2017/08/23

天鴿襲港




Hello !


隨住尋日既熱爆全城之後 , 今日黎到既就係十號風球 .

曾幾何時 ~ 我都經歷過希望掛8號風球而放假 , 正式係年少無知 . 

就以今朝黎講 , D風大到呢 , 在房裡聽到風陣陣烈風紛紛吹 ,

真係心都寒埋 , 跟住落樓下買早餐 , 直接感受勁風 , 

雖然沿途有瓦遮頭 , 不過橫風橫雨 , 要睇住D風黎行 , 

等佢間歇停風先快步行 , 總好個同D風硬拼 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

返到屋企之後 , 百無了賴 , 都係睇新聞及風暴消息渡日 .

見到杏花邨同鯉魚門果頭 , D海水正式係大海無量 , 

感覺上同311海嘯差不多 (實際上當然差得遠啦)

一個大浪就將D海水打上黎 , 記者要札住馬黎報導 , 真係辛苦晒 .

辛苦晒既仲有消防員 , 澗住水黎救被困既鯉魚門居民 , 勁呀 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

唔好以為在家裡就絕對安全 , 土瓜灣有單吊船撞窗 , 

又係攞你命 , 隻吊船撞到D窗爆晒 , 維修費亦係無法估計 , 

不過最緊要都係人冇事 , 錢可以再搵過 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

風暴感嘆就講到呢度 , 第日再講其他話題 .

Bye Bye !



2017/08/13

Pokemon Go Level 40




Hello !


唔覺唔覺 , 寫完個旅遊網誌都成個多星期 ,

呢段時間去左邊 ? 之唔係幫個 Pokemon Go 埋尾 , 打到上頂級 Level 40 .

幾經艱辛之下 , 終於都完成晒整個歷程 , 到達 Level 40 .

XP 果欄已經冇左 , 即係再打都唔會有分計 .


左下角果度都係咁 , 條紅線到達盡頭 .


話時話 , 近排要賺取XP , 都唔係咁難 , 出左神獸之後 ,

打贏一場團體戰 , 都有10000XP , 所以先至咁快升呢 .

還記得 利基亞 & 急凍鳥 , 係8號風球果日推出 , 當日即刻出去打團體戰 ,

急凍鳥只係推出一周就Bye Bye  , 利基亞 到今日都仲有得捉 .

呢隻比較難捉 , 只係捉到6隻 . 最高果隻 CP2025 .


急凍鳥捉左5隻 , 最高CP係1676 , 唯有自己慢慢升佢 .


火鳥比較多D , 捉左7隻 , 最高CP係1851 .


今日都仲有得捉既 雷鳥 , 有8隻進賬 , 最高係 CP1902 .


其他既 班吉拉 , 寫 FULL 果D就係升到盡頭 .


雖然已經到達 Level 40 , 不過並唔代表會放棄呢個Game , 

相反 ~ 仲要捉多D野黎賺取 星塵 要黎升呢 , 所以仲有掛忙架 . XD

至於旅遊方面 , 暫時都未諗到去邊度 , 仲有大把時間 , 慢慢都未遲 .

(唔記得之前有冇講過 , 只得農曆年檔期可以出門)

有進一步消息再通知大家 .

Bye Bye !



2017/08/03

2017北海道及和歌山11天自駕遊D11-1 回港結局篇(全篇完)




Hello !


上回講到食完 拉麵同埋八爪魚波 , 跟住返酒店 ...

之後除左睇電視外 , 仲要收拾好所有行李 , 聽朝晨咁早就出機場 ,

連酒店早餐都食唔切 , 至於今日雖然係第11日 , 不過完全冇景點可言 , 

所以都唔再拖拖拉拉 , 一篇過寫晒整個第11天 .

好 ~ 攪掂就開始 , 大清早起身Check out , 落到樓下 , 天都未光 .


向住 南海難波駅 方向行 , 經過地下鐵入口 .


繼續向前行 , 好快就見到 南海難波駅 .


上埋條樓梯就到售票處 .


拎住個大篋 , 梗係搭自動電梯啦 .  ^^


前面買車飛 .


