪 . (遠處就係酒店區)


遠處有條棧道 . (明修棧道 ?)


相信就係地下黃黃地色果D野 , 發出硫磺既味道 .


唔去 "棧道" 住 , 在分叉路轉左上 , 行一陣就見到個涼亭 .


小型展望台 .


各位觀眾 , 呢度就係 "地獄谷" . Yeah !


望番落去見到頭先既 "棧道" .


Zoom近D睇 , 一陣落去呢度 , 又係一個 "間歇泉" , 

不過冇 "泉源公園" 果個爆得咁大 .


搵番尋日去既 "大湯沼" .


好詳細既地圖 .


大湯沼 , OYUNUMA , 右邊 .


上上落落咁 , 會去到邊度呢 ?


Bye Bye !

2010/06/25

2010北海道10天自駕遊(修訂版)D2-2Toyota corolla Axio篇B




Hello !


上回講到介紹緊部 corolla Axio , 依家繼續Check車 .

死火燈 , OK ! (Toyota既車 , 好小用得著掛 ?)


車頭燈 ~ OK (入隧道靠晒佢 , 叉開小小 , 有部份隊道D燈光好唔掂)


指揮燈 ~ OK (次次轉灣都用架)


側面都有一盞 , 型呀 .


車頭燈個款幾有型 , 我鍾意 .


入油蓋 & 車尾箱蓋 ~ OK .


開得到 ~ OK


車尾廂都冇問題 ~ OK

車尾廂下面 , 掀起塊蓋 , 見到士啤呔及工具 .


波棍 ~ OK

"N波 與 D波" 成一直線 , 入 "後波" 就要上一格 , 夠晒安全 .

仲有 ~ "P波" 轉其他波 , 要踩住煞掣先郁得 . 


冷氣 ~ OK , 中午時份好鬼熱 , 早晚就唔開都得 .


手掣 ~ OK


司機位可以控制四邊車窗及鎖門 .


倒後鏡 ~ OK


右邊係倒後鏡開合掣 , 左邊個掣如果一個人坐車就撥去0

倒後鏡右邊郁得 ~ OK

    
左邊都冇問題 ~ OK


車牌 ~ 好清楚 , 掂 !


4WD 聽落好似勁D .


經過一日行車 , 行了 91.9 公里 (仲有排行呀)


認住佢個名 , 佢叫 : Toyota Corolla Axio !

攪掂好就可以出發 .

Bye Bye !