2010北海道10天自駕遊(修訂版)序&凌晨機篇

Hello !

如果有睇開我既旅遊網誌 , 應該都會知道 , 

我一向都係寫得有咁詳細得咁詳細 , 除了同大家分享行程之外 , 

最重要係提供番D資料俾Blog友們 , 皆因每次出門 , 

我都會用大量時間參考其他Blog友既網誌 , 所謂 : 飲水思源 , 

人地上黎睇到我D網誌 , 吸收左經驗 , 再傳番俾其他人 , 

到我他日去第二度 , 又參考其他人既網誌 , 如此循環不息 , 

薪火相傳 , 正係我寫旅遊網誌既目的 .  

講番今次旅程 , 當中有成功 , 興奮 , 驚嘆 , 驚喜 , 不過亦有失敗 , 

失策 , 失望 , 更甚至有休息 , 封閉 , 有D鬼影都唔多隻 , 

總之就各式其式乜都有 , 講多無謂 , 即刻去片 , 由於今次係坐凌晨機 , 

所以放工食完飯就要執行李 , 攪掂出機場 , 

Check in 之後過埋關出境 , 過晒所有關 , 時間係晚上 11:41

仲有D時間 , 上免費電腦Check番自己個網誌 .

差唔多夠鐘先去候機處 JL028 ~ Gate 21

落下一層 , 唔駛搭鐵路 .

Gate21  JL028   01:20  羽田機場 .

話咁快就上埋機 , 機內情況 , 個個都冇厘神氣 . =_= !!

大約一小時後 , 開始派 "宵夜" . (食又唔係 , 唔食又唔係)

只係得凌晨3-4點果陣有睡意 , 把握唔到就冇機會 .

幾經艱辛終於到達 "羽田" 機場 , 又係果D打手指模過關手續 ,

可能係凌晨機關係 , 所以唔多駛排隊 , 只係排兩三個人就OK , 

唔似得 "成田" 果邊 "賓墟" 咁既場面 , 見到都驚 .

記得拎番件寄倉行李 , 出去8號站搭免費巴去 "內陸線" 果度轉機 .

坐一陣就到 "內陸線" 果邊 , 搵番JL櫃位 , 

由於在 "香港" 果度已經攪掂埋呢程內陸機既登機証 , 

所以只要交件寄倉行李俾佢就OK , 係咁咦過關之後 , 繼續候機 .

JL 509  08:00 札幌 (記得較快隻錶一個小時呀)

起初覺得只有個半小時 , 夠唔夠做咁多野架 ?

原來攪到黎 , 時間仲有突 , 可以輕輕鬆鬆咁候機 .

就係呢部 JL509

仲有時間可以行鋪頭 , 不過冇野買住 .

內陸機比較有虛位 , 隔離位冇人坐 , 夠晒鬆動 ,

本來睡眠不足就理應會殘晒咁款 , 可能係去"日本" , 心情完全唔同 , 

全身細胞活化 , 所以鬼打都冇咁精神 , 勁呀 ! 

一個鐘頭多D既機程 , 話咁快就到步 , 

拎齊行李之後 , 正式到達 , 可以展開10日自駕之旅 , Yeah !

今次唔駛搭JR , 只係搵租車公司櫃位 . 

Bye Bye !