難波 往 關西空港 , 920 Yen .


入閘 .


當時時間係 05:17


05:28 有班急行 往 機場 .


仲有小小時間 , 過黎呢邊9號月台懷念一番 .

懷疑乜野 ? 新讀者未必知 , 就係當日在呢度遺失相機 .

有興趣睇番既話 , 可以Click入呢度 .


綠色補票機 , 就係案發地點 .


攪掂 ~ 過番去5號月台 .


部車亦都恭候多時 , 立即上車 .


晨早流流 , 大把位任坐 .


約莫40分鐘 , 到達 關西空港 .


向住 T2 方向行 .


搵番無料接駁巴士站 .


都係冇乜人搭 , 點坐都得 .


到站 ~ 天色藍藍地 , 天光喇 .


裡面就係國際線 , 之前有冇講過 , 搬左地方 .


Wow ~ 多人到呢 , 首先排隊在部機登記 , 之後再排櫃檯交低行李 .


經過一連串排隊之後 , 在前面入閘 .


再一輪離境及行李檢查手續之後 , 黎到候機地方 .


DUTY FREE .


FOOD , 就在呢度食早餐啦 .


經過擴建後 , 地方大左好多 .


不過賣野地方小左 .


2017年1月28日 擴張 . 果陣係2月頭 , 開張冇幾耐 .


08:01 準備埋位 .


Gate 85 , 右邊丫 , 唔該 .


排隊中 ...


行出停機坪上機 , 正呀 .


上機通道有D水族館Feel .  ^^


桃紅配白色機身 , 更勝 捷星 一籌 .


上機擺好件手提行李 , 開機後由於冇野食 , 瞓番尋晚果Part .


一別數小時 , 落機後辦妥入境手續 , 黎到呢度等行李 .


雖然延誤左一陣 , 不過都好快領回行李 .


往機鐵途中 .


仲未有車黎架 , 果陣正式係歸心似箭 . haha ...


下一站 青衣 ...


好 ~ 送君千里 , 終須一別 , 行程就寫到呢度 , 多謝收睇 .

Bye Bye !

全篇完 !



2017/08/01

2017北海道及和歌山11天自駕遊D10-8完 拉麵+八爪魚波篇




Hello !


上回講到在 スパワールド世界の大温泉 出番黎 ...

經過大街 , 睇多陣就返 難波 .  ^_^ !!

大雞泡魚裝飾 , 夜晚睇又一番景象 .


ビリケン像合照 , 1~2~3 笑 ... OK .


ビリケン神社 , 勁 !


話時話 , 果陣仲未食晚餐 , 趕快搭的士返 難波 .


話咁快就到 , 連隨搵食 , 餃子之王將 , 點睇呀 ?


好似唔錯咁喎 , 不過都係睇定D先 .


金龍 又如何呀 ?


就揀佢啦 , 門口有售票機 .


交飛之後拎個牌仔等叫號碼 .


咦 ~ 呢位仁兄有D似 中村獅童 喎 , 唔係真係佢黎呀嘛 ?


講多兩講 , 拉麵到 , 配菜及水在隔離自取 .


食完 ...


D碗筷拎去裡面就攪掂 .


由於聽朝晨早幾 , 換言之今晚就係最後一擊 , 

一於轉場食大佢 , 去左過幾間既 八爪魚波店 , 呢度前舖後食堂 , 

即係在舖前買左 , 拎入黎舖後食 .


殺得性起 , 一於啤啤佢 . D八爪魚波 外熱內更熱 , 

直情係辣口 , 呢杯啤酒正式係及時雨 , 正到冇朋友 !!


唔講唔知 , 記憶中今次係我第一次在日本街頭食呢味野 .

熱辣辣 , 唔錯 ~ 有機會會再試 . Yeah !!


返回酒店 , 買盒鮮奶做宵夜 .


幾件蛋糕 , 食得就食 , 食唔晒就帶番香港 .


兩支粟米做手做 , 不過 ~ 好似 阿信屋 都有得賣 .  XD


睇多陣電視就瞓覺 .

Bye Bye !

第十日完 .