Hello !
上回講到參觀緊 "北海道廳舊本廳舍" , 攪掂晒之後 ,
都過晒午飯時間 , 所以即刻趕往 "薄野" 果頭 ,
一黎參觀條 "拉麵橫丁" , 二黎就梗係幫襯埋佢啦 .
由 "北海道廳舊本廳舍" 行過 "薄野" , 只需幾個街口就到 .
頂層既 "羊々亭 " , 好多旅行團黎食晚餐 , 類似 "漢和" 燒烤咁 , 正 !
呢度夜晚好旺場架 , 可以話係五光十色 . ^_^ !!
最右邊係 "東橫Inn" , 住呢度夠晒方便 , 唔錯 !
中間係 "蟹將軍" , 除 "蟹本家" 外 , "蟹將軍" 都係食蟹既好地方 .
Zoom 近D睇 , 就係佢 .
可惜呢兩間我都未幫襯過 . >_< !!
LOTTERIA 呢間就幫襯過 , D野都好正架 . ^0^ ~
地下有幾隻白鴿 . (都係唔好騷擾佢咯)
先參觀 "新拉麵橫丁" .
設於地庫裡面 .
可能係過晒午飯時間 , 充滿 "水靜鵝飛" Feel .
之後行過隔離 "元祖" 拉麵橫丁 .
情況都唔好得幾多 .
有D直情拉埋閘 , 等晚市再玩過 . "弟子屈" ? 個名好熟 ,
好似在 "道東" 聽過 ? 如果冇記錯 , 應該係地方名 .
最遠處果兩位都係 "慕名而來" 既遊客 , 諗緊幫襯邊間好呢 .
點解我知道 ? 因為佢地都係講 "廣東話" 囉 .
二代目 , 萬來軒 .
就在佢地討論之際 , 我經已鎖定好目標 .
就係呢間 , 叫做 : 味の華龍 ,
第一檔果然有優勢 , 唔知會唔會貴租D呢 ?
入去咯 , 求其搵個位坐都得 , 因為一個客都冇 , 玩包場黎食 .
牆邊好多簽名喎 , 應該有D水準掛 ?
叫個 "帶子叉燒麵" & "餃子" , 唔叫啤酒住 , 晚餐先至飲 .
呢種格局既拉麵店 , 我就至鍾意 , Yeah !
影多兩影就煮好個拉麵 , 話都冇咁快 , 夠晒Pro呀 .
餃子到 , 食咁隻添 .
帶子叉燒拉麵 1200Yen , 餃子 400Yen , 合計 1600Yen埋單 .
食晒之後 , 又要趕下場 , 臨走前影多張先 .
咦 ~ 落雪喎 , 正呀 !
仲越落越大添 , Wow ~ D妹妹仔仲可以露對腳出黎 ,
真係唔講番句 "年少多好" 都唔得 . ^_< !!
下一個目的地係 "Sapporo Factory" , 由於冇車坐 ,
所以要行路去 , 不過路程唔算好遠 .
況且雪中漫步 , (雖然得一個人) 都幾浪漫丫 . XD
北花壇 , 上網Check過 , 係一間賣花既店舖 .
經過 "大通公園" 果頭 , 遠處見到 "札幌鐵塔" ,
不過今次目標唔係佢 , 暫時過其門而不入 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~