2009/07/31

2009北海道8天自由行(修訂版)D4-2白之戀人工房篇A




Hello !


上回講到食完早餐落樓下影相 , 

影完之後搭巴士往 "白之戀人工房" , 大約35分鐘車程 , 

到達工房附近 , 直行多幾分鐘就到達 .

Mason Art Home 幾有特式喎 . 


再行前多小小 , 有間 ENEOS 油站 , 都係果句啦 , 當時發夢都冇諗過 , 

下一年 (即係 2010年) 會在北海道自駕遊 , 真係世事難料 .


對面線仲有間 "蜆殼" 油站 , 不過有得揀既話 , 我鍾意幫襯ENEOS多D .


再行多一陣 , 唔駛見到 , 淨係聞都聞到佢陣 "朱古力" 味 , 正呀 !


入口在前面 .


呢個唔係入口 . (再行前D先係)


鐘樓一座 . 


一排小雪人 , 好得意呀 .


呢個乜野門黎架 ? (唔記得添)


入館受付 . (向右行)


對面都係一個景點黎 , 一陣會參觀埋佢 .


黎多張鐘樓 .


充滿古堡 Feel .


呢度有停車場 , 即使係自駕遊都唔怕冇位泊 .


攪掂買飛入場 , 600Yen (送朱古力餅一塊)


吊燈 ~ 好似蠟燭咁款 .


果陣經已有300萬人入場 , 一別數年 , 唔知依家有幾多人次呢 ?


沿路參觀 , 第一個見到既就係呢座噴水池 .


有冇碎銀黎許願呀 ?


上二樓高炒佢 .  ^_^ !! 


Hot - chocolate cup room . (好彩英日對照)


櫃裡面好多茶杯 .


1924 ~ 1934 年 , 果然係古董喎 . 


連天花板都經過獨特既設計 , 勁 !


學人影花先 .


我諗係真花掛 .  ^_< !!


Package ' label room


貓腳印 .


唔知係乜野人物呢 ?


石屋製果之歷史 , 上番堂歷史課 .


白色果兩個係人型黎架 , 不過聽唔明講乜 , 呢課歷史堂上唔成咯 .


好古舊既鐵盒 . 


Bye Bye !

2009/07/29

2009北海道8天自由行(修訂版)D4-1市內巴士篇




Hello ! 


上回講到在 "LOTTERIA" 試個 "極品套餐" , 

之後返酒店 , 食完宵夜再睇陣電視 , 攪掂埋D手尾就休息 .

早上醒來去洗手間 , 見到門口地下多左D野 , 原來係報紙一份 .

讀賣新聞 2009年(平成21年)2月24日火曜日


不過依家循例都要介紹窗外既風景 .


晨早空氣清新開朗 , 陽光溫暖帶來無限美 . haha ...


能見度高過前日好多 .


有車到 .


攪掂埋D手尾就上去食早餐 , 今次照舊 35/F 西式果邊 .


35/F , 個景好靚 .


食完落番房執野出發 , 不過落到樓下 , 又要循例影番Part .


ESTA 10/F 係 "拉麵共和國" . (好似講過好多次)  XD


ESTA 隔離就係酒店 , 見唔見到我間房呀 ? (梗係見唔到啦)  ^_< !! 


差唔多 A.M.9:00 , 影多幾張就要出發 .


左手邊大約10點鐘位置果座 , 就係 Hotel Gracery , 他朝變成佢既常客 .


到依家我都認為 , 呢個電梯大堂設計認真獨特 .


Loft , 唔知依家變成點呢 ? 呢幾次都冇乜留意添 .  =_= !!


地下有個巴士總站 .


而今次就係呢度上車 .


落番地面先 , 頭先企中間果條天橋影相 .


入去咯 .


地下加D黑砂 , 行起上黎放心好多 , 唔該晒 .


入到去搵番上車個站頭 , 上車第一件事 , 就係拎番張 "整理券" , 

呢張券係要黎提示你落車要俾幾多錢 .


呢個係總站 , 整理券號碼自然係1號啦 .


依家未開車 , 開車之後 , 個顯示版會著燈 .


我係第一個上車 , 仲未有其他搭客 .


開車 ! 講番今次行程 , 目的地係 "白之戀人工房" , 

去果度可以搭地鐵及巴士 , 我選擇後者 , 因為我鍾意坐巴士多過地鐵 , 

即使係出機場 , 如果情況許可既話 , 我都會揀坐巴士多D .


中途不斷有客上車 , 不過點都係得小貓三幾隻 .


大把 "吉位" 任揀 .


下一站係 "時計台前" .

左手邊果塊顯示版 , 1&2號暫時都係 200Yen , 

如果架車開得越遠 , 價位就會不斷上升 , 到你落車果陣 , 

就要俾番個價位既銀碼 , 中途上車既 "整理券" 就會平D , 如此類推 .


小小塞車 , 在所難免 , 市區嘛 .


大約35分鐘 , 準備在 "西町北20丁目"度落車 .


車頭俾錢 , 放張 "整理券" 落去 , 

即刻就計算出你需要俾幾多錢 , 連隨入埋錢落去就攪掂 .


由總站黎呢度 , 盛惠200Yen .


西町北20丁目 , 一陣呢度上番車 .


白之戀人工房就在前面無幾遠 , 行一陣就到 .

Bye Bye !